എൻഎസ്എസ് പുതുശ്ശേരി മേഖല കരയോഗം യൂണിയന്‍ പ്രസിഡന്‍റ് അഡ‍്വ. കെ.കെ മേനോന്‍ നിര്‍വ്വഹിച്ചു

പുതുശ്ശേരി: പാലക്കാട് താലൂക്ക് എൻഎസ്എസ് യൂണിയന്റെ എഴുപതാം വാർഷിക ആഘോഷങ്ങളുടെ ഭാഗമായി സദ്ഗമയ എന്ന നാമധേയത്തിൽ നടത്തുന്ന മേഖലാ സമ്മേളനങ്ങളുടെ മുന്നോടിയായി പുതുശ്ശേരി മേഖലയിലെ കരയോഗത്തിന്‍റെയും വനിതാ സമാജം ഭാരവാഹികൾ പങ്കെടുത്ത മേഖലാ പ്രവർത്തകയോഗത്തിന്‍റെയും ഉദ്ഘാടനം യൂണിയൻ പ്രസിഡന്റ് അഡ്വക്കേറ്റ് കെ കെ മേനോൻ നിർവഹിച്ചു. യൂണിയൻ സെക്രട്ടറി എൻ കൃഷ്ണകുമാര്‍ അധ്യക്ഷത വഹിച്ചു. 

യൂണിയൻ വൈസ് പ്രസിഡന്റ് കെ ശിവാനന്ദൻ,യൂണിയൻ ഭാരവാഹികളായ ആർ ബാബു സുരേഷ്, അഡ്വക്കേറ്റ് മോഹൻദാസ്  പാലാട്ട്, , പി സന്തോഷ് കുമാർ, വി രാജ്മോഹൻ, എ അജി, കെ പ്രദീപ് കുമാർ, എം വത്സകുമാർ, രമേഷ് അല്ലത്, വി ജയരാജ്,കെ എസ് അശോക് കുമാർ താലൂക്ക് വനിതാ യൂണിയൻ ഭാരവാഹികളായ അനിത ശങ്കർ, വത്സല ശ്രീകുമാർ,എസ് സ്മിത, വി നളിനി, സുനിത ശിവദാസ്, ജയന്തി മധു, പുതുശ്ശേരി കരയോഗം സെക്രട്ടറി സുദർശനൻ എന്നിവർ പ്രസംഗിച്ചു.

പുതുശ്ശേരി മേഖലയിലെ 41 കരയോഗങ്ങളുടെ പ്രവർത്തകരെ പങ്കെടുപ്പിച്ചുകൊണ്ട് നവംബർ 2 ന് പുതുശ്ശേരി കരയോഗ ഓഡിറ്റോറിയത്തിൽ വച്ച് സദ്ഗമയ മേഖല സമ്മേളനം നടത്തുവാൻ തീരുമാനിച്ചു. 

യൂണിയൻ പ്രസിഡന്റ് അഡ്വക്കേറ്റ് കെ കെ മേനോന്റെ അധ്യക്ഷതയിൽ ചേരുന്ന സമ്മേളനം മണ്ണാർക്കാട് നായർ സർവീസ് സൊസൈറ്റി ഡയറക്ടർ ബോർഡ് മെമ്പറും ഒറ്റപ്പാലം താലൂക്ക് യൂണിയൻ പ്രസിഡണ്ടുമായ പി നാരായണൻ ഉദ്ഘാടനം നിർവഹിക്കും.

തളിപ്പറമ്പ് താലൂക്ക് എൻ എസ് എസ് യൂണിയൻ പ്രസിഡന്റ്   അഡ്വക്കറ്റ് എം എം ഷജിത്ത് മുഖ്യപ്രഭാഷണംനിർവഹിക്കും. സമ്മേളനത്തിന് വേണ്ടി അഡ്വക്കേറ്റ് മോഹൻദാസ് പാലാട്ട് ചെയർമാനും  സുദർശനൻ കൺവീനറുമായി സ്വാഗതസംഘം രൂപീകരിച്ചു.