കൊച്ചി: നിയമസഭാ തിരഞ്ഞെടുപ്പിൽ എൽ.ഡി.എഫ് സ്ഥാനാർത്ഥിയായി മത്സരിക്കുമെന്ന 24 ന്യൂസ് റിപ്പോർട്ടിനെതിരെ മുരളി തുമ്മാരുകുടി രംഗത്ത്. പന്തിയിൽ പക്ഷപാതവും ഫേക്ക് ന്യൂസിൽ സംശയവും പാടില്ലെന്ന് അദ്ദേഹം ഫെയസ്ബുക്കിൽ കുറിച്ചു.
ഫെയ്സ്ബുക്ക് കുറിപ്പ്
മണ്ഡലമറിയാത്ത തുമ്മാരുകുടി
സംവിധായകൻ കമൽ, രഞ്ജിത്ത് എന്നീ പ്രമുഖരോടൊപ്പം മറ്റൊരു പ്രമുഖനായ എന്നെയും എൽ.ഡി.എഫ് സാധ്യത പട്ടികയിൽ എടുത്തിട്ടുണ്ടെന്ന് കാറ്റു പറഞ്ഞുവെന്ന് ന്യൂസ് 24 ചാനൽ. താങ്ക് യു !.
ഈ കാറ്റ് മറ്റു ചാനലുകളിലും വേഗത്തിൽ അടിക്കുമെന്ന് വിശ്വസിക്കുന്നു.ഏറ്റവും വേഗത്തിൽ എന്റെ പേര് നിങ്ങളുടെ ലിസ്റ്റിലും ഉൾപ്പെടുത്തണം. യു.ഡി.എഫ് ആണെങ്കിലും ഓക്കേ.
പക്ഷെ കമലിന് കൊടുങ്ങല്ലൂരും രഞ്ജിത്തിന് കോഴിക്കോടും നൽകിയപ്പോൾ മുരളി തുമ്മാരുകുടിക്ക് മണ്ഡലംഎന്തെന്ന് അറിയില്ല പോലും. ഞാൻ എന്താ തവിട് കൊടുത്തു വാങ്ങിയ പ്രമുഖൻ ആണോ ?
ഇതൊന്നും ഒട്ടും ശരിയല്ല, പന്തിയിൽ പക്ഷപാതവും ഫേക്ക് ന്യൂസിൽ സംശയവും പാടില്ല.
വാർത്ത ഒന്നാമത്തെ കമന്റിൽ ഉണ്ട്. 1 മിനുട്ട് 57 സെക്കൻഡ് മുതൽ മുരളി തുമ്മാരുകുടി