മുംബൈ: മയക്കുമരുന്ന് കടത്തുമായി ബന്ധപ്പെട്ട് ഡയറക്‌ടറേറ്റ് ഓഫ് റവന്യൂ ഇൻ്റലിജൻസ് (ഡിആർഐ) നടത്തിയ പരിശോധനയിൽ നാല് പേരുടെ കൈയ്യിൽ നിന്നായി 100 കോടി രൂപ വിലമതിക്കുന്ന 9 കിലോ കൊക്കെയ്ൻ പിടികൂടി.
എത്യോപ്യയിൽ നിന്ന് മുംബൈയിലെ ഛത്രപതി ശിവജി അന്താരാഷ്ട്ര വിമാനത്താവളത്തിൽ വന്ന ഇന്തോനേഷ്യൻ - തായ് സ്വദേശികളായ രണ്ട് സ്ത്രീ യാത്രക്കാരെയാണ് 9.83 കിലോ കൊക്കെയ്‌നുമായി ഡിആർഐ പിടികൂടിയത്.
ഡൽഹി ആസ്ഥാനമായുള്ള ഒരു സിൻഡിക്കേറ്റിൽ എത്തിക്കാനാണ് തങ്ങൾ മയക്കുമരുന്ന് കൊണ്ടുപോകുന്നതെന്ന് സ്ത്രീകൾ ഉദ്യോഗസ്ഥരോട് സമ്മതിച്ചു. സംഘത്തിലെ മറ്റ് അംഗങ്ങളെ പിടികൂടാൻ ഡിആർഐ അന്വേഷണ സംഘം മുംബൈയിൽ നിന്ന് ഡൽഹിയിലേക്ക് എത്തി.
തുടർന്ന് പ്രാദേശിക ഉദ്യോഗസ്ഥരുടെ സഹായത്തോടെ ഗ്രേറ്റർ നോയിഡയിൽ എത്തി സൂത്രധാരനെ തിരിച്ചറിയുകയും ചെയ്തു. 1985ലെ നാർക്കോട്ടിക് ഡ്രഗ്‌സ് ആൻഡ് സൈക്കോട്രോപിക് സബ്‌സ്റ്റൻസസ് (എൻഡിപിഎസ്) ആക്‌ട് പ്രകാരമാണ് രണ്ട് സംഘാംഗങ്ങളെയും സ്ത്രീകളേയും ഡിആർഐ അറസ്റ്റ് ചെയ്തത്.
എത്യോപ്യ, ശ്രീലങ്ക, നൈജീരിയ എന്നിവിടങ്ങളിൽ വ്യാപിച്ചുകിടക്കുന്ന അന്താരാഷ്ട്ര മയക്കുമരുന്ന് കടത്ത് റാക്കറ്റാണ് ഇതെന്ന് അന്വേഷണത്തിന് ശേഷം ഡിആർഐ കണ്ടെത്തി.
Follow Us/sathyam/media/media_files/HrYXi0mCewTU4thfA95k.jpg)
/sathyam/media/agency_attachments/5VspLzgrB7PML1PH6Ix6.png)
