ഡോ. എ.പി.ജെ അബ്ദുൾ കലാം മീഡിയ വോയ്സ് എക്സലൻസ് അവാർഡ് വിതരണം മാർച്ച് 9ന് ​ തിരുവനന്തപുരം പ്രസ് ക്ലബ്ബ് ഹാളിൽ നടക്കും

​തിരുവനന്തപുരം: സാമൂഹിക പ്രതിബദ്ധതയുള്ള മാധ്യമപ്രവർത്തനത്തോടൊപ്പം ഉന്നത മൂല്യങ്ങൾ ഉയർത്തിപ്പിടിക്കുന്ന വ്യക്തിത്വങ്ങളെ ആദരിക്കുക എന്ന ലക്ഷ്യത്തോടെ മീഡിയ വോയ്സ് ഏർപ്പെടുത്തിയ ഡോ. എ.പി.ജെ. അബ്ദുൽ കലാം മീഡിയ വോയ്സ് എക്സലൻസ് അവാർഡ് മാർച്ച് 9 ​വൈകുന്നേരം 4 മണിക്ക് തിരുവനന്തപുരം പ്രസ് ക്ലബ്ബ് ഹാളിൽ നടക്കും.

മുൻ ചീഫ് സെക്രട്ടറി ​എസ്.എം. വിജയാനന്ദ് ഉദ്ഘാടനം ചെയ്യുന്നു. സീനിയർ സിവിൽ ജഡ്ജ് എസ്. ഷംനാദ് ,  ടി.പി. ശാസ്തമംഗലം , ചലച്ചിത്ര താരം  പ്രേംകുമാർ,  ഡോ. ബി.എസ്. ബാലചന്ദ്രൻ, ഡോ.എം.ജി. ശശിഭൂഷൺ എന്നിവർ പങ്കെടുക്കും.
    ​ 
​കല, സാംസ്‌കാരികം, സാമൂഹികം, വിദ്യാഭ്യാസം എന്നീ മേഖലകളിൽ മികവ് തെളിയിച്ച എട്ടു പേർക്കാണ് ഈ വർഷത്തെ അവാർഡ്  നൽകുന്നത്.

അഡ്വ.എം. വിൻസെന്റ് എം.എൽ.എ (മികച്ച ജനപ്രതിനിധി), പ്രൊഫ. ഡോ. എൻ. രാധാകൃഷ്ണൻ (ഗാന്ധിയൻ ദർശനങ്ങൾക്കും വിദ്യാഭ്യാസ സേവനങ്ങൾക്കും), ഡോ. ആന്റോ ജോർജ് (ആരോഗ്യ/സാമൂഹിക സേവനമേഖല), ചെമ്പൻകോട് വി. മണികണ്ഠൻ (സാംസ്‌കാരികം, പൊതു പ്രവർത്തനം), ഇന്ദുലേഖ (അഭിനയം, നൃത്തം),  വി.ജെ.എബി (പുരാവസ്തുഗവേഷകൻ) , ഷാജുകുമാർ (പാരമ്പര്യ ചികിത്സാ വൈദ്യർ), സജു.എ (മാധ്യമരംഗം ക്യാമറാമാൻ) എന്നിവർ പുരസ്കാരങ്ങൾക്ക് അർഹരായി.
​ 
ചാല നാസർ, എൻ.പി. മഞ്ജിത്, ഗിരീഷ് പരുത്തിമഠം എന്നിവർ ചടങ്ങുകൾക്ക് നേതൃത്വം നൽകും 
​