30 മത് ഐഎഫ്എഫ്കെ: ഓഡിയൻസ് പോൾ അവാർഡ് വോട്ടിങ് ആരംഭിച്ചു. 19ന് ഉച്ചക്ക് 2 മണിക്ക് വോട്ടിങ് അവസാനിക്കും

തിരുവനന്തപുരം: കേരള സംസ്ഥാന ചലച്ചിത്ര അക്കാദമി 2025 ഡിസംബർ 12 മുതൽ 19 വരെ സംഘടിപ്പിക്കുന്ന കേരള രാജ്യാന്തര ചലച്ചിത്രമേളയുടെ ഓഡിയൻസ് പോൾ അവാർഡ് പ്രേക്ഷകർക്ക് നിർണയിക്കാനുള്ള വോട്ടിംഗ്  ഇന്ന് (18 ഡിസംബർ 2025) രാവിലെ 10 മണിക്ക് ആരംഭിച്ചു. https://registration.iffk.in/ എന്ന വെബ്‌സൈറ്റ് വഴി ലോഗിൻ ചെയ്തോ ഐ.എഫ്.എഫ്.കെ. മൊബൈൽ ആപ്പ് വഴിയോ വോട്ടുകൾ രേഖപ്പെടുത്താം. ഡിസംബർ 19 ന് ഉച്ചയ്ക്ക് 2 മണിക്ക് പോളിങ് അവസാനിക്കും.

അന്താരാഷ്ട്ര മത്സര വിഭാഗത്തിൽ പ്രദർശിപ്പിക്കുന്ന 'ബിഫോർ ദ ബോഡി' (IC001), 'ബ്ലാക്ക് റാബിറ്റ്, വൈറ്റ് റാബിറ്റ്' (IC002), 'സിനിമ ജസീറഹ്' (IC003), 'ക്യൂയർപ്പോ സെൽസ്റ്റ' (IC004), 'ഇഫ് ഓൺ എ വിന്റേഴ്സ് നൈറ്റ്' (IC005), കിസ്സിങ് ബഗ് (IC006), 'ലൈഫ് ഓഫ് എ ഫാലസ്' (IC007), 'ഷാഡോ ബോക്സ്' (IC008), 'ദി കറൻറ്സ്' (IC009),  'ദ എലിസിയൻ ഫീൽഡ്' (IC010), ദി ഐവി (IC011),  ദ സെറ്റിൽമെൻറ്റ് (IC012),'ടു സീസൺസ്, ടു സ്‌ട്രെഞ്ചേഴ്സ്' (IC013), 'യെൻ ആൻഡ് ഐ -ലീ' (IC014) എന്നീ ചിത്രങ്ങളാണ് ഓഡിയൻസ് പോൾ അവാർഡിനായി മത്സരിക്കുന്നത്.

മത്സരവിഭാഗത്തിൽ നിന്നും രജത ചകോരം ഓഡിയൻസ് പോൾ അവാർഡിന് തെരഞ്ഞെടുക്കപ്പെടുന്ന ചിത്രത്തിന്റെ നിർമ്മാതാവും സംവിധായകനും 2,00,000 രൂപ അവാർഡ് തുകയായി പങ്കിടും.