യാത്രക്കാരിയുടെ മുന്നില്‍ വച്ച് മെട്രോ ജീവനക്കാരന്‍ സ്വയം ഭോഗം ചെയ്തതായി പരാതി; ജീവനക്കാരന്റെ പെരുമാറ്റം തന്നെ മാനസികമായി തളര്‍ത്തിയതായി യുവതി

ബംഗളൂരു: ബംഗളൂരൂ മെട്രോയില്‍ യാത്രക്കാരിയുടെ മുന്നില്‍ വച്ച് മെട്രോ ജീവനക്കാരന്‍ സ്വയം ഭോഗം ചെയ്തതായി പരാതി.  ഇന്നലെ ഉച്ചയോടെയാണ് സംഭവം.

ജീവനക്കാരന്റെ പെരുമാറ്റം തന്നെ മാനസികായി തളര്‍ത്തിയതയും യുവതി പറയുന്നു. സംഭവത്തില്‍ ഇയാള്‍ക്കെതിരെ നടപടി ആവശ്യപ്പെട്ട് യുവതി പൊലീസില്‍ പരാതി നല്‍കി. യുവതി തനിക്കുണ്ടായ ദുരനുഭവം സാമൂഹിക മാധ്യമത്തില്‍ പങ്കുവയ്ക്കുകയും ചെയ്തു

സെക്യൂരിറ്റി ഗാര്‍ഡ് പ്ലാറ്റ്‌ഫോമിന്റെ എതിര്‍വശത്തുനിന്ന് തന്നെ നോക്കി സ്വയം ഭോഗം ചെയ്തുവെന്നാണ് യുവതി പരാതി. ബംഗളൂരു മെട്രോയിലെ ജലഹള്ളി സ്‌റ്റേഷനില്‍ വച്ചായിരുന്നു സംഭവം. വീഡിയോ പകര്‍ത്തുന്നത് ശ്രദ്ധയില്‍പ്പെട്ടിട്ടും യുവാവ് സ്വയം ഭോഗം ചെയ്യല്‍ തുടര്‍ന്നതായും യുവതി പറയുന്നു.

വീഡിയോ ശ്രദ്ധയില്‍പ്പെട്ട ബംഗളൂരു പൊലീസ് യുവതിയെ ബന്ധപ്പെടുകയും അന്വേഷണം ആരംഭിക്കുകയും ചെയ്തു.