കഴുത്തിലും കൈയിലും മുറിപ്പാടുകള്‍, ബംഗളുരുവില്‍ കോളജ് വിദ്യാര്‍ത്ഥിനി വീട്ടിലെ ശുചിമുറിയില്‍ മരിച്ച നിലയില്‍; ദുരൂഹത

ബംഗളുരു: കോളജ് വിദ്യാര്‍ത്ഥിനിയെ ദുരൂഹസാഹചര്യത്തില്‍ മരിച്ചനിലയില്‍ കണ്ടെത്തി. 20കാരിയായ പ്രഭുദ്യയാണ് മരിച്ചത്. യുവതിയുടെ കഴുത്ത് മുറിഞ്ഞ നിലയിലായിരുന്നു. കൈയ്യില്‍ മുറിപ്പാടുകളുമുണ്ടായിരുന്നു. ബംഗളുരുവിലെ സുബ്രഹ്മണ്യപുരത്തുള്ള വീട്ടില്‍ ബുധനാഴ്ച രാത്രിയാണ് പെണ്‍കുട്ടിയുടെ മൃതദേഹം കണ്ടെത്തിയത്.

പെണ്‍കുട്ടിയുടെ സഹോദരനാണ് വീട്ടിലെ ശുചിമുറിയില്‍ പ്രഭുദ്യയുടെ മൃതദേഹം കണ്ടത്. ഉടന്‍ പോലീസിനെ വിവരമറിയിക്കുകയായിരുന്നു. വീടിന്റെ പിന്നിലെ വാതില്‍ തുറന്ന് കിടക്കുകയായിരുന്നുവെന്നും ഇയാള്‍ പറഞ്ഞു. 

സംഭവസ്ഥലത്തുനിന്നും പൊലീസിന് ഒരു ആത്മഹത്യ കുറിപ്പ് ലഭിച്ചിട്ടുണ്ട്. മകള്‍ ഒരിക്കലും ആത്മഹത്യ ചെയ്യില്ലെന്നും അവളെ ആരോ കൊലപ്പെടുത്തിയതാണെന്നും പ്രഭുദ്യയുടെ മാതാവ് പറഞ്ഞു. സംഭവത്തില്‍ പോലീസ്അന്വേഷണം ആരംഭിച്ചു.