ലോക ഭിന്നശേഷി ദിനം സ്‌പെഷ്യൽ സ്റ്റുഡന്റസ് ഗാലയുമായി ആസ്മാൻ

താമരശ്ശേരി: ലോക ഭിന്നശേഷി ദിനത്തോടനുബന്ധിച്ച് സ്പെഷ്യൽ സ്റ്റുഡന്റസ് ഗാലയുമായി പൂനൂർ ആസ്ഥാനമായി പ്രവർത്തിക്കുന്ന ആസ്മാൻ സെന്റർ ഫോർ ഹാപ്പിനസ്. പരിപാടിയുടെ ഭാഗമായി ക്യാമ്പസിലെ വിദ്യാർഥികളും അധ്യാപകരും എബിലിറ്റി ഘോഷയാത്രയും ബോധവത്കരണവും നടത്തി. ഭിന്നശേഷി വിദ്യാർഥികളുടെ ദഫ് പ്രദർശനവും  ഫ്‌ളവർ-പ്ലക്കാർഡ് ഷോ, ബലൂൺ റൈസിംഗ് തുടങ്ങിയവയും ഘോഷയാത്രയെ വർണാഭമാക്കി. 

പൂനൂർ അങ്ങാടിയിൽ നടന്ന പരിപാടി വ്യാപാരി വ്യവസായി ഏകോപന സമിതി യൂത്ത് വിംഗ് യൂണിറ്റ് സെക്രട്ടറി മുനവ്വർ അബൂബക്കർ ഉദ്ഘാടനം ചെയ്തു. ഹാരിസ് റെഡ് ടാഗ് അധ്യക്ഷത വഹിച്ചു. സികെ മുഹമ്മദ് ഇരിങ്ങണ്ണൂർ ഭിന്നശേഷി ദിന സന്ദേശം നൽകി. ജബ്ബാർ നരിക്കുനി, രമേശൻ മാസ്റ്റർ, അബി, സജിത, ഇർഫാന, ഗിരിജ ടീച്ചർ, അജു റെഡ് ടാഗ് ആശംസകൾ നേർന്നു. ആസ്മാൻ ഡയറക്ടറേറ്റ് മെമ്പർ ഷമീർ വട്ടക്കണ്ടി സ്വാഗതവും സലാമുദ്ദീൻ നന്ദിയും പറഞ്ഞു.