ഡൽഹി മലയാളി അസോസിയേഷൻ കേന്ദ്രകമ്മിറ്റി ഭാരവാഹികൾ സത്യപ്രതിജ്ഞ ചെയ്ത് അധികാരമേറ്റു

ന്യൂ ഡൽഹി: ഡൽഹി മലയാളി അസോസിയേഷൻ കേന്ദ്രകമ്മിറ്റിയുടെ 2024-27 വർഷക്കാലത്തെ കമ്മിറ്റിയിലേക്ക് തെരെഞ്ഞെടുക്കപ്പെട്ടവർ കെ രഘുനാഥിന്റെ നേതൃത്വത്തിൽ സത്യപ്രതിജ്ഞ നടത്തി അധികാരമേറ്റു. 

ആർ കെ പുരത്തെ ഡിഎംഎ സാംസ്‌കാരിക സമുച്ചയത്തിൽ കെ രഘുനാഥ് ഈശ്വര നാമത്തിൽ സത്യവാചകം ചൊല്ലി പ്രസിഡന്റ് പദവി ഏറ്റെടുത്തു.

തുടർന്ന് വൈസ് പ്രസിഡന്റ്‌മാരായി കെ വി മണികണ്ഠൻ, കെ ജി രഘുനാഥൻ നായർ, ജനറൽ സെക്രെട്ടറിയായി ടോണി കണ്ണമ്പുഴ, അഡീഷണൽ ജനറൽ സെക്രെട്ടറിയായി പി എൻ ഷാജി, ചീഫ് ട്രെഷററായി മാത്യു ജോസ്, അഡീഷണൽ ട്രെഷററായി മനോജ് പൈവള്ളിൽ, ചീഫ് ഇന്റെർണൽ ഓഡിറ്ററായി കെ വി ബാബു എന്നിവരും അധികാരമേറ്റു.

നിർവാഹക സമിതി അംഗങ്ങളായി ആർ എം എസ് നായർ, ആർ ജി കുറുപ്പ്, ഡി ജയകുമാർ, പ്രദീപ് ദാമോദരൻ, കെ തോമസ്, പി വി രമേശൻ, എ എം സിജി, പി ഗിരീഷ്, കെ സജേഷ്, സുജാ രാജേന്ദ്രൻ, നളിനി മോഹൻ, രമാ സുനിൽ, ആശാ ജയകുമാർ എന്നിവരും യുവജന വിഭാഗത്തിലേക്ക് ടി വി സജിൻ, വീണാ എസ് നായർ എന്നിവരും സത്യവാചകം ചൊല്ലി അധികാരമേറ്റു.

തുടർന്ന് നിർവാഹക സമിതി അംഗത്തിന്റെ ഒരു ഒഴുവിലേക്ക് ലീനാ രമണനെ തെരെഞ്ഞെടുത്തു. ഡിഎംഎയുടെ 30 ഏരിയകളിലെ ചെയർമാൻ, സെക്രട്ടറി, ട്രെഷറർ, വനിതാ - യുവജന വിഭാഗം കൺവീനറർമാർ തുടങ്ങിയവർ ചടങ്ങിൽ പങ്കെടുത്തു.