ഓൾ ഇന്ത്യ മലയാളി അസോസിയേഷൻ സംഘടിപ്പിക്കുന്ന ദേശീയ സംഗീത മത്സരം 'വോയിസ്‌ 2025' ന്‍റെ ഭാഗമായി ഡൽഹി നോര്‍ത്ത് സോണല്‍ തലത്തിലേക്കുള്ള മത്സരം മയൂര്‍ വിഹാറില്‍  നടന്നു

ഡല്‍ഹി: ഓൾ ഇന്ത്യ മലയാളി അസോസിയേഷൻ (ഐമ) നടത്തുന്ന ദേശീയ സംഗീത മത്സരത്തിന്റെ ഭാഗമായി ഡൽഹി സംസ്ഥാനം നോര്‍ത്ത് സോണല്‍ തലത്തിലേക്കുള്ള മത്സരം സെപ്റ്റംബര്‍ 28ന് മയൂർ വിഹാർ ഫേസ് ഒന്നിൽ ഉള്ള കേരള മുസ്ലിം വെൽഫെയർ അസോസിയേഷൻ ഹാളിൽ വച്ചു നടന്നു.  ഡൽഹിയിലെ വിവിധ സ്ഥലങ്ങളിൽ നിന്ന് വന്ന ഗായകർ പങ്കെടുത്തു.

ജൂനിയർ, സീനിയർ, സൂപ്പർ സീനിയർ എന്നീ മൂന്നു വിഭാഗങ്ങളിൽ ആണ് മത്സരം നടന്നത്. കോട്ടക്കൽ ആര്യവൈദ്യ ശാലയിലെ ചീഫ് മെഡിക്കൽ ഓഫീസർ ശ്രീമതി രേഖ രാമൻ പരിപാടി ഉദ്ഘാടനം ചെയ്തു. 

ഐമ നാഷണൽ ചെയർമാൻ ബാബു പണിക്കർ, നാഷണൽ അഡീഷണൽ സെക്രട്ടറി ജയരാജ്‌ നായർ, ഐമ ഡൽഹിയുടെ പ്രസിഡന്റ്‌ അജി മേടയിൽ, സെക്രട്ടറിയും പരിപാടിയുടെ കൺവീനറുമായ ജയകുമാർ സി, ട്രഷറർ പി രവീന്ദ്രൻ, വിമൻസ് വിംഗ് കൺവീനർ സുജ രാജേന്ദ്രൻ, മീഡിയ കോർഡിനേറ്റർ സുധീർ നാഥ്‌, എന്നിവർ പ്രസംഗിച്ചു. 

ഡൽഹിയിലെയും ഹരിയനായിലെയും ഉത്തർ പ്രദേശിലെയും ഐമ അംഗങ്ങളും ഐമ അംഗ സംഘ ടനകളായ ലയം ഓർക്സ്ട്രാ, വൈക്കം സംഗമം, പാലക്കാടൻ കൂട്ടായ്മ, മലയാളീ വെൽഫയർ അസോസിയേഷൻ മയൂർ വിഹാർ ഫേസ് 3 യിലെ അംഗങ്ങളും പ്രസ്തുത പരിപാടിയിൽ പങ്കെടുത്തു. 

അന്നേ ദിവസം തന്നെ ഐമ ഡൽഹിയുടെ വാർഷിക പൊതു യോഗവും, പോൾ ഡിക്ലോസ് മെമ്മോറിയാൽ എഡ്യൂക്കേഷണൽ എക്സലൻസ് അവാർഡ് വിതരണവും നടന്നു. മിസ് ദേവന ഗോപകുമാർ, മയൂർ വിഹാർ ഫേസ് 3 ഈ അവാർഡിന് അർഹത നേടി. മെമെന്റോയും ക്യാഷ് അവാർഡും ഇവർക്ക് സമ്മാനിച്ചു

ഐമ വോയ്സിന്റെ രണ്ടാം ഘട്ടം ഈ വരുന്ന നവംബര്‍ 2 ന് ഭിവാഡിയിൽ വച്ച് നടക്കും. ഡൽഹിയിൽ നിന്ന് വിജയിച്ച ജൂനിയർ വിഭാഗത്തിൽ അശ്വതി പിള്ള,
വൈഗ സാറ, ആദി ശങ്കർ, സീനിയർ വിഭാഗത്തിൽ കെ. സിദ്ധാർഥ്, സൂപ്പർ സീനിയർ വിഭാഗത്തിൽ സാഹിൽ സുനിൽ, ശ്രീനിവാസൻ, ജയ ആർ എന്നിവരെ മെമെന്റോയും സർട്ടിഫിക്കറ്റും നൽകി ആദരിച്ചു. 

ഐമ വോയിസ്‌ 2025 ന്റെ ഗ്രാൻഡ് ഫിനാലെ കൊച്ചിയിൽ ഡിസംബർ 27-28 തിയതികളിൽ നടക്കും.