ഡൽഹി ശ്രീനാരായണ കേന്ദ്രയുടെ ആഭിമുഖ്യത്തില്‍ വാർഷിക ഉപന്യാസ രചനാ മത്സരം ഓഗസ്റ്റ് 11-ന്

ന്യൂ ഡൽഹി: ശ്രീനാരായണ കേന്ദ്രയുടെ ആഭിമുഖ്യത്തിൽ നടത്തുന്ന ഉപന്യാസ രചനാ മത്സരം ആഗസ്റ്റ് 11 ഞായറാഴ്ച രാവിലെ 10:30 മുതൽ 11:30 വരെ വിവിധ കേന്ദ്രങ്ങളിൽ നടക്കും. ഇംഗ്ലീഷ്, ഹിന്ദി, മലയാളം എന്നീ ഭാഷകളിൽ 5-ാം ക്ലാസു മുതൽ 8-ാംക്ലാസുവരെയുള്ളവർ ജൂനിയർ വിഭാഗത്തിലും 9-ാം ക്ലാസു മുതൽ  മുതൽ 12-ാം ക്ലാസുവരെയുള്ളവർ സീനിയർ വിഭാഗത്തിലും മത്സരമുണ്ടാവും.

കേരളാ സ്‌കൂളുകളായ മയൂർ വിഹാർ-3, കാനിംഗ് റോഡ്, വികാസ്‌പുരി, ആർകെ പുരം, വിസ്‌ഡം പബ്ലിക് സ്കൂൾ മുനീർക, ഡിഎംഎ ഏരിയ ഓഫീസ് മെഹ്റോളി, ശ്രീനാരായണ കേന്ദ്രം ദ്വാരക തുടങ്ങിയ 7 കേന്ദ്രങ്ങളിലാവും ഉപന്യാസ രചനാ മത്സരം നടക്കുക.

ജൂനിയർ വിഭാഗത്തിനുള്ള വിഷയങ്ങൾ: 1) വിദ്യകൊണ്ട് സ്വതന്ത്രരാവുക (ശ്രീനാരായണ ഗുരു (Progress through Education - Sree Narayana Guru), 2) ശ്രീനാരായണ ഗുരു വിഭാവനം ചെയ്‌ത വിദ്യാഭ്യാസത്തിന്റെ പ്രസക്തി (The Importance of Education as imagined by Sree Narayana Guru), 3) വൃക്ഷങ്ങൾ നടുക - തണലുമായി ഫലവുമായി (ശ്രീനാരായണ ഗുരു) (Plant tress for shade as well as fruit - Sree Narayana Guru), 4) ഹരിതഗൃഹ വാതക (ജിഎന്‍ജി) പുറന്തള്ളൽ കുറയ്ക്കുന്നതിലൂടെ പരിസ്ഥിതി സംരക്ഷണം (Environment protection by reduction of Green House Gas (GHG) emission) എന്നിവയാണ്.

സീനിയർ വിഭാഗത്തിനുള്ള വിഷയങ്ങൾ: 1) ഒരു ജാതി, ഒരു മതം, ഒരു ദൈവം മനുഷ്യന് (ശ്രീനാരായണ ഗുരു (One Caste, One Religion, One God for Humankind (Sree Narayana Guru), 2) ശ്രീനാരായണ ഗുരു വിഭാവനം ചെയ്‌ത ഏകലോക സാക്ഷാത്കാരം (The one universe principle envisaged by Sree Narayana Guru), 3) യുവാക്കൾക്കിടയിലെ മയക്കുമരുന്ന് ഭീഷണി നിർമ്മാർജ്ജനം - ഭാവി സമൂഹത്തിൻ്റെ ആവശ്യം (Eradication of Drug Menace amongst the youth – Need for a futuristic society.

സമ്മാനമായി ജൂനിയർ വിഭാഗത്തിൽ ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് യഥാക്രമം 3000, 2000, 1000 രൂപ ക്യാഷ് അവാർഡും ഒന്നും രണ്ടും മൂന്നും സ്ഥാനങ്ങൾ നേടുന്ന സീനിയർ വിഭാഗത്തിന് യഥാക്രമം 5000, 3000, 2000 രൂപയും ക്യാഷ് അവാർഡും നൽകും. കൂടാതെ മെമൻ്റോയും സർട്ടിഫിക്കറ്റും നൽകും.

ഏറ്റവും കൂടുതൽ കുട്ടികൾ പങ്കെടുക്കുന്ന സ്കൂളിനോകേന്ദ്രത്തിനോ ഡോ എം ആർ ബാബുറാം മെമ്മോറിയൽ എവർ റോളിംഗ് ട്രോഫി ലഭിക്കും. പങ്കെടുക്കുന്ന എല്ലാ സ്കൂളുകൾക്കും കേന്ദ്രങ്ങൾക്കും പങ്കാളിത്തത്തിനുള്ള അവാർഡ് ലഭിക്കും.

ആന്ധ്ര എജ്യുക്കേഷൻ സൊസൈറ്റി സ്‌കൂൾ, സർവോദയ സ്‌കൂൾ, ഡൽഹി തമിഴ് സ്‌കൂൾ തുടങ്ങിയ  സ്‌കൂകളിൽ നിന്നുള്ള കുട്ടികളെ അടുത്തുള്ള കേന്ദ്രങ്ങളിൽ ഉൾപ്പെടുത്താനുള്ള സൗകര്യങ്ങൾ ഒരുക്കുമെന്ന് വൈസ് പ്രസിഡന്റ് ഡോ കെ സുന്ദരേശൻ അറിയിച്ചു. കൂടുതൽ വിവരങ്ങൾക്ക് ഉപന്യാസ മത്സരം ജനറൽ കൺവീനർ പത്തിയൂർ രവിയുമായി 9810699696 എന്ന മൊബൈൽ നമ്പറിൽ ബന്ധപ്പെടാവുന്നതാണ്.