സു​ഹൃ​ത്തു​ക്ക​ളെ കൊന്ന് കത്തിച്ചു; ദീർഘനാളായി ഒ​ളി​വി​ൽ ക​ഴി​ഞ്ഞ ഇ​ര​ട്ട​ക്കൊ​ല​ക്കേ​സ് പ്ര​തി മഹാരാഷ്ട്രയിൽ പി​ടി​യി​ൽ

മും​ബൈ: മ​ഹാ​രാ​ഷ്ട്ര​യി​ലെ പാ​ൽ​ഘ​ർ ജി​ല്ല​യി​ൽ ഇ​ര​ട്ട​ക്കൊ​ല​ക്കേ​സി​ലെ പ്ര​തി​യെ പോ​ലീ​സ് അ​റ​സ്റ്റ് ചെ​യ്തു. ക​ഴി​ഞ്ഞ വ​ർ​ഷം മേ​യ് മു​ത​ൽ ഒ​ളി​വി​ലാ​യി​രു​ന്ന 20 വ​യ​സു​കാ​ര​നെ ഇ​ന്നാ​ണ് പോ​ലീ​സ് പി​ടി​കൂ​ടി​യ​ത്.

2023 മെ​യ് 17ന്, ​പാ​ൽ​ഘ​റി​ലെ ന​ല്ല സോ​പാ​ര ഏ​രി​യ​യി​ലെ ഷി​ർ​ദി ന​ഗ​റി​ൽ ന​ട​ന്ന സം​ഭ​വ​ത്തി​ൽ 18 വ​യ​സു​ള്ള റൗ​ണ​ക് അ​ഞ്ജ​നി തി​വാ​രി​യും കി​ഷ​ൻ സ​ഞ്ജ​യ് ഝാ​യും കൊ​ല്ല​പ്പെ​ടു​ക​യും മ​റ്റൊ​രാളായ ശി​വം ഓം​പ്ര​കാ​ശ് മി​ശ്ര​യ്ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.

മൃ​ത​ദേ​ഹ​ങ്ങ​ൾ ഭാ​ഗി​ക​മാ​യി ക​ത്തി​ക്ക​രി​ഞ്ഞ നി​ല​യി​ലാ​യി​രു​ന്നു. കൊ​ല്ല​പ്പെ​ട്ട ര​ണ്ടു പേ​രും പ​രി​ക്കേ​റ്റ മി​ശ്ര​യും സു​ഹൃ​ത്തു​ക്ക​ളാ​യി​രു​ന്നു. കേ​സി​ൽ മി​ശ്ര​യെ ആ​ണ് പോ​ലീ​സ് സം​ശ​യി​ച്ച​ത്.

ഇ​യാ​ൾ ന​ൽ​കി​യ ജാ​മ്യാ​പേ​ക്ഷ കോ​ട​തി ത​ള്ളി​യി​രു​ന്നു. ഇ​തി​നു പി​ന്നാ​ലെ മി​ശ്ര ഒ​ളി​വി​ൽ പോ​യി. അ​ന്വേ​ഷ​ണം ന​ട​ന്നു​വെ​ങ്കി​ലും ഇ​യാ​ളെ ക​ണ്ടെ​ത്താ​നാ​യി​രു​ന്നി​ല്ല. തു​ട​ർ​ന്ന് ഒ​ൻ​പ​ത് മാ​സ​ങ്ങ​ൾ​ക്ക് ശേ​ഷം മി​ശ്ര​യെ പോ​ലീ​സ് പി​ടി​കൂ​ടു​ക​യാ​യി​രു​ന്നു.