മുതിർന്ന മാധ്യമപ്രവർത്തകൻ കെ.പി.ഒ. റഹ്മത്തുല്ലയുടെ മാതാവ് കെ.വി. നഫീസ നിര്യാതയായി

തിരൂർ: മുതിർന്ന മാധ്യമപ്രവർത്തകൻ കെ.പി.ഒ. റഹ്മത്തുല്ലയുടെ മാതാവ് കെ.വി. നഫീസ (85) അന്തരിച്ചു. നിറമരുതൂർ പഞ്ചാരമൂല ജനതാ ബസാർ റോഡിലെ ആക്കിലപ്പറമ്പിൽ കോട്ടൂർ വലിയ പീടിയേക്കൽ വീട്ടിലായിരുന്നു അന്ത്യം.

തിരൂർ താഴെപ്പാലത്തെ ബുഷ്‌റ ടിമ്പർ മിൽസ് ഉടമയായിരുന്ന പരേതനായ കെ.പി.ഒ. മൊയ്തീൻകുട്ടി ഹാജിയുടെ ഭാര്യയാണ് നഫീസ. മലപ്പുറം ഹാജിയാർ പള്ളി പരേതനായ മണ്ണിശ്ശേരി സെയ്താലിക്കുട്ടിയുടെ മകളും, പരപ്പനങ്ങാടിയിലെ പരേതയായ കുഞ്ഞിപ്പാത്തുട്ടി ഹജ്ജുമ്മയുടെ മകളുമാണ്. പരേതനായ ഉപമുഖ്യമന്ത്രി അവുഖാദർകുട്ടി നഹയുടെ സഹോദരി കൂടിയാണ് കുഞ്ഞിപ്പാത്തുട്ടി ഹജ്ജുമ്മ.
മറ്റു മക്കൾ: സുബൈദ, അബ്ദുൽസലാം, ബുഷറ, സുമയ്യ, സാബിറ (ഷാർജ), ഫൗസിയ.

മരുമക്കൾ: ഈസ കുന്നുംപുറം, ഷറഫുന്നിസ രാമപുരം, ഫാമിദ ചേന്ദമംഗലം, ഇബ്രാഹിം കോലളമ്പ്, ഷക്കീബ്, പരേതനായ അഷറഫ് കാസർഗോഡ്, കലാം കൈമലശ്ശേരി.
മൃതദേഹം നാളെ (ബുധനാഴ്ച) രാവിലെ ഒൻപത് മണിക്ക് ഉണ്യാൽ ജുമാ മസ്ജിദ് ഖബറിസ്ഥാനിൽ ഖബറടക്കും.