അംബേദ്കർ ദിനത്തോടനുബന്ധിച്ച് എസ്‌ഡിപിഐ പാലക്കാട് ജില്ലാ കമ്മറ്റി പൊതുസമ്മേളനം സംഘടിപ്പിച്ചു

പാലക്കാട്: അംബേദ്കർ ദിനാചരണത്തിൻ്റെ ഭാഗമായി ഏപ്രിൽ 14ന് 'ഫാഷിസ്റ്റ് കാലത്തെ അംബേദ്കർ ചിന്തകൾ' എന്ന പ്രമേയമുയർത്തികൊണ്ട് എസ്‌ഡിപിഐ പാലക്കാട് ജില്ലാ കമ്മറ്റി പൊതുസമ്മേളനം നടത്തി. 

വൈകുന്നേരം 4 മണിക്ക് മുതലമട കാമ്പ്രത്ത്ചള്ളയിൽ വെച്ച് സംഘടിപ്പിച്ച പൊതുസമ്മേളനം എസ്‌ഡിപിഐ സംസ്ഥാന സമിതിയംഗം വിഎം ഫൈസൽ   ഉത്ഘാടനം ചെയ്തു. ജില്ലാ പ്രസിഡണ്ട് ഷെഹീർ ചാലിപ്പുറം അധ്യക്ഷത വഹിച്ചു.

ജില്ലാ വൈസ് പ്രസിഡണ്ട് അലവി കെ ടി, മനുഷ്യാവകാശ പ്രവർത്തകരായ വിളയോടി ശിവൻകുട്ടി, കാർത്തികേയൻ മംഗലം, വി വരാവകാശ പ്രവർത്തകൻ, വി പി നിജാംമുദ്ധീൻ, നെന്മാറ നിയോജക മണ്ഡലം പ്രസിഡണ്ട് സക്കീർ ഹുസൈൻ എന്നിവര്‍ സംസാരിച്ചു.

എസ്‌ഡിപിഐ ജില്ലാ ട്രഷറർ എവൈ കുഞ്ഞിമുഹമ്മദ്, ജില്ലാ സെക്രട്ടറി റുഖിയ അലി, ജില്ലാ കമ്മറ്റിയംഗം റാസിഖ് പാലക്കാട്, വിമൻ ഇന്ത്യ മൂവ്മെൻ്റ് സംസ്ഥാന സമിതിയംഗം സുലൈഖ റഷീദ്, നെന്മാറ നിയോജക മണ്ഡലം സെക്രട്ടറി ഹരിദാസൻ മുതലമട എന്നിവർ പങ്കെടുത്തു.