എംജി യൂണിവേഴ്സിറ്റി കലോത്സവത്തിൽ രാമപുരം മാർ ആഗസ്തിനോസ് കോളേജിന് ഒന്നും മൂന്നും സ്ഥാനം ഉൾപ്പെടെ 14 എ ഗ്രേഡോടെ മികച്ച നേട്ടം

രാമപുരം: ഇക്കഴിഞ്ഞ എംജി യൂണിവേഴ്സിറ്റി കലോത്സവം 'ദസ്തക് 2025' ൽ രാമപുരം മാർ ആഗസ്തീനോസ് വിദ്യാർത്ഥികൾ മികച്ച നേട്ടം കൈവരിച്ചു. ശ്രാവൺ ചന്ദ്രൻ ടി ജെ സ്പോട്ട് പെയിന്റിംഗ് ഒന്നാം സ്ഥാനവും കാർട്ടൂണിംഗിൽ മൂന്നാം സ്ഥാനവും കരസ്ഥമാക്കി.

സോന മറിയം ജോസ് ഇംഗ്ലീഷ് ചെറുകഥയിലും ഇംഗ്ലീഷ് എസ് എ റൈറ്റിങ്ങിലും എ ഗ്രേഡും, ഗീതു വി കവിത പാരായണത്തിലും ഹിന്ദി കവിത രചനയിലും എ ഗ്രേഡും ലഭിച്ചു.

അഭിനവ് ബാബു മോണോ ആക്ടിൽ എ ഗ്രേഡും, സൂര്യ സോമൻ വെസ്റ്റേൺ ഉപകരണ താള വാദ്യത്തിൽ എ ഗ്രേഡും, ആൻലിയ ജോഷി ഹിന്ദി ഉപന്യാസ രചനയിൽ എ ഗ്രേഡും, കൃഷ്ണവേണി ഹിന്ദി ചെറുകഥയിൽ എ ഗ്രേഡും കരസ്ഥമാക്കി.

അനുഗ്രഹ മറിയം ബിജു ഇംഗ്ലീഷ് കവിത രചനയിൽ എ ഗ്രേഡും, പ്രണവ് എ ടി മലയാളം ചെറുകഥയിൽ എ ഗ്രേഡും, പാർത്ഥിവ് സി ജി ഹിന്ദി പ്രഭാഷണത്തിൽ എ ഗ്രേഡും നേടി. 

ദേവിക ലൈജു, സ്നേഹ സാബു, മീനാക്ഷി തങ്കച്ചൻ, കാർത്തിക പി ആർ, ഗോപിക മോഹൻദാസ്, കാവ്യ അനിൽകുമാർ, കല്യാണി സന്തോഷ്, തെരേസ ലിസ് തോമസ്, ഗോപിക വി ജെ, ജ്യോതിക ഷാജി എന്നിവരുടെ ടീം തിരുവാതിര കളിയിൽ എ ഗ്രേഡും കരസ്ഥമാക്കി. 

വിജയികളെ കോളേജ് മാനേജർ റവ ഫാ. ബെർകുമാൻസ് കുന്നുംപുറം, പ്രിൻസിപ്പൽ ഡോ ജോയ് ജേക്കബ്, സ്റ്റാഫ് കോഡിനേറ്റർമാരായ ഷീബ തോമസ്, സുമേഷ് സി എൻ, ആർട്ട്സ് ക്ലബ് സെക്രട്ടറി ഷെറിൻ തുടങ്ങിയവർ അഭിനന്ദിച്ചു.