ശബരിമലയിൽ നിന്നും സ്വർണ്ണം കൊണ്ടുപോയത് പദയാത്രയായിട്ടാണോ ? അടിച്ചു മാറ്റാനാണ് ശബരിമല അയ്യപ്പന്റെ സ്വർണ്ണം അഴിച്ചു മാറ്റിയതെന്ന് കെപിസിസി പ്രസിഡന്റ് സണ്ണി ജോസഫ്

മലമ്പുഴ: വാഹനത്തിൽ പോവുകയാണെങ്കിൽ ഒന്നോ രണ്ടോ ദിവസം കൊണ്ട് ശബരിമലയിൽ നിന്നും ചെന്നൈയിൽ എത്താമെന്നിരിക്കെ ഒരു മാസവും ഒമ്പതു ദിവസവും കഴിഞ്ഞാണ് എത്തിയതെന്നും അടിച്ചു മാറ്റാനാണ് ശബരിമല അയ്യപ്പന്റെ സ്വർണ്ണം അഴിച്ചു മാറ്റിയതെന്ന് കെ പി സി സിപ്രസിഡന്റ് അഡ്വ: സണ്ണി ജോസഫ്. 

മലമ്പുഴ മണ്ഡലം യുഡിഎഫ് തെരഞ്ഞെടുപ്പ്പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കൊലപാതകികൾക്കും കള്ളൻമാർക്കും സംരക്ഷണം നൽകിയ സർക്കാരാണ് പിണറായി സർക്കാർ വന്യമൃഗങ്ങളുടെ ആക്രമണത്തിൽ ആയിരത്തിലധികം മനുഷ്യർ കൊല്ലപ്പെട്ടത് പിണറായി സർക്കാരിന്റെ കാലത്തായിരുന്നെന്നും അദ്ദേഹം പറഞ്ഞു.

യൂത്ത് കോൺഗ്രസ് സംസ്ഥാന സെക്രട്ടറി വിനോദ് ചെറാട് അദ്ധ്യക്ഷനായി. നേതാക്കളായ എ തങ്കപ്പൻ, സിചന്ദ്രൻ, പി കെ വാസു, കെ ശിവദാസ്, കോയക്കുട്ടി, എം വി രാധാകൃഷ്ണൻ, കെ എസ് അജയ് ഘോഷ്, എ ഷിജു, പി കൃഷ്ണകുമാർ, ബഷീർ പൂച്ചിറ, എം ആർ അനിൽകുമാർ, എം സി സജീവൻ, കേരളാ കോൺഗ്രസ് സംസ്ഥാനകമ്മിറ്റിയംഗം എസ് ജയകൃഷ്ണൻ, രവീന്ദ്രൻ വള്ളിക്കോട് എന്നിവർ പ്രസംഗിച്ചു.