വിനോദയാത്രയ്ക്കു പോയ യുവതി ഹൃദയാഘാതത്തെ തുടർന്ന് മരിച്ചു : 44കാരിയായ ജാനറ്റ് ആണ് തായ്ലൻഡിൽ വെച്ച് മരണത്തിന് കീഴടങ്ങിയത്

 തൃശൂർ ∙ തായ്‌ലൻഡിലേക്ക് കുടുംബസമേതം വിനോദയാത്രയ്ക്കു പോയ യുവതി ഹൃദയാഘാതത്തെ തുടർന്ന് മരിച്ചു.

പൊന്നൂക്കര പോസ്റ്റ് ഓഫിസ് റോഡിലെ ചീരമ്പൻ വീട്ടിൽ ബിജുവിന്റെ ഭാര്യ ജാനറ്റാണ് (44) മരിച്ചത്. കഴിഞ്ഞ 3നാണ് സംഘം തായ്‌ലൻഡിലേക്ക് പോയത്.

തിങ്കളാഴ്ച ഫുക്കറ്റിൽ ബീച്ച് റൈഡിൽ പങ്കെടുക്കുന്നതിനിടെയാണ് ജാനറ്റിന് ഹൃദയാഘാതമുണ്ടായത്.

ഉടനെ ആശുപത്രിയിൽ എത്തിച്ചെങ്കിലും ചികിത്സയ്ക്കിടെ വ്യാഴാഴ്ച ഉച്ചയ്ക്ക് മരിച്ചു. മൃതദേഹം നാട്ടിലെത്തിക്കാനുള്ള ശ്രമം തുടരുന്നു. സംസ്‌കാരം പിന്നീട്.