സോഷ്യല് മീഡിയയില് വൈറലായി നസ്രിയയുടെ ചിത്രങ്ങള്. ഭര്ത്താവും നടനുമായ ഫഹദ് ഫാസിലിനൊത്തുള്ള ചിത്രങ്ങളാണ് സോഷ്യല് മീഡിയയില് വൈറലാകുന്നത്. നസ്രിയയും ഫഹദും പ്രധാന വേഷത്തിലെത്തുന്ന ട്രാന്സ് റിലീസിന് തയ്യാറെടുക്കവെയാണ് ഇരുവരുടേയും അവധി ആഘോഷത്തിന്റെ ചിത്രങ്ങള് വൈറലാകുന്നത്.
ചുവപ്പും നീലയും വസ്ത്രമണിഞ്ഞ്, സ്റ്റൈലന് കൂളിങ് ഗ്ലാസ് ധരിച്ചാണ് ചിത്രത്തില് നസ്രിയയെത്തുന്നത്. ചിത്രങ്ങള് നിമിഷങ്ങള്ക്കകം തന്നെ ആരാധകര് ഏറ്റെടുത്തിരിക്കുകയാണ്. അതേസമയം മോശം കമന്റുകളും ചിത്രത്തിന് ലഭിക്കുന്നുണ്ട്. നസ്രിയയുടെ വസ്ത്രം ചിലരെ ചൊടിപ്പിച്ചിട്ടുണ്ട്. നിങ്ങളില്നിന്ന് ഇത് പ്രതീക്ഷിച്ചില്ലെന്നും ഈ വസ്ത്രം ചേരുന്നില്ലെന്നും ചിലര് പറയുന്നു. ഞങ്ങളിഷ്ടപ്പെട്ട നസ്രിയ ഇങ്ങനെയല്ലെന്നും ചിലര് പറയുന്നുണ്ട്.
''ഫഹദിന്റെ ഒപ്പം കൂടി നീയും നശിച്ചോ'' എന്നു ചോദിന്നുവരുമുണ്ട്. മറ്റ് ചിലര് താരത്തിനെതിരെ ബോഡി ഷെയ്മിങ്ങും നടത്തുന്നു. ഇതെന്താ തിന്നാനൊന്നും കിട്ടുന്നില്ലെ?, വല്ലാതെ മെലിഞ്ഞു പോയിരിക്കുന്നുവെന്നൊക്കെയാണ് ചിലരുടെ കമന്റുകള്. ഫഹദുമായുള്ള വിവാഹത്തിന് ശേഷം നസ്രിയ സിനിമയില്നിന്നു വിട്ടു നില്ക്കുകയായിരുന്നു. അഞ്ജലി മേനോന് ചിത്രം കൂടെയിലൂടെയായിരുന്നു തിരിച്ചുവരവ്. ഇതിന് ശേഷം നസ്രിയ അഭിനയിക്കുന്ന ചിത്രമാണ് 'ട്രാന്സ്'. അന്വര് റഷീദാണ് ചിത്രം സംവിധാനം ചെയ്യുന്നത്.
ഫെബ്രുവരി 14 നാണ് 'ട്രാന്സ്' തീയേറ്ററുകളിലെത്തുക. ബാംഗ്ലൂര് ഡേയ്സിന് ശേഷം നസ്രിയയും ഫഹദും ഒരുമിക്കുന്ന ചിത്രമാണ് 'ട്രാന്സ്'. അമല് നീരദാണ് ഛായാഗ്രഹണം. സൗബിന് ഷാഹിര്, വിനായകന്, ചെമ്പന് വിനോദ്, ദിലീഷ് പോത്തന് തുടങ്ങിയവരും അഭിനയിക്കുന്നു.