'10 കോടി പ്രതിഫലം, 15 കോടിയുടെ അപാർട്ട്‌മെന്റ്, പ്രെെവറ്റ് ജെറ്റ്, നയൻതാരയുടെ ആസ്തി കോടികൾ'; റിപ്പോർട്ട്

തെന്നിന്ത്യയിൽ ഇന്ന് ഏറ്റവും വലിയ പ്രതിഫലം വാങ്ങുന്ന നടിയാണ് നയൻതാര. ഒരു സിനിമയ്ക്ക് നടി വാങ്ങുന്ന പ്രതിഫലം ഏകദേശം പത്ത് കോടി രൂപയാണ്. ഇപ്പോഴിതാ നയൻതാരയുടെ ആസ്തി വെളിപ്പെടുത്തി ഒരു മാധ്യമം പുറത്ത് വിട്ട റിപ്പോർട്ടാണ് ശ്രദ്ധ നേടുന്നത്. നയൻതാരയുടെ ആസ്തി ഏകദേശം 22 മില്യൺ ഡോളറാണെന്നാണ് റിപ്പോർട്ടിൽ പറയുന്നത്. അതായത് ഏകദേശം 165 കോടി രൂപയുടെ ആസ്തിയാണ് താരത്തിനുള്ളത്.

നയൻതാരയുടെ വരുമാനത്തിന്റെ ഭൂരിഭാഗവും അവരുടെ സിനിമകളിൽ നിന്നും ബ്രാൻഡുകളിൽ നിന്നും ലഭിക്കുന്ന തുകയാണ്. നിലവിൽ ഒരു സിനിമയ്ക്ക് പത്ത് കോടി രൂപയാണ് നയൻതാര വാങ്ങുന്നത്. വരുമാനത്തിന് പുറമേ ഇന്ത്യയിലുടനീളം നിരവധി അപ്പാർട്ട്‌മെന്റുകളും നടിയുടെ പേരിലുണ്ട്. ഹൈദരാബാദിൽ രണ്ട് ആഡംബര വീട് ഉൾപ്പെടെ പതിനഞ്ച് കോടി രൂപയുടെ അപ്പാർട്ട്‌മെന്റ് ബഞ്ചാരഹിൽസ് എന്ന സ്ഥലത്തുണ്ട്.

ഇതിന് പുറമേ തമിഴ്‌നാട്ടിൽ 4 ബെഡ്‌റൂം സൗകര്യമുള്ള വീടും. ഇതെല്ലാം കണക്ക് കൂട്ടുമ്പോൾ ഏകദേശം നൂറ് കോടിയുടെ മുകളിൽ വരും. അടുത്തിടെ നയൻതാര സ്വന്തമായി ഒരു പ്രെെവറ്റ്ജെറ്റ് വാങ്ങിയതായിട്ടും ഡെക്കാൻ ഹെറാൾഡ് റിപ്പോർട്ട് ചെയ്യ്തിരുന്നു. കാറുകളുടെ കാര്യത്തിലും ആഡംബര കാറുകളുടെ ലിസ്റ്റ് വേറെ തന്നെയുണ്ട്.

74 ലക്ഷം വിലയുള്ള ബിഎംഡബ്ല്യൂ 5 സീരിസിലെ കാറും മെർസിഡസ് ജിഎൽഎസ് (88 ലക്ഷം), ഫോർഡ് എൻഡേവർ, ബിഎംഡബ്ല്യൂ 7 സീരിസിലെ (1.76 കോടി) അടക്കം നിരവധി കാറുകളാണ് നടിയ്ക്കുള്ളത്. ചില പ്രശസ്ത ബ്രാൻഡുകൾക്ക് വേണ്ടി പരസ്യ ചിത്രത്തിലും നയൻതാര പ്രത്യക്ഷപ്പെട്ടിട്ടുണ്ട്. അതിലൂടെ അഞ്ച് കോടി വരെ നടിയ്ക്ക് പ്രതിഫലം ലഭിച്ചിരുന്നു. ഇതിനൊപ്പം ഒരു സ്‌കിൻ കെയർ ബ്രാൻഡിലും നടി പങ്കാളിയാണ്. .