25
Tuesday January 2022
അള്ളും മുള്ളും

അങ്ങനെ വെറുമൊരു എം.പി മാത്രമാണോ ശശി തരൂര്‍ എന്നായിരുന്നു എന്‍റെ ചോദ്യം ? രമേശ് ചെന്നിത്തല പോലും പറഞ്ഞത് ശശി തരൂര്‍ ലോക പൗരനാണെന്നാണ് ! സില്‍വര്‍ ലൈന്‍ പദ്ധതി മുഖ്യമന്ത്രി പിണറായി വിജയനും ഇടതു മുന്നണിക്കും വലിയ രാഷ്ട്രീയ നേട്ടമുണ്ടാക്കുമെന്നു ശശി തരൂരിനു നന്നായറിയാം. അതിനെ എതിര്‍ക്കുന്നത് പ്രതിപക്ഷത്തിന് ആത്മഹത്യാപരമാണെന്നും അദ്ദേഹത്തിനറിയാം. കൈരളി ചാനൽ ചർച്ചയിലെ ശശി തരൂർ… – അള്ളും മുള്ളും പങ്തിയില്‍ ജേക്കബ് ജോര്‍ജ്

ജേക്കബ് ജോര്‍ജ്
Tuesday, December 21, 2021

ലോക രാഷ്ട്രീയത്തില്‍ പ്രവര്‍ത്തിച്ചു നല്ല പരിചയവും അനുഭവ സമ്പത്തും നേടിയിട്ടുള്ള ശശി തരൂരിന് കേരള രാഷ്ട്രീയത്തിലെ ചെറിയ മനസുകളുടെ ചെറിയ കളികളോടു വലിയ താല്‍പര്യമില്ല. അതുകൊണ്ടുതന്നെ കോണ്‍ഗ്രസ് നേതൃത്വത്തില്‍ അര്‍ഹതപ്പെട്ട അംഗീകാരം അദ്ദേഹത്തിനു കിട്ടാറുമില്ല. എങ്കിലും ശശി തരൂര്‍ കോണ്‍ഗ്രസ് രാഷ്ട്രീയത്തില്‍ നില്‍ക്കുന്നു. ജനങ്ങള്‍ അദ്ദേഹത്തെ അംഗീകരിക്കുന്നു.

എം.എ യൂസഫ് അലിയുടെ ലുലു മാള്‍ തിരുവനന്തപുരത്ത് ഉല്‍ഘാടനം ചെയ്യുന്ന ചടങ്ങില്‍ ശശി തരൂര്‍ നടത്തിയ പ്രസംഗം ഇപ്പോഴും വിവാദമുയര്‍ത്തിക്കൊണ്ടിരിക്കുന്നു. തിങ്കളാഴ്ചത്തെ ‘മാതൃഭൂമി’ ദിനപ്പത്രത്തിന്‍റെ എഡിറ്റോറിയല്‍ പേജില്‍ തരൂര്‍ എഴുതിയ ലേഖനത്തിലെ അടിസ്ഥാനചിന്ത തന്നെ ‘കണ്ണടച്ച് എതിര്‍ക്കുന്നത് ജനാധിപത്യ വിരുദ്ധം’ എന്നാണ്. ലേഖനത്തിന്‍റെം തലക്കെട്ടും അതുതന്നെ.

തരൂരിന്‍റെ ‘മാതൃഭൂമി’ ലേഖനത്തില്‍ത്തന്നെ കൈരളി ചാനല്‍ എക്സിക്യൂട്ടീവ് എഡിറ്റര്‍ ശരത് ചന്ദ്രന്‍ കയറി പിടിച്ചു. രാത്രി എട്ടുമണി ചര്‍ച്ചയ്ക്ക് എന്നെയും വിളിച്ചു. ശശി തരൂര്‍ തന്നെ വിഷയം. ഞാന്‍ സമ്മതിച്ചു.

ഡി.വൈ.എഫ്.ഐ ദേശീയ പ്രസിഡന്‍റ് എ.എ റഹിം, ‘വീക്ഷണം’ മുന്‍ എഡിറ്റര്‍ എന്‍. ശ്രീകുമാര്‍, ലാല്‍കുമാര്‍ എന്നിവരാണ് ചര്‍ച്ചയില്‍ പങ്കെടുക്കുന്ന മറ്റുള്ളവര്‍.

ശ്രീകുമാര്‍ വളരെ സംയമനം പാലിച്ചുതന്നെയാണ് സംസാരിച്ചത്. തരൂര്‍ കോണ്‍ഗ്രസിന്‍റെ നയപരിപാടികളോടു ചേര്‍ന്നു നിന്നുകൊണ്ടാണു കാര്യങ്ങള്‍ വിശദീകരിച്ചതെന്ന് അദ്ദേഹം വിദഗ്ദ്ധമായി സമര്‍ത്ഥിച്ചു. ‘മാതൃഭൂമി’ ലേഖനത്തില്‍ ഒരു കളവും കണ്ടെത്താനില്ലെന്നും അദ്ദേഹം പറഞ്ഞുവെച്ചു. ‘നിവേദനത്തില്‍ ഒപ്പിട്ടില്ല എന്നതിനര്‍ത്ഥം ഞാന്‍ ആ പദ്ധതിയെ സ്വാഗതം ചെയ്യുന്നുവെന്നല്ല’ എന്ന തരൂരിന്‍റെ വാചകം എടുത്തു കാട്ടി ശ്രീകുമാര്‍ ശക്തമായൊരു പ്രതിരോധം ഉയര്‍ത്തി.

പക്ഷെ എ.എ റഹിം കോണ്‍ഗ്രസിനെതിരെ തിരിഞ്ഞു. ഉമ്മന്‍ ചാണ്ടി മുഖ്യമന്ത്രിയായിരിക്കുമ്പോള്‍ തിരുവനന്തപുരം മുതല്‍ കണ്ണൂര്‍ വരെ അതിവേഗ റെയില്‍പാത നിര്‍മിക്കാന്‍ വിശദമായ പഠന റിപ്പോര്‍ട്ടു തയ്യാറാക്കിയതാണെന്ന് റഹിം ചൂണ്ടിക്കാട്ടി. ഇതു സ്വപ്നപദ്ധതി എന്നാണ് മുഖ്യമന്ത്രി ഉമ്മന്‍ ചാണ്ടി അന്നു പത്രപ്രവര്‍ത്തകരോട് പറഞ്ഞത്.

ലാല്‍കുമാറാകട്ടെ, ശശി തരൂരിനെ പൂര്‍ണമായി പിന്താങ്ങിക്കൊണ്ടു കത്തിക്കയറി. ശശി തരൂര്‍ ഒരു എം.പി മാത്രമാണെന്ന കെ.പി.സി.സി അധ്യക്ഷന്‍ കെ. സുധാകരന്‍റെ പ്രയോഗത്തില്‍ അദ്ദേഹത്തിന്‍റെ ഉള്ളിലിരുപ്പു വ്യക്തമാകുന്നുണ്ടെന്നും ലാല്‍കുമാര്‍ വിശദീകരിച്ചു.

അങ്ങനെ വെറുമൊരു എം.പി മാത്രമാണോ ശശി തരൂര്‍ എന്നായിരുന്നു എന്‍റെ ചോദ്യം. രമേശ് ചെന്നിത്തല പോലും പറഞ്ഞത് ശശി തരൂര്‍ ലോക പൗരനാണെന്നാണ്.

നമ്മുടെ പല കോണ്‍ഗ്രസുകാരേക്കാള്‍ ധിഷണയുടെ കാര്യത്തിലായായും ബുദ്ധിശക്തിയുടെ കാര്യത്തിലായാലും വളരെ മുമ്പില്‍ നില്‍ക്കുന്നയാളാണ് തരൂര്‍ എന്നു ഞാന്‍ വിശദീകരിച്ചു. അതുകൊണ്ടുതന്നെ കോണ്‍ഗ്രസ് നേതാക്കളില്‍ പലര്‍ക്കും അദ്ദേഹത്തോടു താല്‍പ്പര്യമില്ല.

സ്വന്തമായി അഭിപ്രായവും നിലപാടുമുള്ള നേതാവാണ് ശശി തരൂര്‍. സില്‍വര്‍ ലൈന്‍ വേഗ റെയില്‍പാത ഒരു പ്രധാന വികസന വിഷയമാണെന്ന് അദ്ദേഹത്തിനു നന്നായറിയാം. വികസന കാര്യങ്ങളില്‍ മുഖ്യമന്ത്രി പിണറായി വിജയന്‍ കാണിക്കുന്ന ശുഷ്ക്കാന്തിയെ അഭിനന്ദിക്കാന്‍ അദ്ദേഹം മുന്നോട്ടു വന്നതിനു കാരണവും അതുതന്നെ.

വേഗ റെയില്‍പ്പാതയുടെ രാഷ്ട്രീയവും അതിപ്രധാനം തന്നെ. ഇതും ശശി തരൂരിനു നന്നായറിയാം. കേരള എം.പിമാര്‍ ഈ റെയില്‍ പാത കേരളത്തിനു വേണ്ട എന്നു പറഞ്ഞു കേന്ദ്ര റെയില്‍വേ മന്ത്രിക്കു നല്‍കിയ നിവേദനത്തില്‍ ശശി തരൂര്‍ ഒപ്പു വയ്ക്കാഞ്ഞതും അതുകൊണ്ടുതന്നെ. ഒരു സര്‍ക്കാര്‍ കൊണ്ടുവരുന്ന പദ്ധതിയെ കണ്ണുമടച്ച് എതിര്‍ക്കുന്നതു ജനാധിപത്യ വിരുദ്ധമാണെന്നാണ് അദ്ദേഹത്തിന്‍റെ അഭിപ്രായം. നിവേദനത്തിലെ ഉള്ളടക്കം തന്നെ കാണിച്ചില്ലെന്നും തരൂര്‍ പറഞ്ഞിട്ടുണ്ട്.

സില്‍വര്‍ ലൈന്‍ പദ്ധതി മുഖ്യമന്ത്രി പിണറായി വിജയനും ഇടതു മുന്നണിക്കും വലിയ രാഷ്ട്രീയ നേട്ടമുണ്ടാക്കുമെന്നു ശശി തരൂരിനു നന്നായറിയാം. അതിനെ എതിര്‍ക്കുന്നത് പ്രതിപക്ഷത്തിന് ആത്മഹത്യാപരമാണെന്നും അദ്ദേഹത്തിനറിയാം. പദ്ധതിയുടെ വിശദാംശങ്ങള്‍ പഠിക്കാതെ അതിനെതിരായ നിവേദനത്തില്‍ എങ്ങനെ ഒപ്പുവെയ്ക്കുമെന്ന് ശശി തരൂര്‍ ചോദിക്കുമ്പോള്‍ കോണ്‍ഗ്രസ് നേതൃത്വം എന്തു മറുപടി പറയും ? ഇതിനോടകം പദ്ധതിയെപ്പറ്റി പഠനം നടത്തിയിട്ടുണ്ടെന്നു തന്നെയാണ് അദ്ദേഹത്തിന്‍റെ ഉറച്ച നിലപാടു സൂചിപ്പിക്കുന്നത്.

ഉമ്മന്‍ ചാണ്ടിയുടെ കാലത്തു തയ്യാറാക്കിയ അതിവേഗ റെയില്‍ പദ്ധതിയുടെ വിശദമായ റിപ്പോര്‍ട്ടുമായാണ് ചര്‍ച്ച നയിക്കാന്‍ ശരത് എത്തിയത്. അതിവേഗ തീവണ്ടി സ്റ്റാന്‍ഡേര്‍ഡ് റെയിലിലൂടെ മാത്രമേ ഓടുകയുള്ളു എന്നാണ് മെട്രോമാന്‍ ഇ. ശ്രീധരന്‍ ഈ റിപ്പോര്‍ട്ടില്‍ എഴുതിയിരിക്കുന്നതെന്ന് അദ്ദേഹം ചൂണ്ടിക്കാട്ടി. സ്റ്റാന്‍ഡേര്‍ഡ് റെയിലിനെതിരായ നിലപാടുമായി ഇ. ശ്രീധരനും ഇപ്പോള്‍ രംഗത്തു വന്നിരിക്കുന്നു. യു.ഡി.എഫിനൊപ്പം ഇ. ശ്രീധരനും രാഷ്ട്രീയമായി കരണം മറിയുകയാണെന്നാണ് ശരത് പറഞ്ഞുവെച്ചത്.

More News

കൊച്ചി: വാദ്ധ്വാനി ഫൗണ്ടേഷനും ദേശീയ സംരംഭക നെറ്റ്‌വർക്കും (എന്‍ഇഎന്‍) വാദ്ധ്വാനി ടേക്ക്ഓഫ് പരിപാടി പ്രഖ്യാപിച്ചു. തിരഞ്ഞെടുക്കപ്പെടുന്ന സ്റ്റാര്‍ട്ടപ്പുകള്‍ക്കും സംരംഭകര്‍ക്കും ആഗോള സാങ്കേതിക നവീകരണത്തിന്റെയും സംരംഭകത്വത്തിന്റെയും കേന്ദ്രമായ സിലിക്കണ്‍ വാലിയിലേയ്ക്ക് സൗജന്യ യാത്ര ഒരുക്കുന്ന പരിപാടിയാണ് വാദ്ധ്വാനി ടേക്ക്ഓഫ്. ആഗോള സംരംഭകരുമായുള്ള നെറ്റ്വര്‍ക്കിംഗ് എക്സ്പോഷര്‍, ബിസിനസ് ലീഡേഴ്‌സിന്റെയും സംംരംഭകരുടെയും മെന്റര്‍ഷിപ്പ്, നിക്ഷേപകര്‍ക്കുമുമ്പില്‍ ആശയങ്ങള്‍ അവതരിപ്പിക്കുന്നതിനുള്ള സുവര്‍ണ്ണാവസരം എന്നിവയിലൂടെ സിലിക്കണ്‍ വാലിയിലെ പ്രസിദ്ധമായ സംരംഭകത്വ വ്യവസ്ഥയെ അടുത്തറിയാന്‍ തിരഞ്ഞെടുക്കപ്പെട്ടവര്‍ക്ക് വാദ്ധ്വാനി ടേക്ക്ഓഫ് പ്രോഗ്രാം അവസരം നല്‍കുന്നു. ഇന്ത്യന്‍ സ്റ്റാര്‍ട്ടപ്പ് ഇക്കോസിസ്റ്റം […]

കാമറൂണ്‍:  കാമറൂണിൽ ഫുട്ബോൾ മത്സരത്തിനിടെയുണ്ടായ തിക്കിലും തിരക്കിലും പെട്ട് നിരവധി പേർ മരിക്കുകയും പരിക്കേൽക്കുകയും ചെയ്തതായി റിപ്പോർട്ടുണ്ട്. ആഫ്രിക്ക കപ്പ് ഓഫ് നേഷൻസ് ഫുട്ബോൾ ടൂർണമെന്റിനിടെയാണ് സംഭവം. സ്‌റ്റേഡിയത്തിന് പുറത്തുള്ള പ്രവേശന കവാടത്തിൽ പെട്ടെന്ന് തിക്കിലും തിരക്കും ഉണ്ടായതായാണ് ഏറ്റവും പുതിയ വിവരം. ഈ അപകടത്തിൽ ഇതുവരെ 6 പേർ മരിച്ചു. അതേ സമയം അപകടത്തിൽ 40ലധികം പേർക്ക് പരിക്കേറ്റിട്ടുണ്ടെന്നാണ് വിവരം. BREAKING: Number of footballsupporters feared dead afterstampede during AFCON match pic.twitter.com/2VD6n58xJ1 […]

ആലപ്പുഴ: പ്രാതിനിധ്യ വോട്ടവകാശം ഹൈക്കോടതി റദ്ദാക്കിയ സാഹചര്യത്തില്‍ എസ്എന്‍ഡിപി യോഗം തെരഞ്ഞെടുപ്പും പൊതുയോഗവും മാറ്റിവെച്ചു. അടുത്ത മാസം അഞ്ചിന് നടത്താനിരുന്ന തിരഞ്ഞെടുപ്പ് ഇനി ഒരു അറിയിപ്പുണ്ടാകുന്നത് വരെ മാറ്റി വെച്ചതായി ചീഫ് റിട്ടേണിംഗ് ഓഫീസര്‍ ബി.ജി.ഹരീന്ദ്രനാഥ് അറിയിച്ചു. എസ് എന്‍ ഡി പി യോഗം തെരഞ്ഞെടുപ്പില്‍ പ്രാതിനിധ്യ വോട്ടവകാശം ഹൈക്കോടതി റദ്ദാക്കിയതോടെ മുഴുവന്‍ സ്ഥിരാംഗങ്ങള്‍ക്കും പുതിയ ഭരണ സമിതിയെ തെരഞ്ഞെടുക്കാന്‍ ഇനി മുതല്‍ വോട്ടുചെയ്യാം. നിലവില്‍ ഇരുനൂറ് അംഗങ്ങള്‍ക്ക് ഒരാളെന്ന നിലയ്ക്കായിരുന്നു പ്രാതിനിധ്യവോട്ടവകാശമുള്ളത്. ഒരു ശാഖയില്‍ 600 […]

വാരാണസി: നിയമസഭാ തിരഞ്ഞെടുപ്പ്‌ കണക്കിലെടുത്ത് കന്റോൺമെന്റ് ഏരിയയിലെ ഹോട്ടൽ ഡി പാരീസിൽ ബിജെപിയുടെ മീഡിയ സെന്റർ നിർമ്മിക്കുന്നു. മീഡിയ സെന്ററിന്റെ ഒരുക്കങ്ങൾ ഇപ്പോൾ അവസാന ഘട്ടത്തിലാണ്, അത്യാധുനിക സൗകര്യങ്ങളുള്ള ഈ മീഡിയ സെന്ററിൽ ഒരു സ്റ്റുഡിയോയും നിർമ്മിക്കുന്നു. തിങ്കളാഴ്ച ബിജെപി കാശി മേഖലാ പ്രസിഡന്റ് മഹേഷ് ചന്ദ് ശ്രീവാസ്തവ, ദേശീയ വക്താവ് കെകെ ശർമ എന്നിവർ മീഡിയ സെന്റർ പരിശോധിച്ച് പാർട്ടി പ്രവർത്തകരുമായി കൂടിക്കാഴ്ച നടത്തി. കൊറോണ കാരണം എല്ലാ നിയന്ത്രണങ്ങൾക്കും നടുവിലാണ് ഇത്തവണ നിയമസഭാ തിരഞ്ഞെടുപ്പ് […]

കൊച്ചി: നോവോ നോര്‍ഡിസ്‌ക് ഇന്ത്യ ടൈപ്പ് 2 പ്രമേഹ നിയന്ത്രണത്തിനായി ലോകത്തിലെ തന്നെ ആദ്യത്തെ ഓറല്‍ സെമാഗ്ലൂറ്റൈഡ് പുറത്തിറക്കി. ഇതാദ്യമായാണ് ടൈപ്പ് 2 പ്രമേഹത്തിന് കുത്തിവയ്പ്പില്ലാതെ ഗുളികപോലെ കഴിക്കാവുന്ന ഒരു ഫോര്‍മുലേഷന്‍ വികസിപ്പിച്ചെടുത്തത്. ഓറല്‍ സെമാഗ്ലൂറ്റൈഡ് എന്നത് ജിഎല്‍പി-1 ആര്‍എ സെമാഗ്ലൂറ്റൈഡിന്റെ ഒരു കോ-ഫോര്‍മുലേഷനാണ്. നോവോ നോര്‍ഡിസ്‌കിന്റെ 15 വര്‍ഷത്തെ തുടര്‍ച്ചയായ ഗവേഷണത്തിന്റെ ഭാഗമായാണ് സെമാഗ്ലൂറ്റൈഡിന്റെ കഴിക്കാവുന്ന രീതിയിലുള്ള മരുന്നിന്റെ രൂപീകരണം സാധ്യമായത്. ഇതിന് 2020ലെ മികച്ച ബയോടെക് നവീകരണത്തിനുള്ള വ്യവസായത്തിലെ അവാര്‍ഡായ പ്രിക്‌സ് ഗാലിയണ്‍ അവാര്‍ഡ് […]

എനിക്ക് ചുറ്റും നോക്കുമ്പോൾ, ഇന്ന് നമ്മുടെ ലോകത്ത് എത്രമാത്രം പുതുമകൾ നിലനിൽക്കുന്നുവെന്ന കാര്യം എന്നെ അത്ഭുതപ്പെടുത്തുന്നു. എന്നിട്ടും ഞാൻ ഏറ്റവും കൂടുതൽ ആവേശഭരിതനാകുന്നത് സ്മാർട്ട്ഫോണിന്റെ പരിണാമത്തെക്കുറിച്ചാണ്. സ്മാർട്ട്ഫോൺ അനന്തമായ പുരോഗതിയിലേക്കുള്ള ഒരു പോർട്ടലാണ്. സാംസംഗിൽ, ഞങ്ങൾ ഒരിക്കലും അക്കാര്യം നിസാരമായി എടുത്തിട്ടില്ല. അതുകൊണ്ടാണ് ഒരു സ്മാർട്ട്‌ഫോണിന് എന്തുചെയ്യാൻ കഴിയും എന്നതിന്റെ പരിധികൾ ലംഘിക്കാൻ ഞങ്ങൾ നിരന്തരം സ്വയം പ്രേരിപ്പിക്കുന്നത്. സാംസംഗ് ഗാലക്സസി ഉപകരണങ്ങളുടെ ഓരോ പുതിയ പരിണാമത്തിലും, മുഴുവൻ മൊബൈൽ വിഭാഗത്തെയും പുനർ നിർവചിക്കുന്ന ഫീച്ചറുകൾ ഞങ്ങൾ […]

ലോകായുക്തയില്‍ നിന്നു കനത്ത തിരിച്ചടി ഉണ്ടാകുമെന്നു ഭയന്നാണ് സര്‍ക്കാര്‍ ലോകായുക്തയുടെ ചിറകരിയുന്നതെന്നു മുന്‍ മുഖ്യമന്ത്രി ഉമ്മന്‍ ചാണ്ടി. ലോകായുക്തയുടെ ആവശ്യകതപോലും ഇല്ലാതാക്കുന്ന നടപടിയില്‍ നിന്ന് സര്‍ക്കാര്‍ അടിയന്തരമായി പിന്മാറണം. സര്‍ക്കാരിന്റെ പല വഴിവിട്ട ഇടപാടുകളും ലോകായുക്തയുടെ പരിഗണനയിലാണ്. കെ റെയില്‍ പോലുള്ള ജനവിരുദ്ധ പദ്ധതികളെക്കുറിച്ചും ലോകായുക്തയ്ക്ക് പരാതി കിട്ടിയിട്ടുണ്ട്. ഇതില്‍ തിരിച്ചടി ഉണ്ടാകുമോയെന്ന ഭയമാണ് സര്‍ക്കാരിനെ അടിയന്തര ഭേദഗതിക്ക് പ്രേരിപ്പിച്ചത്. മുഖ്യമന്ത്രിയായിരുന്നപ്പോള്‍ തനിക്കെതിരേ നിരവധി പരാതികള്‍ ലോകായുക്തയുടെ മുന്നില്‍ വന്നിരുന്നു. മടയില്‍ കനമില്ലാത്തതിനാല്‍ ആ പരാതികളെ നിയമനടപടികളിലൂടെയാണു […]

ലഖ്‌നൗ: ബി.ജെ.പി എം.പി വരുൺ ഗാന്ധി പലപ്പോഴും ചർച്ചകളുടെ ഭാഗമാകുന്നത് അദ്ദേഹത്തിന്റെ നിലപാടുകളുടെ പേരിലാണ്‌. അദ്ദേഹം വീണ്ടും ബിജെപി സർക്കാരിനെതിരെ ആക്രമണോത്സുകത കാണിക്കുകയാണ്.  പൊതുജനങ്ങളുടെ ചോദ്യങ്ങൾ എന്തുതന്നെയായാലും ഞാൻ അത് തീർച്ചയായും ഉന്നയിക്കും. എന്റെ സ്വാർത്ഥതയ്ക്കുവേണ്ടി മുട്ടുമടക്കാനാവില്ല. വരുണ്‍ ഗാന്ധി പറഞ്ഞു. തെരഞ്ഞെടുപ്പിന് മുമ്പ് പല വലിയ നേതാക്കളും കൂറുമാറ്റം മാറ്റിയെന്നത് ശ്രദ്ധേയമാണ്.  ഭരണ കക്ഷിയായ ഭാരതീയ ജനതാ പാർട്ടിയുടെ പല മുതിർന്ന നേതാക്കളും മറ്റ് പാർട്ടികളിലേക്ക് പോയി. ഇതിന് പിന്നാലെ വരുണും ഉടൻ മറ്റൊരു രാഷ്ട്രീയ […]

തിരുവനന്തപുരം: ലോകായുക്ത ഓര്‍ഡിനന്‍സ് ഗവര്‍ണര്‍ ഒപ്പിടരുതെന്ന് പ്രതിപക്ഷ നേതാവ് വി ഡി സതീശൻ. ഗവര്‍ണര്‍ക്ക് കത്തയച്ചുവെന്ന് പ്രതിപക്ഷ നേതാവ് പറഞ്ഞു. സില്‍വര്‍ ലൈനിനെതിരായ പരാതികള്‍ തടയുക എന്ന ലക്ഷ്യവും ഇതിനുപിന്നിലുണ്ട്. സിപിഎം കേന്ദ്ര കമ്മിറ്റിയുടെ നയത്തിന് എതിരാണ് നീക്കം. കേരളത്തിലെ സിപിഎം പ്രാദേശിക സ്വഭാവമുള്ള പാര്‍ട്ടിയായി മാറിയെന്നും സതീശൻ കുറ്റപ്പെടുത്തി.

error: Content is protected !!