ബൈക്ക് നിയന്ത്രണം വിട്ട് മതിലിൽ ഇടിച്ച് വിദ്യാർത്ഥിക്കു ദാരുണാന്ത്യം. അപകടം പൂവത്തുങ്കൽ പള്ളിക്ക് സമീപം. കൂട്ടുകാരൻ്റെ ബൈക്കുമായി കുര്യനാട് ഭാഗത്തേക്ക് പോയി തിരികെ വരുകയായിരുന്നു

പാലാ : ബൈക്ക് നിയന്ത്രണം വിട്ട് മതിലിൽ ഇടിച്ച് വിദ്യാർത്ഥിക്കു ദാരുണാന്ത്യം. കുറിച്ചിത്താനം വെങ്ങിണിക്കാട്ട് ആദിത്യ ജോതി (17) ആണ് മരിച്ചത്. ബുധനാഴ്ച രാത്രി 10 മണിയോടെ ആയിരുന്നു സംഭവം.

കുര്യനാട് ഉഴവൂർ റോഡിൽ പൂവത്തുങ്കൽ പള്ളിക്ക് സമീപമായിരുന്നു അപകടം. വിദ്യാർത്ഥി ഓടിച്ചിരുന്ന ബൈക്ക് നിയന്ത്രണം നഷ്ടപെട്ട് സമീപത്തെ മതിലിൽ ഇടിക്കുകയായിരുന്നു.  കൂട്ടുകാരൻ്റെ ബൈക്കുമായി കുര്യനാട് ഭാഗത്തേക്ക് പോയി തിരികെ വരുന്നതിനിടെ ആയിരുന്നു അപകടം.