'ഞാന്‍ പുതിയ വ്യക്തിയായി, സന്തോഷമുണ്ട്'; വിവാഹമോചനത്തിനു ശേഷമുണ്ടായ മാറ്റത്തെക്കുറിച്ച്‌ നാ​ഗ ചൈതന്യ

കോവിഡ് സാഹചര്യങ്ങളും വിവാഹമോചനവും എങ്ങനെയാണ് ബാധിച്ചത് എന്നായിരുന്നു ചോദ്യം. തന്‍്റെ ജീവിതത്തിലെ എറ്റവും വിഷമകരമായ ഘട്ടമായിരുന്നു എന്നാണ് താരം പ്രതികരിച്ചത്. ഒരു വ്യക്തി എന്ന നിലയില്‍ താന്‍ വളരെ അധികം മാറിയെന്നും ദേശിയ മാധ്യമത്തിനോട് നാ​ഗ ചൈതന്യ പറഞ്ഞു. ഈ കാലഘട്ടത്തില്‍ വ്യക്തിപരമായി ഞാന്‍ ഏറെ മാറി. മുന്‍പ് എനിക്ക് അധികം തുറന്നു പറയാന്‍ സാധിക്കുമായിരുന്നില്ല. പക്ഷേ ഇപ്പോള്‍ എനിക്കതിന് സാധിക്കുന്നുണ്ട്. കുടുംബാംഗങ്ങളുമായും സുഹൃത്തുക്കളുമായും തനിക്ക് കൂടുതല്‍ അടുപ്പം തോന്നുന്നുണ്ടെന്നും, തന്നെ ഒരു പുതിയ വ്യക്തിയായി കാണാന്‍ സാധിക്കുന്നതില്‍ സന്തോഷമുണ്ട് .- നാ​ഗ ചൈതന്യ പറഞ്ഞു.

നാല് വര്‍ഷത്തെ പ്രണയത്തിന് ശേഷം 2021 ഒക്ടോബര്‍ 2 നാണ് സാമന്തയും നാഗചൈതന്യയും വേര്‍പിരിയുന്നത്. നീണ്ടനാളത്തെ പ്രണയത്തിന് ശേഷമായിരുന്നു 2017ല്‍ ഇരുവരും വിവാഹിതരായത്. ആമിര്‍ ഖാന്‍ നായകനായി എത്തുന്ന ലാല്‍ സിങ് ഛദ്ദയാണ് നാ​ഗ ചൈതന്യയുടെ പുതിയ ചിത്രം. താരത്തിന്റെ ആദ്യ ബോളിവുഡ് ചിത്രമാണിത്