മലമ്പുഴ ഡാമില്‍ നീരൊഴുക്ക് വര്‍ദ്ധിക്കുന്നതിനാല്‍ വ്യാഴാഴ്ച സ്പില്‍വേ ഷട്ടറുകള്‍ തുറക്കാന്‍ സാധ്യത. കല്‍പ്പാത്തി പുഴയുടെയും ഭാരത പുഴയുടെയും തീരങ്ങളി‍ല്‍ താമസിക്കുന്നവര്‍ ജാഗ്രത പാലിക്കണം

മലമ്പുഴ: മലമ്പുഴ ഡാമിൽ ജൂൺ 1 മുതൽ 30 വരെ റൂൾ കർവ് പ്രകാരം നിലനിർത്തേണ്ട ജലനിരപ്പ് 110.49 മീറ്റര്‍ ആണ്. നിലവിൽ ഡാമിലെ ജലനിരപ്പ് 110.60 മീറ്റര്‍. 

വൃഷ്ടി പ്രദേശങ്ങളിൽ മഴ ശക്തമായി തുടരുന്ന സാഹചര്യത്തിൽ ഡാമിലേക്കുള്ള നീരോഴുക്ക് വർദ്ധിക്കുന്നതിനാൽ റൂൾ കർവിൽ ജലനിരപ്പ് നിർത്തുന്നതിനായി മലമ്പുഴ ഡാമിന്റെ സ്പിൽ വേ ഷട്ടറുകൾ നാളെ തുറക്കാൻ സാധ്യത ഉണ്ട്. 

അതിനാൽ കൽപ്പാത്തി പുഴയുടെയും ഭാരതപുഴയുടെയും തീരങ്ങളിൽ താമസിക്കുന്നവർ ജാഗ്രത പാലിക്കേണ്ടതാണെന്ന് മലമ്പുഴ ഇറിഗേഷൻ ഡിവിഷൻ എക്സിക്യൂട്ടീവ് എഞ്ചിനീയർ അറിയിച്ചു.