/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/10/18/stitching-unit-2025-10-18-15-14-06.jpg)
കോട്ടയം: ശരണ്യ സ്വയംതൊഴില്‍ പദ്ധതിയുടെ ജില്ലാതല കമ്മറ്റി യോഗം 27 അപേക്ഷകള്‍ക്ക് അംഗീകാരം നല്‍കി.
സംസ്ഥാനത്തെ എംപ്ലോയ്‌മെന്റ് എക്‌സ്‌ചേഞ്ചുകളില്‍ രജിസ്റ്റര്‍ ചെയ്തിട്ടുള്ള തൊഴില്‍ രഹിതരായ, ഭര്‍ത്താവ് മരിച്ച സ്ത്രീകള്‍, ഭര്‍ത്താവ് ഉപേക്ഷിക്കുകയോ/ ഭര്‍ത്താവിനെ കാണാതാവുകയോ ചെയ്തവര്‍, 30 വയസ്സു കഴിഞ്ഞ അവിവാഹിത വനിതകള്‍, ശയ്യാവലംബരും നിത്യരോഗികളുമായ ഭര്‍ത്താവുള്ള വനിതകള്‍ എന്നിവര്‍ക്ക് സ്വയം തൊഴില്‍ ആരംഭിക്കുന്നതിനായി 50 ശതമാനം സബ്‌സിഡിയോടുകൂടി 50,000 രൂപ പലിശരഹിത വായ്പ നല്‍കുന്ന പദ്ധതിയാണ് ശരണ്യ.
ആടുവളര്‍ത്തല്‍, കോഴിവളര്‍ത്തല്‍, തയ്യല്‍ യൂണിറ്റ്, ഉച്ചഭക്ഷണവിതരണം, ബേക്കറി സ്റ്റോര്‍, തട്ടുകട,അച്ചാര്‍ നിര്‍മാണ യൂണിറ്റ്, സ്റ്റേഷനറി, ക്ലീനിംഗ് പ്രൊഡക്റ്റ്‌സ്, ഫാസ്റ്റ് ഫുഡ്, പലചരക്കുകട തുടങ്ങി വിവിധ മേഖലകളില്‍ സംരംഭങ്ങള്‍ തുടങ്ങുന്നതിനാണ് അപേക്ഷ ലഭിച്ചത്.
യോഗത്തില്‍ ജില്ലാ എംപ്ലോയ്‌മെന്റ് ഓഫീസര്‍ ഒ.എസ്. ശ്രീകുമാര്‍, ജില്ലാ സാമൂഹ്യനീതി വകുപ്പ് സീനിയര്‍ സൂപ്രണ്ട് സി.എസ്. ജ്യോതിഷ്, ഹുസൂര്‍ ശിരസ്തദാര്‍ പി.വി. ജയേഷ്, ജില്ലാ ഇന്‍ഫര്‍മേഷന്‍ ഓഫീസ് അസിസ്റ്റന്റ് ഇന്‍ഫര്‍മേഷന്‍ ഓഫീസര്‍ എസ്. ശ്രീജിത്ത്, ജില്ലാ വ്യവസായകേന്ദ്രം അസിസ്റ്റന്റ് ജില്ലാ മാനേജര്‍ എം. അരുണ്‍രാജ്, ഏറ്റുമാനൂര്‍ ഗവണ്മെന്റ് ഐ.ടി.ഐ. ഗ്രൂപ്പ് ഇന്‍സ്ട്രക്ടര്‍ വി.വി. ബിനുമോന്‍ എന്നിവര്‍ പങ്കെടുത്തു.