27
Saturday November 2021
അള്ളും മുള്ളും

തൊണ്ണൂറുകളില്‍ കോണ്‍ഗ്രസിനെ പിടിച്ചു കുലുക്കിയ തിരുത്തല്‍ വാദി പ്രസ്ഥാനം ! തിരുത്തൽവാദികളിൽ ചാണക്യന്‍ എം ഐ ഷാനവാസായിരുന്നു ! തിരുവനന്തപുരത്ത് മെഡിക്കല്‍ കോളജിനടുത്ത് ഷാനവാസ് ഒരു വീടെടുത്തിരുന്നു. തലസ്ഥാനത്തെത്തിയാല്‍ താമസിക്കാന്‍ മാത്രമല്ല, രഹസ്യ ഗൂഢാലോചന നടത്താനും ഈ വീട് ഉപയോഗിച്ചിരുന്നു. കേരള രാഷ്ട്രീയത്തിലെ അതി സങ്കീര്‍ണമായ ഒരു അധ്യായത്തിനു തന്ത്രപരമായ നേതൃത്വം നല്‍കിയ ഷാനവാസ് തുടര്‍ച്ചയായി അഞ്ചു തവണ പരാജയപ്പെട്ടിരുന്നു ! 2009 ലോക്സഭാ തെര‍‍ഞ്ഞെടുപ്പില്‍ വയനാട് മണ്ഡലത്തില്‍ മത്സരിച്ച എം.ഐ ഷാനവാസ് ഈ പരാജയങ്ങള്‍ക്കൊക്കെ പകരം വീട്ടി. എം.ഐ ഷാനവാസ് എന്ന തന്ത്രശാലി – അള്ളും മുള്ളും പംങ്തിയില്‍ ജേക്കബ് ജോര്‍ജ്

ജേക്കബ് ജോര്‍ജ്
Wednesday, November 24, 2021

ജി. കാര്‍ത്തികേയന്‍, എം.ഐ ഷാനവാസ്, രമേഷ് ചെന്നിത്തല – 1990 -കളില്‍ കോണ്‍ഗ്രസിലെ സര്‍വാധിപതിയായിരുന്ന കെ. കരുണാകരനെ വെല്ലുവിളിച്ച മൂവര്‍ സംഘം. അതില്‍ സ്വന്തം തന്ത്രങ്ങളും കൗശലങ്ങളുമൊക്കെ ആയുധമാക്കി കരുണാകരനെ കുരുക്കാന്‍ രാപ്പകലെന്യെ അദ്ധ്വാനിച്ച ഷാനവാസ്.

2018 നവംബര്‍ 21 -ന് പാന്‍ക്രിയാസ് സംബന്ധമായ രോഗത്തെ തുടര്‍ന്ന് 67 -ാം വയസില്‍ അന്തരിച്ച ഷാനവാസിനെ അനുസ്മരിക്കാന്‍ തിരുവനന്തപുരത്തു ചേര്‍ന്ന സമ്മേളനം അദ്ദേഹത്തിന്‍റെ രാഷ്ട്രീയ സംഭാവനകളെ സൂഷ്മമായിത്തന്നെ വിലയിരുത്തി. മുന്‍ കേന്ദ്രമന്ത്രി സച്ചിന്‍ പൈലറ്റ്, മുന്‍ പ്രതിപക്ഷ നേതാവ് രമേശ് ചെന്നിത്തല, ഡോ. ശശി തരൂര്‍ എം.പി എന്നിവരായിരുന്നു പ്രധാന പ്രസംഗകര്‍.

തൊണ്ണൂറുകളില്‍ കോണ്‍ഗ്രസിനെ പിടിച്ചു കുലുക്കിയ തിരുത്തല്‍ വാദി പ്രസ്ഥാനം, അതില്‍ എം.ഐ ഷാനവാസ് നടത്തിയ തന്ത്രപരമായ നീക്കങ്ങള്‍, ആ രാഷ്ട്രീയത്തില്‍ ‘ഇന്ത്യ ടുഡേ’ വാരികയുടെ പ്രസക്തി, പത്രപ്രവര്‍ത്തകനെന്ന നിലയില്‍ ഞാന്‍ വഹിച്ച പങ്ക് എന്നിവയെല്ലാം കണക്കിലെടുത്താണ് ഈ കുറിപ്പ്.

കോണ്‍ഗ്രസില്‍ ഒരു വലിയ ആരവത്തോടെ ആന്‍റണി പക്ഷം രൂപമെടുത്ത ശേഷം ഉണ്ടായൊരു മുന്നേറ്റമാണ് തിരുത്തല്‍ വാദം. അറുപതുകളില്‍ മുളച്ചു പൊന്തിയ ആന്‍റണപക്ഷം യുവാക്കളുടെ ഒരു മുന്നേറ്റമായിരുന്നു. കെ.എസ്.യുവിനെയും യൂത്ത് കോണ്‍ഗ്രസിനെയും രൂപപ്പെടുത്തിയെടുത്ത എം.എ ജോണിനു തന്നെയായിരുന്നു അതിന്‍റെ മുഴുവന്‍ ക്രഡിറ്റും.

കോണ്‍ഗ്രസിലെ പ്രായമുള്ള നേതാക്കളെയൊക്കെ പുറംതള്ളി യുവാക്കള്‍ പാര്‍ട്ടിയിലെയും സര്‍ക്കാരിലെയും താക്കോല്‍ സ്ഥാനങ്ങള്‍ കൈയടക്കണമെന്നായിരുന്നു എം.എ ജോണിന്‍റെ ആഹ്വാനം. തിരുത്തല്‍ വാദികളാവട്ടെ, തങ്ങളുടെ എതിര്‍പ്പ് കെ. കരുണാകരനു നേരേ തിരിച്ചു. 1991 -ല്‍ സര്‍വപ്രതാപിയായി അധികാരത്തിലെത്തിയ കെ. കരുണാകരനെ എന്തു വില കൊടുത്തും താഴെയിറക്കാന്‍ മുന്നിട്ടിറങ്ങുകയായിരുന്നു അവര്‍.

തിരുത്തല്‍ വാദികളുടെ മുന്നേറ്റത്തെക്കുറിച്ചു തീപാറുന്ന റിപ്പോര്‍ട്ടുകള്‍ കൊടുക്കാന്‍ മലയാളത്തിലെ ‘ഇന്ത്യാ ടുഡേ’ തന്നെയായിരുന്നു മുന്നില്‍. ഒക്കെയും മൂര്‍ച്ചയുള്ള റിപ്പോര്‍ട്ടുകള്‍. ജി. കാര്‍ത്തികേയന്‍റെ അതിഗംഭീരമായ പ്രസംഗങ്ങള്‍ക്ക് ആയിരങ്ങള്‍ കാതോര്‍ത്തിരുന്ന കാലം. അതുവരെ ലീഡറോടൊപ്പം ഒരേ ഇലയില്‍ ഇഡ്‌ലി കഴിക്കാന്‍ വരെ അവകാശമുണ്ടായിരുന്ന രമേശ് ചെന്നിത്തല തിരുത്തല്‍ വാദിയായി മുമ്പില്‍ത്തന്നെ.

ഞങ്ങള്‍ തിരുവനന്തപുരത്തെ പത്രക്കാര്‍ക്കും തിരുത്തല്‍ വാദികളുടെ മുന്നേറ്റം ഹരമായി. ഇതില്‍ ചാണക്യന്‍ ഷാനവാസാണ്. ‘ഇന്ത്യാ ടുഡേ’ ലേഖകനായി കേരളമൊട്ടാകെ ഓടി നടന്നിരുന്ന ഞാന്‍ ഷാനവാസിനെ കണ്ടിരുന്നത് കൊച്ചിയില്‍ വെച്ചാണ്. അന്ന് ഞാന്‍ താമസിച്ചിരുന്നത് സൗത്ത് ജങ്ഷനിലെ അവന്യു റീജന്‍റ് ഹോട്ടലില്‍.

കൊച്ചിയിലെത്തുമ്പോഴൊക്കെ ഷാനവാസ് ഹോട്ടല്‍ മുറിയില്‍ വരും. ആര്‍ക്കും പിടികൊടുക്കാത്ത കരുണാകരനെ തളയ്ക്കാന്‍ എപ്പോഴും പുതിയ തന്ത്രങ്ങള്‍ മെനഞ്ഞുകൊണ്ടിരുന്ന ഷാനവാസ് സൂത്രങ്ങള്‍ എനിക്കു പറഞ്ഞുതരും.

തിരുവനന്തപുരത്ത് മെഡിക്കല്‍ കോളജിനടുത്ത് ഷാനവാസ് ഒരു വീടെടുത്തിരുന്നു. തലസ്ഥാനത്തെത്തിയാല്‍ താമസിക്കാന്‍ മാത്രമല്ല, രഹസ്യ ഗൂഢാലോചന നടത്താനും ഈ വീട് ഉപയോഗിച്ചിരുന്നു. കരുണാകരനെതിരെയുള്ള പല ഗൂഢാലോചനകളും രൂപമെടുത്തത് ഇവിടയാണ്.

കെ. മുരളീധരന്‍ പാര്‍ട്ടിയില്‍ ശക്തികേന്ദ്രമായതില്‍ പ്രതിഷേധിച്ചാണ് തിരുത്തല്‍ വാദം ഉയര്‍ന്നത്. ക്രമേണ തിരുത്തല്‍ വാദികള്‍ ആന്‍റണി പക്ഷത്തോടു ചേര്‍ന്നു. അത് കരുണാകരനെതിരായ സമ്മര്‍ദത്തിന് ആക്കം കൂട്ടുകയും ചെയ്തു. എങ്കിലും കരുണാകരന്‍ കുലുങ്ങിയില്ല. കേന്ദ്രം ഭരിക്കുന്നത് കോണ്‍ഗ്രസ് തന്നെയാണ്. പ്രധാന മന്ത്രിയാകട്ടെ സാക്ഷാല്‍ പി.വി നരസിംഹ റാവുവും.

1991 -ലാണ് നരസിംഹ റാവു പ്രധാന മന്ത്രിയായത്. 1991 -ല്‍ രാജീവ് ഗാന്ധിയുടെ രക്തസാക്ഷിത്വത്തെ തുടര്‍ന്ന് പ്രധാനമന്ത്രി സ്ഥാനം നെഹ്റു കുടുംബത്തില്‍ നിന്നു പുറത്തേയ്ക്കു പോവുകയായിരുന്നു. അതില്‍ നിര്‍ണായക പങ്കുവഹിച്ചത് കരുണാകരനും. അതുകൊണ്ട് ഡല്‍ഹിയിലെ കോണ്‍ഗ്രസ് രാഷ്ട്രീയത്തില്‍ കരുണാകരന്‍ കിങ്ങ് മേക്കറുമായി.

തനിക്കെതിരെ ആന്‍റണി പക്ഷവും തിരുത്തല്‍ വാദികളും പടമുറുക്കിയപ്പോള്‍ കരുണാകരനും തന്ത്രങ്ങളിറക്കി. 1993 -ല്‍ പ്രധാനമന്ത്രി നരസിംഹ റാവു എ.കെ ആന്‍റണിയെ കേന്ദ്ര സിവില്‍ സപ്ലൈസ് വകുപ്പു മന്ത്രിയാക്കി. പിന്നെ തിരുത്തല്‍ വാദികളോടു മുഖം തിരിച്ചു നില്‍ക്കുന്ന ആന്‍റണിയെയാണു കേരളം കണ്ടത്.

ആന്‍റണി പക്ഷത്തിന്‍റെ പിന്തുണയില്ലാതെ തിരുത്തല്‍ വാദികള്‍ക്കെന്തുചെയ്യാനാവും ? കരുണാകരനെതിരായ നീക്കങ്ങളുടെയൊക്കെയും ശക്തി ചോരുകയായിരുന്നു. ആന്‍റണി സിവില്‍ സപ്ലൈസ് മന്ത്രിയായതിനേ തുടര്‍ന്നായിരുന്നു ഈ സംഭവ വികാസമെന്ന് സംസാരമുണ്ടായി. ‘ഇന്ത്യാ ടുഡേ’യില്‍ വളരെ വിശദമായ റിപ്പോര്‍ട്ട്.

ആന്‍റണിയുടെ രാഷ്ട്രീയത്തെയും വ്യക്തിത്വത്തെയും ചോദ്യം ചെയ്യുന്നതായിരുന്നു ആ റിപ്പോര്‍ട്ട്. ആന്‍റണി രോഷം കോണ്ടു. പത്രപ്രവര്‍ത്തകനെന്ന നിലയ്ക്ക് ഞാന്‍ ആന്‍റണിയെ കാണാതായി. 1995 -ല്‍ പഞ്ചസാര ഇറക്കുമതിയില്‍ പ്രതിഷേധിച്ച് ആന്‍റണി കേന്ദ്രമന്ത്രി സ്ഥാനം രാജിവയ്ക്കുകയും ചെയ്തു.

1994 -ല്‍ പൊട്ടിപ്പുറപ്പെട്ട ഐ.എസ്.ആര്‍.ഒ ചാരക്കേസ് കോണ്‍ഗ്രസ് രാഷ്ട്രീയത്തില്‍ നിര്‍ണായകമായി. മാലി വനിത മറിയം റഷീദയുടെ അറസ്റ്റോ‍ടെയായിരുന്നു സംഭവബഹുലമായ രാഷ്ട്രീയ നാടകങ്ങള്‍ക്കു തുടക്കം. 1994 ഒക്ടോബര്‍ 20 -ാം തീയതിയായിരുന്നു മറിയം റഷീദയുടെ അറസ്റ്റ്. കരുണാകരനെതിരെ ആന്‍റണി പക്ഷം വീണ്ടും ആക്രമണം പ്രഖ്യാപിച്ചു. അതോടെ തിരുത്തല്‍ വാദികള്‍ക്കുത്സാഹമായി.

നിലപാടു തിരുത്തിക്കൊണ്ട് തിരുവനന്തപുരം ഗസ്റ്റ് ഹൗസില്‍ നടത്തിയ പത്ര സമ്മേളനത്തില്‍ എ.കെ ആന്‍റണി എനിക്കെതിരെ തിരിഞ്ഞു. വാക്കേറ്റം കടുത്തപ്പോള്‍ കോണ്‍ഗ്രസ് നേതാക്കളായ ചെറിയാന്‍ ഫിലിപ്പും ജി. എസ് ബാബുവും എത്തി പിടിച്ചു മാറ്റുകയായിരുന്നു. ചാരക്കേസിന്‍റെ പേരില്‍ ഞാന്‍ കരുണാകരനോടടുത്തു.

ഐ.എസ്.ആര്‍.ഒ ചാരക്കേസിന്‍റെ പേരില്‍ ആന്‍റണി പക്ഷവും തിരുത്തല്‍ വാദികളും അങ്കം കടുപ്പിച്ചപ്പോള്‍ കരുണാകരന്‍ പിടിച്ചു നില്‍ക്കാന്‍ പാടുപെട്ടു. നീക്കങ്ങളുടെ നിയന്ത്രണം മുഴുവന്‍ ഉമ്മന്‍ ചാണ്ടിയുടെ കൈയില്‍. സഹായികളായി കാര്‍ത്തികേയനും ഷാനവാസും രമേശും. കരുണാകരന് മുഖ്യമന്ത്രി സ്ഥാനം ഒഴിയേണ്ടി വന്നു. പിന്നെ എ.കെ. ആന്‍റണി മുഖ്യമന്ത്രി.

കേരള രാഷ്ട്രീയത്തിലെ അതി സങ്കീര്‍ണമായ ഒരു അധ്യായത്തിനു തന്ത്രപരമായ നേതൃത്വം നല്‍കിയ ഷാനവാസ് തുടര്‍ച്ചയായി അഞ്ചു തവണ പരാജയപ്പെട്ടിരുന്നു എന്ന കാര്യവും ഓര്‍ക്കണം. മൂന്നു തവണ നിയമസഭയിലേയ്ക്കും രണ്ടു തവണ ലോക്സഭയിലേയ്ക്കും.

പക്ഷെ 2009 ലോക്സഭാ തെര‍‍ഞ്ഞെടുപ്പില്‍ വയനാട് മണ്ഡലത്തില്‍ മത്സരിച്ച എം.എ ഷാനവാസ് ഈ പരാജയങ്ങള്‍ക്കൊക്കെ പകരം വീട്ടി. അവിടെ എതിരാളി കരുണാകരന്‍റെ മകന്‍ കെ. മുരളീധരന്‍. എന്‍.സി.പി സ്ഥാനാര്‍ത്ഥിയായി മത്സരിച്ച മുരളീധരനെ 1,53,000 വോട്ടിനാണ് ഷാനവാസ് പരാജയപ്പെടുത്തിയത്. അതൊരു റിക്കാര്‍ഡ് വിജയവമായിരുന്നു. പിന്നീട് 2014 -ലും അദ്ദേഹം വയനാട്ടില്‍ നിന്നു തന്നെ മത്സരിച്ചു.

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

More News

കുവൈറ്റ് സിറ്റി: ജഹ്‌റയില്‍ സംഘട്ടനത്തിലേര്‍പ്പെട്ട യുവാക്കളില്‍ നാലു പേരെ പൊലീസ് പിടികൂടി. നിരവധി പേരാണ് സംഘട്ടനത്തിലേര്‍പ്പെട്ടത്. ഇവരുടെ കൈയ്യില്‍ ആയുധങ്ങളുമുണ്ടായിരുന്നുവെന്നാണ് റിപ്പോര്‍ട്ട്. തുടര്‍ന്ന് സ്ഥലത്തെത്തിയ പൊലീസ് സ്ഥിതി നിയന്ത്രണവിധേയമാക്കാന്‍ ആകാശത്തേക്ക് വെടിവയ്ക്കുകയായിരുന്നു. തുടര്‍ന്ന് യുവാക്കള്‍ പിരിഞ്ഞുപോയി. ഇവരില്‍ നാലു പേരെ പൊലീസ് പിടികൂടി. മറ്റുള്ളവര്‍ക്കായി അന്വേഷണം ഊര്‍ജ്ജിതമാക്കി.

കുവൈറ്റ് സിറ്റി: കുവൈറ്റ് ജനറൽ അഡ്മിനിസ്ട്രേഷൻ ഓഫ് കസ്റ്റംസ് (കെജിഎസി) ബിറ്റ്‌കോയിന്‍ കറന്‍സി ഡിവൈസുകള്‍ പിടിച്ചെടുത്തതായി പ്രാദേശികപത്രം റിപ്പോര്‍ട്ട് ചെയ്തു. ഇതു സംബന്ധിച്ച് കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല. ഡിവൈസുകള്‍ പരിശോധിക്കാൻ കമ്മ്യൂണിക്കേഷൻ ആൻഡ് ഇൻഫർമേഷൻ ടെക്നോളജി റെഗുലേറ്ററി അതോറിറ്റി (സിട്രാ) യിൽ നിന്നുള്ള കെജിഎസി വിദഗ്ധരെ നിയോഗിച്ചതായി റിപ്പോര്‍ട്ട് വ്യക്തമാക്കി.

കുവൈറ്റ് സിറ്റി: പുതിയ വൈറസ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്ക, നമീബിയ, ബോട്‌സ്വാന, സാംബിയ, മൊസാംബിക്, ലെസോത്തോ, ഇശ്വതിനി, മലാവി, സിംബാബ്‌വെ എന്നിവിടങ്ങളിലേക്കുള്ള നേരിട്ടുള്ള വാണിജ്യ വിമാന സർവീസുകൾ നിർത്തിവച്ചതായി കുവൈത്ത് ജനറൽ അഡ്മിനിസ്ട്രേഷൻ ഓഫ് സിവിൽ ഏവിയേഷൻ അറിയിച്ചു. കാര്‍ഗോ പ്ലെയിനുകള്‍ക്ക് നിയന്ത്രണം ബാധകമല്ലെന്നാണ് സൂചന. മേൽപ്പറഞ്ഞ രാജ്യങ്ങളിൽ നിന്ന് വരുന്ന പൗരന്മാർക്ക് ഏഴ് ദിവസത്തേക്ക് ഇൻസ്റ്റിറ്റിയൂഷണൽ ക്വാറന്റൈൻ ബാധകമാണ്. രാജ്യത്തെത്തുമ്പോഴും, ക്വാറന്റൈനിന്റെ ആറാം ദിവസവും പിസിആര്‍ പരിശോധന നടത്തും.  

ന്യൂഡല്‍ഹി: ജമ്മു കശ്മീരിനെ കേന്ദ്രഭരണ പ്രദേശമാക്കിയത് മുഖ്യമന്ത്രിയെ എം.എല്‍.എ.പദത്തിലേക്ക് തരംതാഴ്ത്തിയത് പോലെയാണെന്ന് കോണ്‍ഗ്രസ് നേതാവ് ഗുലാം നബി ആസാദ്. ശൈത്യകാലത്ത് കശ്മീരില്‍ തിരഞ്ഞെടുപ്പ് നടത്താനുള്ള കേന്ദ്ര സര്‍ക്കാര്‍ തീരുമാനത്തെയും അദ്ദേഹം വിമര്‍ശിച്ചു. “സാധാരണ കേന്ദ്ര ഭരണ പ്രദേശങ്ങളെ സംസ്ഥാനമാക്കി ഉയര്‍ത്താറാണ് പതിവ്. പക്ഷെ ഇവിടെ സംസ്ഥാനത്തെ കേന്ദ്ര ഭരണ പ്രദേശമാക്കി തരംതാഴ്ത്തി. അത് ഡി.ജി.പിയെ എസ്.എച്ച്.ഒ. ആക്കുന്നതുപോലെ, മുഖ്യമന്ത്രിയെ എം.എല്‍.എ. ആക്കുന്നതുപോലെയാണ്” – കുല്‍ഗാമില്‍ നടന്ന പരിപാടിയില്‍ ഗുലാംനബി പറഞ്ഞു.

തിരുവനന്തപുരം: കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്ന് 218 പേര്‍ക്കെതിരെ കേസെടുത്തു. ഇന്ന് അറസ്റ്റിലായത് 130 പേരാണ്. 413 വാഹനങ്ങളും പിടിച്ചെടുത്തു. മാസ്‌ക് ധരിക്കാത്ത 3374 സംഭവങ്ങളാണ് സംസ്ഥാനത്ത് ഇന്ന് റിപ്പോര്‍ട്ട് ചെയ്തത്.

തിരുവനന്തപുരം: പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന മുഖ്യമന്ത്രി പിണറായി വിജയൻ്റെ തന്ത്രം പഴകിത്തേഞ്ഞതാണെന്ന് കേന്ദ്രമന്ത്രി വി. മുരളീധരന്‍. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നതെന്നും അദ്ദേഹം സമൂഹമാധ്യമത്തില്‍ പങ്കുവച്ച കുറിപ്പില്‍ ആരോപിച്ചു. വി. മുരളീധരന്റെ കുറിപ്പ്… പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന പിണറായി വിജയൻ്റെ തന്ത്രം പഴകിത്തേഞ്ഞതാണ്. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നത്. ന്യൂനപക്ഷത്തിൻ്റെ സംരക്ഷകനെന്ന് […]

തിരുവനന്തപുരം: മറ്റു സംസ്ഥാനങ്ങളിലെ ബിജെപി മുഖ്യമന്ത്രിമാർക്ക് പോലും ഭീഷണിയാകുന്ന തരത്തിൽ,നരേന്ദ്ര മോദിയുടെ അവകാശവാദങ്ങൾ ജനങ്ങളിലേക്കെത്തിക്കാൻ അക്ഷീണം പരിശ്രമിക്കുന്ന പി ആർ ഏജൻസി നടത്തിപ്പുകാരനാവുകയാണ് കേരളത്തിന്റെ മുഖ്യമന്ത്രി പിണറായി വിജയനെന്ന് കെപിസിസി പ്രസിഡന്റ് കെ. സുധാകരന്‍. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ വിമര്‍ശനം. ഫേസ്ബുക്ക് പോസ്റ്റ്… നാട്ടുകാർ കാര്യമായി തന്നെ പരിഗണിക്കുന്നില്ലെന്ന തിരിച്ചറിവാണ് നാട്ടിൽ നടക്കുന്ന സംഭവങ്ങളെല്ലാം നമ്മൾ ഉണ്ടാക്കിയതാണെന്നു പറയാൻ വൈക്കം മുഹമ്മദ് ബഷീറിന്റെ കഥയിലെ എട്ടുകാലി മമ്മൂഞ്ഞ് എന്ന കഥാപാത്രത്തിന് പ്രേരണയായത്. കഴിഞ്ഞദിവസം നീതി ആയോഗ് പുറത്തിറക്കിയ […]

തൃശൂര്‍: തൃശൂരിൽ 52 വിദ്യാർത്ഥിനികൾക്ക് നോറോ വൈറസ് സ്ഥിരീകരിച്ചു. സെന്റ് മേരിസ് കോളേജ് ഹോസ്റ്റലിലെ വിദ്യാർത്ഥിനികൾക്കാണ് രോഗം സ്ഥിരീകരിച്ചത്. ഹോസ്റ്റലിലെ കുടിവെള്ളത്തിൽ നിന്ന് വൈറസ് പകർന്നതാണെന്നാണ് പ്രാഥമിക നിഗമനം. ആലപ്പുഴ വൈറോളജി ലാബിൽ നിന്നുള്ള റിപ്പോർട്ടിൽ ആണ് രോഗബാധ സ്ഥിരികരിച്ചത്.

ലണ്ടന്‍: യുകെയിൽ രണ്ട് പേർക്ക് പുതിയ കോവിഡ് വേരിയന്റായ ഒമിക്രോണ്‍ സ്ഥിരീകരിച്ചതായി ആരോഗ്യ സെക്രട്ടറി. ഇവര്‍ ദക്ഷിണാഫ്രിക്കയില്‍ നിന്ന് വന്നവരാണെന്ന്‌ സാജിദ് ജാവിദ് പറഞ്ഞു. ഇവരെ ഐസൊലേറ്റ് ചെയ്തിരിക്കുകയാണ്.

error: Content is protected !!