കോയമ്പത്തൂരില്‍ ബിജെപിയുടെ അണ്ണാമലൈ പിന്നില്‍; വിദിഷയില്‍ ശിവരാജ് സിംഗ് ചൗഹാന്‍ ഒന്നരലക്ഷത്തിലധികം വോട്ടുകള്‍ക്ക് ലീഡ് ചെയ്യുന്നു; ഗുഡ്ഗാവിൽ രാജ് ബബ്ബർ 43,000 വോട്ടുകൾക്ക് മുന്നിൽ

ചെന്നൈ; തമിഴ്‌നാട് ബിജെപി അധ്യക്ഷനും മുന്‍ ഐപിഎസ് ഉദ്യോഗസ്ഥനുമായ അണ്ണാമലൈ കോയമ്പത്തൂരില്‍ പിന്നില്‍. ഡിഎംകെയുടെ ഗണപതി രാജ്കുമാര്‍ ലീഡ് നിലനിര്‍ത്തി.

ആക്സിസ് മൈ ഇന്ത്യ എക്സിറ്റ് പോള്‍ പ്രവചിച്ചത് കോയമ്പത്തൂരില്‍ പ്രതിപക്ഷ നേതൃത്വത്തിലുള്ള ഇന്ത്യ മുന്നണി വിജയിക്കുമെന്നാണ്. 2019ലെ തെരഞ്ഞെടുപ്പില്‍ സിപിഎം നേതാവ് പിആര്‍ നടരാജനാണ് ഈ സീറ്റ് നേടിയത്.

മധ്യപ്രദേശ് മുന്‍ മുഖ്യമന്ത്രി ശിവരാജ് സിംഗ് ചൗഹാന്‍ വിദിഷയില്‍ കോണ്‍ഗ്രസിലെ പ്രതാപ് ഭാനു ശര്‍മ്മയെക്കാള്‍ 1,50,870 വോട്ടുകള്‍ക്ക് ലീഡ് ചെയ്യുന്നു.

 1991, 1996, 1998, 1999, 2004 ലോക്സഭാ തെരഞ്ഞെടുപ്പുകളില്‍ വിജയിച്ച വിദിഷ മണ്ഡലം ചൗഹാന്റെ ശക്തികേന്ദ്രമായി കണക്കാക്കപ്പെടുന്നു. ഗുഡ്ഗാവില്‍ രാജ് ബബ്ബര്‍ 43,000 വോട്ടുകള്‍ക്ക് മുന്നിലാണ്.