ബെംഗളൂരു: ബെംഗളൂരു സ്ഫോടനക്കേസ് പ്രതിയുടെ കൂടുതൽ ദൃശ്യങ്ങൾ പുറത്ത്. ഏകദേശം 30 വയസ് തോന്നിക്കുന്ന പ്രതി ചാരനിറത്തിലുള്ള ഷർട്ടും വെള്ള തൊപ്പിയും മാസ്കും ധരിച്ചാണ് വെള്ളിയാഴ്ച രാവിലെ 11.30 ഓടെ രാമേശ്വരം കഫേയിലെത്തിയത്.
സ്‌ഫോടക വസ്തു കരുതിയ ബാഗും ഇയാൾ ധരിച്ചിട്ടുണ്ട്. 11.38 ഓടെ ഇയാൾ റവ ഇഡ്ഡലി ഓർഡർ ചെയ്തു. തുടർന്ന് ഒരു പ്ലേറ്റ് ഇഡ്ഡലിയുമായി നടക്കുന്നത് കഫേയിലെ കൗണ്ടറിന് മുകളിൽ സ്ഥാപിച്ചിരുന്ന സിസിടിവി ക്യാമറയിൽ പതിഞ്ഞിട്ടുണ്ട്.
എന്നാൽ ഭക്ഷണം കഴിക്കാതിരുന്ന ഇയാൾ 11.44ഓടെ വാഷ് ബേസിന് അടുത്ത് നിൽക്കുന്നതായി കാണാം. ഒരു മിനിറ്റിനുശേഷം പ്രതി കഫേയിൽ നിന്ന് ഇറങ്ങി. തുടർന്ന് ഉച്ചയ്ക്ക് 12.56ഓടെയാണ് സ്‌ഫോടകവസ്തു പൊട്ടിത്തെറിക്കുകയായിരുന്നു.
മറ്റൊരു സിസിടിവി ദൃശ്യത്തിൽ പ്രതി ബാഗുമായി റസ്‌റ്റോറൻ്റിലേക്ക് നടന്നുപോകുന്നതും വ്യക്തമാണ്. സ്‌ഫോടനത്തിൽ ജീവനക്കാരും ഉപഭോക്താക്കളുമടക്കം 10 പേർക്ക് പരിക്കേറ്റിരുന്നു.
ബാഗിനുള്ളിൽ ടൈമർ ഘടിപ്പിച്ചിരുന്ന ഇംപ്രൊവൈസ്ഡ് എക്‌സ്‌പ്ലോസീവ് ഉപകരണമാണ് (ഐഇഡി) തീവ്രത കുറഞ്ഞ സ്‌ഫോടനത്തിന് കാരണമായതെന്ന് പോലീസ് സംശയിക്കുന്നു. സ്‌ഫോടനവുമായി ബന്ധപ്പെട്ട് കർശനമായ നിയമവിരുദ്ധ പ്രവർത്തനങ്ങൾ (പ്രിവൻഷൻ) ആക്‌ട്, സ്‌ഫോടകവസ്തുക്കൾ എന്നിവയുടെ നിയമപ്രകാരവും കേസെടുത്തിട്ടുണ്ട്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/w5WZM5mqOX2u5HrT5K0k.jpg)