കർണാടകയിൽ പൊലീസ് റെയ്ഡിൽ 7.6 കോടി രൂപയും സ്വർണവും വെള്ളിയും പിടിച്ചെടുത്തു

ബംഗളൂരു: കർണാടകയിലെ ബല്ലാരി പോലീസ് കമ്പളി ബസാറിലെ ഹേമ ജ്വല്ലേഴ്‌സ് ഉടമയുടെ വീട്ടിൽ നടത്തിയ റെയ്ഡിൽ 7.6 കോടി രൂപ വിലമതിക്കുന്ന പണവും സ്വർണവും വെള്ളിയും പിടിച്ചെടുത്തു.

പിടികൂടിയ സാധനങ്ങളിൽ പണവും 3 കിലോ സ്വർണവും 103 കിലോ ആഭരണങ്ങളും 68 വെള്ളി കഷ്ണങ്ങളും ഉൾപ്പെടുന്നു.

ഹേമ ജൂവലേഴ്‌സ് ഉടമ നരേഷ് സോണിയെ കസ്റ്റഡിയിലെടുത്ത് ചോദ്യം ചെയ്തു. പിടിച്ചെടുത്ത സാധനങ്ങൾ ഹവാല ഇടപാടിലൂടെ ലഭിച്ചതാണെന്നാണ് പോലീസ് സംശയിക്കുന്നത്. ഇടപാടുകളെക്കുറിച്ച് കൂടുതൽ അന്വേഷിക്കാൻ പോലീസ് കേസെടുത്തിട്ടുണ്ട്.