സംസ്ഥാനങ്ങളിലെ ഭരണം പിടിക്കാൻ ബിജെപി ഒരുങ്ങുന്നു. നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾക്കുള്ള തയ്യാറെടുപ്പും തുടങ്ങി. ഇലക്ഷന് ചുക്കാൻ പിടിക്കാൻ ദേശീയ നേതാക്കളെ രം​ഗത്തിറക്കും. ഇതിനായി ഓരോ സംസ്ഥാനങ്ങൾക്കും ചു​മ​ത​ല​ക്കാ​രെയും നി​യോ​ഗി​ച്ചു. പക്ഷേ, തന്ത്രങ്ങൾ പാളിയാൽ കർണാടക ആവർത്തിക്കും!

ഡ​ൽ​ഹി: വി​വി​ധ സം​സ്ഥാ​ന​ങ്ങ​ളി​ൽ നിയമസഭാ തെരഞ്ഞെടുപ്പ് നടക്കാനിരിക്കെ പഴുതടച്ച രാഷ്ട്രീയ നീക്കങ്ങളുമായി ബിജെപി. തെരഞ്ഞെടുപ്പിന് ചുക്കാൻ പിടിക്കാനായി ദേ​ശീ​യ നേ​താ​ക്ക​ളെ രം​ഗ​ത്തി​റ​ക്കാനാണ് ബി​ജെ​പിയുടെ തീരുമാനം.

മധ്യപ്രദേശ്, രാജസ്ഥാൻ, തെലുങ്കാന, ഛത്തീസ്​ഗഡ് എന്നീ സംസ്ഥാനങ്ങളിലെ തെരഞ്ഞെടുപ്പ് തന്ത്രങ്ങൾ ആവിഷ്ക്കരിക്കുന്നതിനായി വിവിധ ദേശീയ നേതാക്കൾക്ക് ചുമതകളും ബിജെപി നൽകിയിട്ടുണ്ട്. പാ​ർ​ല​മെ​ന്‍റ​റി​കാ​ര്യ മ​ന്ത്രി പ്രഹ്ലാദ് ജോ​ഷി​യെ രാ​ജ​സ്ഥാ​ന്‍ നി​യ​മ​സ​ഭാ തെ​ര​ഞ്ഞെ​ടു​പ്പി​നാ​യു​ള്ള ഏ​കോ​പ​ന ചു​മ​ത​ല പാ​ർ​ട്ടി ഏ​ൽ​പ്പി​ച്ചു.

കേ​ന്ദ്ര തൊ​ഴി​ൽ വ​കു​പ്പ് മ​ന്ത്രി ഭൂ​പീ​ന്ദ​ർ യാ​ദ​വി​ന് മ​ധ്യ​പ്ര​ദേ​ശി​ന്‍റെ ചു​മ​ത​ല ന​ൽ​കി​യ​പ്പോ​ൾ പ്ര​കാ​ശ് ജാ​വ്ഡേ​ക​ർ, ഓം ​പ്ര​കാ​ശ് മാ​ഥു​ർ എ​ന്നി​വ​ർ​ക്ക് യ​ഥാ​ക്ര​മം തെ​ലു​ങ്കാ​ന, ഛത്തീ​സ്ഗ​ഡ് എ​ന്നീ സം​സ്ഥാ​ന​ങ്ങ​ളു​ടെ ചു​മ​ത​ല ന​ൽ​കി.

രാ​ജ​സ്ഥാ​നി​ലേ​ക്ക് നി​തി​ൻ പ​ട്ടേ​ൽ, കു​ൽ​ദീ​പ് ബി​ഷ്ണോ​യ് എ​ന്നി​വ​രെ ജോ​ഷി​യു​ടെ സ​ഹാ​യി​ക​ളാ​യി നി​യ​മി​ച്ചി​ട്ടു​ണ്ട്. കേ​ന്ദ്ര മ​ന്ത്രി​മാ​രാ​യ മ​ൻ​സു​ഖ് മാ​ണ്ഡ​വ്യ, അ​ശ്വി​നി വൈ​ഷ്ണ​വ് എ​ന്നി​വ​ർ യ​ഥാ​ക്ര​മം ഛത്തീസ്ഗ​ഡ്, മ​ധ്യ​പ്ര​ദേ​ശ് എ​ന്നീ സം​സ്ഥാ​ന​ങ്ങ​ളി​ലെ പ്ര​ചാ​ര​ണ സ​മി​തി അം​ഗ​ങ്ങ​ളാ‌​യി​രി​ക്കും.

ഹിന്ദി ഹൃദയ ഭൂമിയിൽ ബിജെപി തന്ത്രം ഫലിച്ചേക്കുമെങ്കിലും ദക്ഷിണേന്ത്യയിൽ ബിജെപിക്ക് ഇനി പച്ച തൊടാനാവില്ലെന്നാണ് കർണാടക നിയമസഭാ തെരഞ്ഞെടുപ്പ് നൽകുന്ന മുന്നറിയിപ്പ്. ഈ സാഹചര്യത്തിൽ തെലുങ്കാനയുടെ ഭരണം ബിജെപിക്ക് നിർണായകമാകും.

കേരളം ഉൾപ്പെടെയുള്ള സംസ്ഥാനങ്ങൾ പിടിച്ചെടുക്കാൻ കടുത്ത തന്ത്രങ്ങൾ ബിജെപി നടത്തുന്നുണ്ടെങ്കിലും ഒന്നും അത്രമേൽ ഫലിക്കുന്നില്ല എന്നതാണ് വാസ്തവം.