/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/12/25/beach-football-2025-12-25-22-19-50.jpg)
കോഴിക്കോട്: ബേപ്പൂര് ഇന്റര്നാഷണല് വാട്ടര് ഫെസ്റ്റ് അഞ്ചാം പതിപ്പിന്റെ പ്രചാരണാര്ഥം സംഘടിപ്പിച്ച ബീച്ച് ഫുട്ബോളില് വനിതാ വിഭാഗത്തില് ദേവഗിരി സെന്റ് ജോസഫ് കോളേജും പുരുഷ വിഭാഗത്തില് ബേപ്പൂര് വൈ ബി എസും ജേതാക്കളായി.
വനിതാ വിഭാഗം ഫൈനലില് ഡൈനാമിക് എഫ് സിയെ എതിരില്ലാത്ത ഒരു ഗോളിനാണ് ദേവഗിരി സെന്റ് ജോസഫ് കോളേജ് പരാജയപ്പെടുത്തിയത്.
പുരുഷ വിഭാഗത്തില് ബേപ്പൂര് ഫൈറ്റേഴ്സിനെ ഒന്നിനെതിരെ രണ്ട് ഗോളുകള്ക്ക് പരാജയപ്പെടുത്തിയാണ് വൈ ബി എസ് ടീം ഒന്നാമതെത്തിയത്. പുരുഷ-വനിതാ വിഭാഗങ്ങളിലായി എട്ട് വീതം ടീമുകളാണ് ബീച്ചില് കളിയാവേശം തീര്ത്തത്.
ഒന്നാം സ്ഥാനക്കാര്ക്ക് 12,000 രൂപയും രണ്ടാം സ്ഥാനക്കാര്ക്ക് 8000 രൂപയുമാണ് സമ്മാനം. ബേപ്പൂര് ബീച്ചില് നടന്ന മത്സരം ഫറോക്ക് എ.സി.പി എ എം സിദ്ദിഖ് ഉദ്ഘാടനം ചെയ്തു.
സ്പോര്ട്സ് കൗണ്സില് വൈസ് പ്രസിഡന്റ് ഡോ. വി റോയ് ജോണ് അധ്യക്ഷനായി. ജില്ലാ സ്പോര്ട്സ് കൗണ്സില് സെക്രട്ടറി പ്രപു പ്രേംനാഥ്, കോര്പ്പറേഷന് കൗണ്സിലര്മാരായ ഇ അനിതകുമാരി, നിമ്മി പ്രശാന്ത്, തസ്ലീന, കെ.ഡി.എഫ്.എ സെക്രട്ടറി ഷജേഷ്കുമാര്, ഡി.ടി.പി.സി മാനേജര് നിഖില് ഹരിദാസ് തുടങ്ങിയവര് സംസാരിച്ചു.
/filters:format(webp)/sathyam/media/media_files/2025/12/25/beach-football-2-2025-12-25-22-20-02.jpg)
ജില്ലാ സ്പോര്ട്സ് കൗണ്സില് സെക്രട്ടറി പ്രപു പ്രേംനാഥ്, എക്സിക്യൂട്ടീവ് മെമ്പര് കെ ഷാജേഷ് കുമാര് എന്നിവര് സമ്മാനദാനം നിര്വഹിച്ചു. സ്പോര്ട്സ് കൗണ്സിലിന്റെ നേതൃത്വത്തിലാണ് പരിപാടി സംഘടിപ്പിച്ചത്.