ഖുർആൻ വിശ്വ മാനവികതയുടെ വഴികാട്ടി - പി മുജീബ് റഹ്മാൻ

കൂട്ടിലങ്ങാടി: വംശ, വർണ്ണ, ദേശ, ഭാഷാ വിവേചനങ്ങൾക്കതീതമായി മനുഷ്യനെ മനുഷ്യനായി കാണുന്ന ദിവ്യഗ്രന്ഥമാണ് വിശുദ്ധ ഖുർആനെന്നും, മാനവിക സമൂഹത്തിന്റെ സമഗ്ര മേഖലകളിലേക്കും വെളിച്ചം പകരുന്ന ഖുർആനിലൂടെ മാത്രമേ അന്ധകാരനിബിഢമായ വർത്തമാന ലോകക്രമത്തെ മാറ്റിയെടുക്കുവാൻ സാധിക്കുകയുള്ളൂവെന്നും ജമാഅത്തെ ഇസ്ലാമി കേരള അമീർ പി മുജീബ്റഹ്മാൻ പറഞ്ഞു.

 വംശീയ വിഭജന കാഴ്ച്ചപ്പാടാണ് ഇസ്രായേലിനെയും അമേരിക്കയെയും നയിക്കുന്നതെന്നും അദ്ദേഹം കൂട്ടിച്ചേർത്തു. കീരംകുണ്ട് റെയിൻബോ ഓഡിറ്റോറിയത്തിൽ നടന്ന ജമാഅത്തെ ഇസ്ലാമി മക്കരപ്പറമ്പ് ഏരിയ ഖുർആൻ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ജമാഅത്തെ ഇസ്ലാമി മക്കരപ്പറമ്പ് ഏരിയ പ്രസിഡന്റ് പി.പി ഹൈദരലി അദ്ധ്യക്ഷത വഹിച്ചു.

 വിവിധ തലങ്ങളിൽ നടത്തിയ ഖുർആൻ പരീക്ഷകളിലെ വിജയികൾക്ക് അവാർഡുകൾ നൽകി. അദീബുൽ ഇസ്ലാം ഖിറാഅത്ത് നടത്തി. പ്രോഗ്രാം കൺവീനർ സി.പി കുഞ്ഞാലൻകുട്ടി സ്വാഗതവും ജമാഅത്തെ ഇസ്ലാമി മക്കരപ്പറമ്പ് ഏരിയ സെക്രട്ടറി പി.കെ അബ്ദുൽ ഗഫൂർ തങ്ങൾ നന്ദിയും പറഞ്ഞു.