/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/10/18/SAG3d1cJcLRWKTPdQUdJ.jpg)
പാലാ: പാലാ രൂപത സോഷ്യൽ വെൽഫെയർ സൊസൈറ്റിയുടെ ആഭിമുഖ്യത്തിൽ സംഘടിപ്പിക്കുന്ന അഗ്രി ഫെസ്റ്റ് കരൂര്‍ തിരുഹൃദയ പള്ളി മൈതാനിയിൽ ഒക്ടോബര്‍ 20ന്. ഞായറാഴ്ച രാവിലെ 6.30 മുതൽ ഗുണനിലവാരമുള്ള ഫലവൃക്ഷ - പച്ചക്കറി തൈകളുടെ വിപണന മേള ആരംഭിക്കും.
ലോകത്തിലെ ഏറ്റവും രുചിയുള്ള പേരകളിൽ ഒന്നായ ജപ്പാൻ പേര ഇവിടെ ലഭിക്കും. കുരുകുറവുള്ളതും നല്ല മധുരവും ചുവപ്പ് നിറവും ഉള്ള ജപ്പാന്‍ പേര മൂന്നാം മാസം മുതൽ കായ്ഫലം തരുന്നു.
പുളി കുറവുള്ളതും പച്ചയ്ക്ക് കഴിക്കാവുന്നതും നല്ല മധുരമുള്ളതുമായ തായ്‌ലൻഡ് കാറ്റി മൂന്‍ മാവും വില്പനയ്ക്കുണ്ട്. രണ്ടാം വര്‍ഷം കായ് ഫലം നല്‍കുന്ന ഇവ ഡ്രമ്മിലും വളര്‍ത്താം.
നാംഡോക്ക് മയി മാവ് മറ്റൊരു മികച്ച ഇനമാണ്. നല്ല രുചിയുള്ളതും മധുരമുള്ളതുമായ കായ് ഫലം നല്‍കുന്നു. കാലാപാടി, കൊളമ്പ്, മൂവാണ്ടന്‍, പ്രിയൂര്‍ എന്നീ ഇനങ്ങളും മേളയിലെ ഇനങ്ങളാണ്.
ജെ 33 വരിക്ക പ്ലാവ് ഒരു പ്രധാന പ്ലാവിനമാണ്. മഴക്കാലത്ത് വെള്ളം കുടിക്കാത്തതും നല്ല മധുരമുള്ളതുമായ ചുള ഇതിന്‍റെ പ്രത്യേകതയാണ്.
എവിആര്‍ക്ക് എന്നറിയപ്പെടുന്ന ഏറ്റവും മധുരമുള്ള വരിക്ക പ്ലാവ് മറ്റൊരു ഇനമാണ്. വിയറ്റ്നാം സൂപ്പർ ഏർളി ഒന്നാം വർഷം കായ്ക്കുന്നവയാണ്. വിയറ്റ്നാം റെഡ്, സിന്ദൂരം, ഡാങ് സൂര്യ എന്നീ പ്ലാവിനങ്ങും ഇവിടെയുണ്ട്.
എന്‍18 സീസർ, ഇ 35, ബിഞ്ചായി, കെജി 10 എന്നീ റമ്പൂട്ടാന്‍ ഇനങ്ങളും മേളയിലുണ്ട്. കുറ്റ്യാടി, ഗംഗാ ബോണ്ടം, 18-ാം പട്ട, ഡി x ടി, ടി x ഡി മുതലായ തെങ്ങിനങ്ങളും മേളയിലുണ്ട്.
കവുങ്ങ് ഇനങ്ങളായ ശതമംഗള (ഏറ്റവും കൂടുതൽ ഉല്പാദനം ഉള്ളത്), ഇൻ്റർ മംഗള, ഇൻ്റർ മോഹിത് നഗർ, കാസർഗോഡൻ എന്നിവയും നട്ടാൽ മൂന്നാം മാസം മുതൽ കായ്ഫലം തരുന്ന ഓൾ സീസൺ ഇനമായ മീറ്റർ മുരിങ്ങ, മറ്റു ഫലവൃക്ഷ തൈകളായ ഡ്രാഗൺ ഫ്രൂട്ട്, അബിയു, അച്ചാചെറു, ഫിലോസാൻ, കടപ്ലാവ്, മിറക്കിൾ ഫ്രൂട്ട്, തായ്ലൻ്റ് ചാമ്പ, സപ്പോർട്ടകൾ, മാഗോസ്റ്റ്യൻ എന്നിവയും മേളയിലുണ്ട്.
ടിഷ്യു കൾച്ചറർ വാഴ തൈകളായ ആറ്റു നേന്ദ്രൻ (ഏത്തവാഴ) നല്ല രുചിയുള്ളത്, 8-ാം മാസം കുലക്കും, ശരാശരി 14 - 16 കിലോ തൂക്കം, ഗ്രാൻ്റനെയിൻ (റോബസ്റ്റാ) 8 -ാം മാസം കായ്ഫലം തരുന്നതും ശരാശരി 40 കിലോ തൂക്കം വരുന്ന ഇനം, ഞാലി പൂവൻ (8 -ാം മാസം കായ്ഫലം തരുന്നത്) എന്നിവയും ഇവിടെയുണ്ട്.