പൊന്നാനി നഗരസഭയിലെ മരവിപ്പിച്ച അഴിമതി അന്വേഷണങ്ങൾ പുനരന്വേഷണം നടത്തണം - പൊന്നാനി മുനിസിപ്പൽ കോൺഗ്രസ് പ്രവർത്തക കൺവെൻഷൻ

പൊന്നാനി: നഗരസഭയിലെ വിവിധ സാമ്പത്തികേടുകൾക്കെതിരെയും, അഴിമതിക്കെതിരെയും അന്വേഷണം നടത്തണമെന്ന് ആവശ്യപ്പെട്ട് വിവിധ വകുപ്പുകൾക്ക് പരാതി നൽകിയിട്ടും രാഷ്ട്രീയ ഇടപെടൽ കാരണം തുടരന്വേഷണം നടത്താതെ അന്വേഷണം മരവിപ്പിച്ച പരാതികളെപ്പറ്റി പുനരന്വേഷണം നടത്തണമെന്ന് പൊന്നാനി മുനിസിപ്പൽ പ്രവർത്തക കൺവെൻഷൻ ആവശ്യപ്പെട്ടു. 

പൊന്നാനി നഗരസഭയിലെ വിവിധ പ്രദേശങ്ങളിൽ വെള്ളക്കെട്ട് ഒഴിവാക്കുന്നതിന് വേണ്ടി മഴക്കാല ശുചീകരണ പ്രവർത്തനത്തിന്റെ പേരിൽ  ചിലവാക്കിയ തുക പൊന്നാനി നഗരസഭ വെളിപ്പെടുത്താത്തതിൽ ദുരൂഹതയുണ്ടെന്ന് കോൺഗ്രസ് ആരോപിച്ചു.

മഴക്കാല ശുചീകരണ പ്രവർത്തനം വേണ്ട രീതിയിൽ നടപ്പിലാക്കാത്തതിൻ്റെ പേരിൽ നിരവധി അഴുക്കുചാലുകളിൽ മണൽ നീക്കം ചെയ്യാത്തത് കാരണമാണ് പൊന്നാനി നഗരസഭയിലെ പല പ്രദേശങ്ങളിലെയും വീടുകളിൽ വെള്ളം കയറുന്നതെന്ന് പൊന്നാനി, ഈഴുവത്തിരുത്തി മണ്ഡലം കോൺഗ്രസ് പ്രവർത്തയോഗം കുറ്റപ്പെടുത്തി.

പ്രവർത്തക കൺവെൻഷൻ യുഡിഎഫ് ജില്ലാ ചെയർമാൻ പിടി അജയമോഹൻ ഉദ്ഘാടനം ചെയ്തു കെ ജയപ്രകാശ് അധ്യക്ഷ വഹിച്ചു. കെപിസിസി സെക്രട്ടറി കെ പി നൗഷാദ് അലി, സി ഹരിദാസ്, എം വി ശ്രീധരൻ, എ എം രോഹിത്, കെ ശിവരാമൻ, ടി കെ അഷറഫ്, എൻ എ ജോസഫ്, വി ചന്ദ്രവല്ലി, മുസ്തഫ വടമുക്ക്, പുന്നക്കൽ സുരേഷ്, ഉണ്ണികൃഷ്ണൻ പൊന്നാനി, എൻ പി നബീൽ എന്നിവർ സംസാരിച്ചു.

നഗരസഭയുടെ അഴിമതികൾ അന്വേഷിക്കണമെന്ന് ആവശ്യപ്പെട്ട് നടത്തിയ പ്രതിഷേധ പ്രകടനത്തിന് കെ പി അബ്ദുൽ ജബ്ബാർ, എ പവിത്രകുമാർ,എം അബ്ദുല്ലത്തീഫ്, എം രാമനാഥൻ, യു മാമൂട്ടി എന്നിവർ നേതൃത്വം നൽകി.