പാലാ ഏഴാച്ചേരി കാവിന്‍പുറം ഉമാമഹേശ്വര ക്ഷേത്രത്തിലെ തിരുവാതിര-താലപ്പൊലി മഹോത്സവത്തിന് മുന്നോടിയായുള്ള റീല്‍സിന്റെ പ്രകാശനം ക്ഷേത്രസന്നിധിയില്‍ നടന്നു

മുതിര്‍ന്ന മാധ്യമപ്രവര്‍ത്തകനും കാവിന്‍പുറം ക്ഷേത്രം മീഡിയ കോ-ഓര്‍ഡിനേറ്ററുമായ സുനില്‍ പാലായാണ് റീല്‍സിന്റെ സംവിധാനവും നിര്‍മ്മാണവും നിര്‍വ്വഹിച്ചിരിക്കുന്നത്.

New Update
Untitled design(42)

പാലാ: പാലാ ഏഴാച്ചേരി കാവിന്‍പുറം ഉമാമഹേശ്വര ക്ഷേത്രത്തിലെ തിരുവാതിര-താലപ്പൊലി മഹോത്സവത്തിന് മുന്നോടിയായുള്ള റീല്‍സിന്റെ പ്രകാശനം ക്ഷേത്രസന്നിധിയില്‍ നടന്നു.

Advertisment

ദേവസ്വം പ്രസിഡന്റ് റ്റി.എന്‍. സുകുമാരന്‍ നായര്‍ റീല്‍സ് പ്രകാശനം ചെയ്തു. കാവിന്‍പുറം ക്ഷേത്രത്തിന്റെ പശ്ചാത്തലത്തില്‍ ചിത്രീകരിച്ചിരിക്കുന്ന റീല്‍സില്‍ പാലാ അല്‍ഫോന്‍സാ കോളേജിലെ മൂന്നാം വര്‍ഷ ഫാഷന്‍ ഡിസൈനിംഗ് വിദ്യാര്‍ത്ഥിനി അശ്വനി പ്രദീപും രാമപുരം മാര്‍ ആഗസ്തിനോസ് കോളേജിലെ ബി.സി.എ. ഒന്നാംവര്‍ഷ വിദ്യാര്‍ത്ഥിയും പ്രമുഖ മജീഷ്യനുമായ എസ്. അഭിനവ് കൃഷ്ണയുമാണ് രംഗത്തുവരുന്നത്. 

മുതിര്‍ന്ന മാധ്യമപ്രവര്‍ത്തകനും കാവിന്‍പുറം ക്ഷേത്രം മീഡിയ കോ-ഓര്‍ഡിനേറ്ററുമായ സുനില്‍ പാലായാണ് റീല്‍സിന്റെ സംവിധാനവും നിര്‍മ്മാണവും നിര്‍വ്വഹിച്ചിരിക്കുന്നത്. കണ്ണന്‍ കിടങ്ങൂരാണ് ക്യാമറാമാന്‍. 

റീല്‍സ് പ്രകാശന സമ്മേളനത്തില്‍ ദേവസ്വം സെക്രട്ടറി ചന്ദ്രശേഖരന്‍ നായര്‍ പുളിക്കല്‍ അദ്ധ്യക്ഷത വഹിച്ചു. ദിലീപ് ആരത്തുങ്കല്‍, സുരേഷ് ലക്ഷ്മിനിവാസ്, ഭാസ്‌കരന്‍ നായര്‍ കൊടുങ്കയം, ത്രിവിക്രമന്‍ തെങ്ങുംപള്ളില്‍, പ്രസന്നകുമാര്‍, ഗോപകുമാര്‍, ജയചന്ദ്രന്‍ വരകപ്പള്ളില്‍, സി.ജി. വിജയകുമാര്‍, ടി.എസ്. ശിവദാസ്, ബാബു പുന്നത്താനം, പി.എസ്. ശശിധരന്‍ തുടങ്ങിയവര്‍ ആശംസകള്‍ നേര്‍ന്നു. 

കാവിന്‍പുറം ക്ഷേത്രോത്സവ ചരിത്രത്തില്‍ ആദ്യമായാണ് ഉത്സവ പരിപാടികളുടെ റീല്‍സ് പുറത്തിറക്കുന്നത്. കാര്യപരിപാടികള്‍ ഉള്‍പ്പെടെ മൂന്ന് റീല്‍സാണ് ചിത്രീകരിച്ചിട്ടുള്ളത്.

Advertisment