പുതുതലമുറയ്ക്ക് വേണ്ടി പ്രഗത്ഭവ്യക്തികൾക്ക് ഒപ്പം ഇനി കെ.എം മാണിയുടെ ചിത്രവും. പാലാ പാറപ്പള്ളി ഗവ. സ്കൂളിന് ചിത്രങ്ങൾ കൈമാറി കർഷക യൂണിയൻ എം മണ്ഡലം കമ്മിറ്റി

പാലാ: 55 വർഷത്തിൽ അധികം തുടർച്ചയായി പാലായുടെ ജനപ്രതിനിധിയും മന്ത്രിയും തകർക്കപ്പെടാത്ത ഒട്ടനവധി റിക്കോർഡുകളുടെ ഉടമയും അറിവിന്റെ ഒരു സർവകലാശാല തന്നെയുമായ യശശരീരനായ കെ.എം മാണി സാറിന്റെ ചിത്രവും ഗാന്ധിജി ഉൾപ്പെടെയുള്ള നിരവധി പ്രഗത്ഭ വ്യക്തികൾക്ക് ഒപ്പം ഇനി പാലാ പാറപ്പള്ളി ഗവൺമെന്റ് എൽ. പി സ്കൂളിന്റെ ചുവരിൽ.

            .               
കർഷക യൂണിയൻ എം പാലാ നിയോജക മണ്ഡലം കമ്മിറ്റിയാണ് കെ. എം മാണിയുടെ ചിത്രം സ്കൂളിന് നൽകിയത്. മാണിയുടെ ചിത്രത്തിന് ഒപ്പം മുൻ രാഷ്ട്രപതി കെ. ആർ നാരായണന്റേയും, ഏ.പി.ജെ അബ്ദുൾ കലാമിന്റേയും ചിത്രങ്ങൾ സ്കൂളിന് നൽകി.

മിനിച്ചിൽ പഞ്ചായത്ത് പ്രസിഡന്റ് സോജൻ തൊടുകയിൽ നിന്നും സ്കൂൾ പ്രധാന അധ്യാപിക സുമ ബി നായർ ചിത്രങ്ങൾ ഏറ്റുവാങ്ങി.

ചടങ്ങിൽ കർഷക യൂണിയൻ എം പാലാ നിയോജക മണ്ഡലം പ്രസിഡന്റ് അപ്പച്ചൻ നെടുംമ്പിള്ളിൽ അധ്യക്ഷത വഹിച്ചു. 

കെ ഭാസ്കരൻ നായർ, തോമസ് നീലിയറ, സണ്ണി വെട്ടം, ജോസഫ് വെട്ടിക്കൽ, ടോമി തകിടിയേൽ, ഷാജി കൊല്ലിത്തടം, ജെയ്സൺ ജോസഫ് എന്നിവർ പ്രസംഗിച്ചു. കർഷക യൂണിയൻ സംസ്ഥാന സെക്രട്ടറി പ്രഫസർ കെ. പി ജോസഫ് കുട്ടികൾക്ക് മധുരം വിതരണം ചെയ്തു. 

അധ്യാപകരായ സന്തോഷ്‌ തോമസ്, രമ്യാ മോൾ സി.എൻ, ലിന്റു ജോസ്, സബിത ബിനോയ്‌, ഷിലാ കൈലാസ്, എസ് എം സി ചെയർമാൻ അപർണ കെ. വി എന്നിവർ ചടങ്ങിന് നേതൃത്വം നൽകി.