ഗായത്രി പുഴയിൽ കാണാതായ യുവാവിന്റെ മൃതദേഹം കണ്ടെത്തി.

തൃശൂർ: തിരുവില്വാമല ഗായത്രിപുഴയുടെ കുത്താമ്പുള്ളി കല്ലുകുത്തി കടവിൽ കാണാതായ രാജപ്പൻ കുംഭാരത്തറ (44 ) മൃതദേഹമാണ് ഞായറാഴ്ച രാവിലെ നാട്ടുകാർ കണ്ടെത്തിയത്.

ശനിയാഴ്ച വൈകിട്ട് അഞ്ചരയോടെ സുഹൃത്തുക്കളായ ഹരികൃഷ്ണൻ( അപ്പൂസ് ), വേലു എന്നിവരോടൊപ്പം പുഴയിൽ മീൻ പിടിക്കുന്നതിനിടെ ഒഴുക്കിൽപെട്ട് കാണാതാവുകയായിരുന്നു. തുടർന്ന് ഫയർഫോഴ്സും, നാട്ടുകാരും ശനിയാഴ്ച രാത്രിയിലും തിരച്ചിൽ നടത്തിയെങ്കിലും ഇയാളെ കണ്ടെത്താനായിരുന്നില്ല.

ഞായറാഴ്ച രാവിലെ തിരച്ചിലിനിടെ നാട്ടുകാരാണ് മൃതദേഹം കണ്ടത്. തുടർന്ന് പഴയന്നൂർ പോലീസ് സ്ഥലത്തെത്തി ഇൻക്വസ്റ്റ് നടപടികൾ സ്വീകരിച്ചു. ഭാര്യ: ബിന്ദു.മക്കൾ:രഞ്ജിത്ത് (രാമു ), രതീഷ്.