08
Thursday December 2022
അള്ളും മുള്ളും

“ഈ മനോഹര തീരത്തു തരുമോ, ഇനിയൊരു ജന്മം കൂടി… ?” വയലാറിന്‍റെ സുപ്രസിദ്ധമായ വരികള്‍ യേശുദാസിന്‍റെ ഇമ്പമേറിയ ശബ്ദത്തില്‍ ഒഴുകിയെത്തവെ, പി.ടി. തോമസിന്‍റെ ചേതനയറ്റ ശരീരം രവിപുരം ശ്മശാനത്തിലെ തീനാളങ്ങള്‍ ഏറ്റുവാങ്ങി. അതൊരു പക വീട്ടലായിരുന്നു. രാജ്യവും ശക്തിയും മഹത്വവും കൈപ്പിടിയിലാണെന്നഹങ്കരിച്ചു നിന്ന കത്തോലിക്കാ സഭാ നേതൃത്വത്തിന് കരുത്തനായ ഒരു രാഷ്ട്രീയക്കാരന്‍ നല്‍കിയ കനത്ത മറുപടി ! ഇനിയൊരു ജന്മം കൂടി കൊതിച്ച്… പിടി ഓർമ്മയാകുമ്പോൾ – അള്ളും മുള്ളും പങ്തിയില്‍ ജേക്കബ് ജോര്‍ജ്

ജേക്കബ് ജോര്‍ജ്
Friday, December 24, 2021

“ഈ മനോഹര തീരത്തു തരുമോ, ഇനിയൊരു ജന്മം കൂടി… ?” വയലാറിന്‍റെ സുപ്രസിദ്ധമായ വരികള്‍ യേശുദാസിന്‍റെ ഇമ്പമേറിയ ശബ്ദത്തില്‍ ഒഴുകിയെത്തവെ, പി.ടി. തോമസിന്‍റെ ചേതനയറ്റ ശരീരം രവിപുരം ശ്മശാനത്തിലെ തീനാളങ്ങള്‍ ഏറ്റുവാങ്ങി. ആര്‍ക്കു മുന്നിലും തലകുനിക്കാന്‍ തയ്യാറായിട്ടില്ലാത്ത ആ നേതാവ് അഗ്നിക്കു മുന്നില്‍ നിരുപാധികം കീഴടങ്ങുകയായിരുന്നു. എന്നന്നേക്കുമായി.

അതെ. പി.ടി. തോമസ് എന്ന കോണ്‍ഗ്രസ് നേതാവ് മരണത്തിലും നേതൃസ്ഥാനത്തു തന്നെ നിന്നു. നാടിന്‍റെ നാനാഭാഗത്തു നിന്നും പി.ടിയെ കാണാന്‍ ജനലക്ഷങ്ങള്‍ ഒഴുകിയെത്തി. വികാരവായ്പോടെ അവര്‍ തങ്ങളുടെ നേതാവിനു കണ്ണുനീരില്‍ കുതിര്‍ന്ന യാത്രാമൊഴി നല്‍കി.

സ്വന്തം ആവശ്യമായിരുന്നു മരിച്ചാല്‍ മൃതദേഹത്തിനടുത്ത് വയലാറിന്‍റെ ‘ചന്ദ്രകളഭം’ എന്നു തുടങ്ങുന്ന പാട്ടു ചെറിയ ശബ്ദത്തില്‍ വയ്ക്കണമെന്നത്. ആവശ്യങ്ങള്‍ അറിയിച്ചത് മുമ്പു കേരളാ കോണ്‍ഗ്രസ് നേതാവായിരുന്ന ഡിജോ കാപ്പനും.

കഴിഞ്ഞ നവംബര്‍ 22 -ാം തീയതി വൈകുന്നേരമാണ് കാപ്പന് വെല്ലൂരിലെ മെഡിക്കല്‍ കോളേജാശുപത്രി വാര്‍ഡില്‍ നിന്ന് പി.ടി. തോമസിന്‍റെ ഫോണ്‍ വന്നത്. ആരെങ്കിലും അടുത്തുണ്ടോ എന്നായിരുന്നു ആദ്യത്തെ ചോദ്യം. ഇല്ലെന്നു കാപ്പന്‍റെ മറുപടി. എന്നാല്‍ ഒരു പേപ്പറെടുത്ത് താന്‍ പറയുന്നത് എഴുതിയെടുക്കാന്‍ പി.ടിയുടെ നിര്‍ദേശം.

താന്‍ മരിച്ചാല്‍ മൃതദേഹം രവിപുരം ശ്മശാനത്തില്‍ ദഹിപ്പിക്കണമെന്നതായിരുന്നു ആദ്യ വാചകം. കാപ്പന്‍ ഞെട്ടിപ്പോയി. ഇതിനകം പലതവണ വെല്ലൂരിലെത്തി പി.ടിയെ കണ്ടതാണു കാപ്പന്‍. മരണമടുത്തുവെന്ന ഒരു സൂചനയും കാപ്പന്‍ ഒരു സമയത്തും കണ്ടിരുന്നില്ല. ഇതെന്താ ഇപ്പോഴിങ്ങനെ പറയാന്‍ എന്നു കാപ്പന്‍റെ ചോദ്യം. അല്ല. ഏതെങ്കിലും കാരണവശാല്‍ മരണം വന്നാലോ എന്നു കരുതിയെന്നേയുള്ളുവെന്ന് പി.ടിയുടെ ശാന്തമായ മറുപടി.

കുടുംബം ആവശ്യപ്പെട്ടാല്‍ ചിതാഭസ്മത്തില്‍ ഒരു ഭാഗം ഉപ്പുതോട് കത്തോലിക്കാ പള്ളി സെമിത്തേരിയില്‍ അമ്മയുടെ കല്ലറയ്ക്കുള്ളില്‍ വയ്ക്കണമെന്നതായിരുന്നു രണ്ടാമത്തെ നിര്‍ദേശം. ചന്ദ്രകളഭം പാട്ടിന്‍റെ കാര്യം പിന്നെ. മൃതദേഹത്തിന്മേല്‍ റീത്തോ പൂച്ചെണ്ടോ വയ്ക്കരുതെന്ന് അടുത്തത്. തന്‍റെ പേരിലുള്ള സ്വത്തുക്കള്‍ മക്കള്‍ക്ക് ഭാര്യ ഉമയുടെ ഇഷ്ടപ്രകാരം വീതം വച്ചതു നല്‍കാമെന്നതുകൂടി കൂട്ടിയാല്‍ അഞ്ചു നിര്‍ദേശങ്ങള്‍.

പെട്ടെന്നായിരുന്നു പി.ടി. തോമസിന്‍റെ ആഗ്രഹങ്ങള്‍ കാപ്പനെ അറിയിച്ചത്. ദിവസങ്ങള്‍ക്കു മുമ്പെഴുതിയ കടലാസെടുത്ത് മുമ്പില്‍ വെച്ച് ഡിജോ കാപ്പന്‍ തരിച്ചിരുന്നു.

മരണത്തെ തുടര്‍ന്ന് കാപ്പന്‍ പി.ടിയുടെ മകന്‍ വിവേകിനെ വിളിച്ചു. അമ്മയോടൊരു കാര്യം പറയാനാണ്, ഫോണ്‍ കൊടുക്കാനാകുമോ എന്നന്വേഷിച്ചു. ഉമ ഫോണെടുത്തു. തൃക്കാക്കര പള്ളിയില്‍ സംസ്കരിക്കാന്‍ അധികൃതര്‍ സമ്മതിച്ചിട്ടുണ്ടെന്നു ഉമ അറിയിച്ചു.

പി.ടിയുടെ ഇഷ്ടപ്രകാരമല്ലേ കാര്യങ്ങള്‍ നടത്തേണ്ടതെന്ന് തികഞ്ഞ കത്തോലിക്കാ വിശ്വാസിയായ കാപ്പന്‍റെ മറുചോദ്യം. ഉമ ഒന്നും പറഞ്ഞില്ല.

കാപ്പന്‍ പ്രതിപക്ഷ നേതാവ് വി.ഡി. സതീശനെ വിളിച്ചു കാര്യങ്ങള്‍ വിശദീകരിച്ചു. ഉടന്‍ പത്രസമ്മേളനം നടത്തുകയാണ് ഉചിതമെന്നു അഭിപ്രായപ്പെട്ടു. സതീശന്‍ മാധ്യമ പ്രവര്‍ത്തകരെ വിളിക്കാനൊരുങ്ങി. പി.ടിയുടെ അന്ത്യാഭിലാഷങ്ങള്‍ ഒന്നൊന്നായി ടെലിവിഷന്‍ സ്ക്രീനുകളിലൂടെ മാലോകരറിഞ്ഞു.

അതൊരു പക വീട്ടലായിരുന്നു. രാജ്യവും ശക്തിയും മഹത്വവും കൈപ്പിടിയിലാണെന്നഹങ്കരിച്ചു നിന്ന കത്തോലിക്കാ സഭാ നേതൃത്വത്തിന് കരുത്തനായ ഒരു രാഷ്ട്രീയക്കാരന്‍ നല്‍കിയ കനത്ത മറുപടി.

ഗാഡ്‌ഗിൽ സമരകാലത്ത് പരിസ്ഥിതിക്കു വേണ്ടി നിലകൊണ്ട പി.ടി. തോമസിനെതിരെ ഹൈറേഞ്ച് സംരക്ഷണ സമിതി വന്‍ പ്രതിഷേധവുമായി രംഗത്തിറങ്ങിയിരുന്നു. പി.ടിക്കെതിരെ പ്രതിഷേധമിരമ്പി. ജനക്കൂട്ടം പി.ടി. തോമസിന്‍റെ പ്രതീകാത്മക ശവഘോഷയാത്രയും നടത്തി. അതും കത്തോലിക്കാ പുരോഹിതന്മാരുടെ നേതൃത്വത്തില്‍. ശവസംസ്കാരത്തിനു പാടുന്ന പാട്ടുകളുടെ അകമ്പടിയോടെ.

ജീവിച്ചിരിക്കുന്ന ഒരാളുടേതെന്നു പറഞ്ഞ് മൃതദേഹമടങ്ങിയ പെട്ടിയും വഹിച്ചു വിലാപയാത്ര നടത്തുക, അതിനു ഒരു സംഘം പുരോഹിതര്‍ തന്നെ നേതൃത്വം നല്‍കുക, പി.ടി. തോമസ് ടെലിവിഷനു മുമ്പിലിരുന്ന് ഇതെല്ലാം കണ്ടു.

ഒരിക്കല്‍ തന്‍റെ ശവസംസ്കാരം നടത്തിയ പള്ളിക്ക് ഇനി ഒരു തവണ കൂടി സംസ്കാരം നടത്താന്‍ തന്‍റെ ശരീരം വിട്ടുകൊടുക്കേണ്ടെന്ന് പി.ടി. തോമസും തീരുമാനിച്ചു. അങ്ങനെ മൃതദേഹം രവിപുരത്തെ പൊതു സ്മശാനത്തില്‍ അഗ്നിയില്‍ വിലയം പ്രാപിച്ചു.

മരണം തൊട്ടുമുമ്പില്‍ വന്നു നിന്നിട്ടും ആ രാഷ്ട്രീയ നേതാവ് നിലപാടില്‍ അയവു വരുത്തിയില്ല. അതെ. അതാണു നിലപാടിന്‍റെയും കാഴ്ചപ്പാടിന്‍റെയും ബലം. ആ ബലം തിരിച്ചറിഞ്ഞ ജനതയാണ് പി.ടിയെ അവസാനമായി ഒരു നോക്കു കാണാന്‍ തിങ്ങിക്കൂടിയത്.

രാഷ്ട്രീയക്കാരന് എപ്പോഴും സ്വന്തം നിലപാടുണ്ടായിരിക്കണം. സ്വന്തം കാഴ്ചപ്പാടുണ്ടാവണം. അതു തുറന്നു പറയാന്‍ കഴിയണം. പറയുന്ന കാര്യത്തില്‍ ഉറച്ചു നില്‍ക്കാനുള്ള ശേഷിയുണ്ടാവുകയും വേണം. അങ്ങനെയുള്ളവരെ ജനം തിരിച്ചറിയും. അവരെ മാത്രമേ ജനം തിരിച്ചറിയൂ.

കേരളം കണ്ട ഏറ്റവും വലിയ ജനപ്രിയ നേതാക്കളിലൊരാളായി ഉയരുകയായിരുന്നു പി.ടി. തോമസ്. ആ ഉയര്‍ച്ച അദ്ദേഹം പ്രാപിച്ചത് സ്വന്തം മരണത്തിലൂടെ മാത്രമെന്നത് മറ്റൊരു കാര്യം.

എം.എല്‍.എയും എം.പിയുമായിട്ടുണ്ട് പി.ടി. തോമസ്. 71 വയസായിട്ടും ഒരിക്കല്‍ പോലും ഒരു മന്ത്രിപദം അദ്ദേഹത്തിനു കിട്ടിയില്ല. പി.ടി. തോമസിനെ നേതൃത്വം മന്ത്രിയാക്കിയില്ലെന്നു പറയുന്നതാവും എളുപ്പം.

പക്ഷെ പി.ടി. തോമസിന് ജനങ്ങളുടെ പിന്തുണയുണ്ടായിരുന്നു. ജനങ്ങള്‍ അദ്ദേഹത്തോടൊപ്പമുണ്ടായിരുന്നു. മരണം അതു തെളിയിച്ചുകൊടുക്കുകയും ചെയ്തു.

കരുത്തരായ നേതാക്കളോടൊപ്പമാണു ജനക്കൂട്ടമെന്ന് പി.ടിയുടെ ശവസംസ്കാരം ഒരിക്കല്‍കൂടി തെളിയിച്ചു. സമുദായ നേതാക്കളുടെയും മത നേതാക്കളുടെയും തിണ്ണ നിരങ്ങി നടക്കുന്നവരുടെ കൂടെയല്ല, നട്ടെല്ലു നിവര്‍ത്തി ജാതി, മത നേതാക്കളെ വെല്ലുവിളിക്കുന്നവരുടെ കൂടെയാണു ജനം നില്‍ക്കുക എന്ന പാഠമാണ് പി.ടി. തോമസ് കേരള രാഷ്ട്രീയത്തെ പഠിപ്പിക്കുന്നത്. ഇതാണു കേരള ജനതയുടെ യഥാര്‍ത്ഥ മനസ്.

More News

തിരുവനന്തപുരം: സംസ്ഥാനത്തെ സൂക്ഷമ, ചെറുകിട, ഇടത്തരം സംരംഭങ്ങളുടെ മേഖലയിൽ വലിയ കുതിച്ചു ചാട്ടം. കഴിഞ്ഞ 8 മാസത്തിനിടെ 1,01,353 എംഎസ്എംഇ സംരംഭങ്ങൾ ആരംഭിച്ചതായി വ്യവസായ മന്ത്രി പി രാജീവ് നിയമസഭയിൽ പറഞ്ഞു. എംഎസ്എംഇ ലൂടെ 6282 രൂപയുടെ ആഭ്യന്തര നിക്ഷേപമാണ് കേരളത്തിൽ നടന്നത്. 2,20,500 പേർക്ക് തൊഴിൽ ലഭിച്ചു. മലപ്പുറം, എറണാകുളം ജില്ലകളിൽ മാത്രം 10,000 ത്തിലധികം പുതിയ സംരംഭങ്ങൾ ആരംഭിച്ചിട്ടുണ്ട്. എട്ട് മാസം കൊണ്ട് ഒരു വർഷം കൊണ്ട് കൈവരിക്കാൻ ലക്ഷ്യമിട്ടത് യാഥാർത്ഥ്യമാക്കിയെന്നും മന്ത്രി പി […]

ഡബ്ലിന്‍ : രാത്രി താപനില രാജ്യത്തിന്റെ വിവിധ ഭാഗങ്ങളിൽ മൈനസ് നാലിലെത്തിയതോടെ കൊടുംതണുപ്പില്‍ പുതയുകയാണ് അയര്‍ലണ്ട്. കനത്ത തണുപ്പ്‌ പരിഗണിച്ച് ഇന്നു രാത്രിയും യെല്ലോ അലേര്‍ട്ട് നല്‍കിയിരിക്കുകയാണ് മെറ്റ് ഏറാന്‍.താപനില മൈനസ് 4 ഡിഗ്രിയിലേക്ക് താഴുന്നത് മുന്‍നിര്‍ത്തിയാണ് ഇന്നു രാത്രി 10 മണി മുതല്‍ വെള്ളിയാഴ്ച രാവിലെ 10 മണി വരെ യെല്ലോ മുന്നറിയിപ്പ് നല്‍കിയത്. ഇന്ന് സ്നോ ഫാളും ഉണ്ടായേക്കാം പൂജ്യം മുതല്‍ +3 ഡിഗ്രി വരെ ആയിരിക്കും ഇന്നത്തെ ഏറ്റവും ഉയര്‍ന്ന താപനില. ഇടയ്ക്ക് […]

രാജ്യത്ത് കാറുകളുടെ വില വർദ്ധിപ്പിക്കാൻ ഒരുങ്ങി നിർമ്മാണ കമ്പനികൾ. നിലവിൽ, കാറുകളുടെ നിർമ്മാണ ചിലവ് വർദ്ധിച്ചിട്ടുണ്ട്. ഈ സാഹചര്യത്തിലാണ് വില വർദ്ധനവ് നടപ്പാക്കാൻ പദ്ധതിയിടുന്നത്. റിപ്പോർട്ടുകൾ പ്രകാരം, മെഴ്സിഡീസ് ബെൻസ്, കിയ ഇന്ത്യ, എംജി മോട്ടോർ എന്നീ കമ്പനികളാണ് വില വർദ്ധനവ് പ്രഖ്യാപിച്ചിരിക്കുന്നത്. നിലവിൽ, ടാറ്റാ മോട്ടേഴ്സ്, മാരുതി സുസുക്കി തുടങ്ങിയ നിർമ്മാണ കമ്പനികൾ ഇതിനോടകം തന്നെ വില വർദ്ധനവ് പ്രഖ്യാപിച്ചിരുന്നു. 2023 ജനുവരി മുതലാണ് വാഹനങ്ങളുടെ വില വർദ്ധിക്കാൻ സാധ്യത. ഔഡി വാഹനങ്ങളുടെ വിലയിൽ 1.7 […]

ഡബ്ലിന്‍ : വിന്റര്‍ പ്രതിസന്ധികളില്‍ ആശുപത്രികളാകെ സമ്മര്‍ദ്ദത്തിലാകുന്ന സാഹചര്യത്തിലും നികത്താനുള്ളത് നൂറുകണക്കിന് ഡോക്ടര്‍മാരുടെ ഒഴിവുകള്‍.9 ലക്ഷം പേരാണ് രാജ്യത്താകെ ജിപിമാരെ കാത്ത് വെയ്റ്റിംഗ് ലിസ്റ്റില്‍ കഴിയുന്നത്. ഈ ഘട്ടത്തിലാണ് 900 സ്ഥിരം തസ്തികകള്‍ നികത്താനുള്ളത്. ഐറിഷ് ഹോസ്പിറ്റല്‍ കണ്‍സള്‍ട്ടന്റ്സ് അസോസിയേഷന്‍(ഐ സി എച്ച് എ) ഉള്‍പ്പടെയുള്ള സംഘടനകള്‍ കഴിഞ്ഞ ഒരു ദശകമായി ഈ പ്രശ്നം പരിഹരിക്കണമെന്ന് ആവശ്യപ്പെടുന്നതാണ്.എന്നിട്ടും ഈ വിഷയത്തെ അഭിസംബോധന ചെയ്യാന്‍ സര്‍ക്കാര്‍ തയ്യാറായിട്ടില്ലെന്ന ആക്ഷേപം ശക്തമാണ്. കരാര്‍ അന്തിമഘട്ടത്തില്‍… നിര്‍ദ്ദേശങ്ങളായി അതിനിടെ, പുതിയ പബ്ലിക്-ഓണ്‍ലി […]

രോ​ഗപ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്ന ഒരു ജ്യൂസാണ് സെലറി ജ്യൂസ്. ഇതിന് ധാരാളം ആരോ​ഗ്യ​ഗുണങ്ങള്‍ ഉണ്ട്. അമിതവണ്ണവും ചാടിയ വയറും പലപ്പോഴും പലരേയും അസ്വസ്ഥരാക്കുന്നുണ്ട്. എന്നാല്‍ ഇത്തരത്തിലുള്ള അവസ്ഥയെ ഇല്ലാതാക്കുന്നതിന് വേണ്ടി നമുക്ക് ഫൈബര്‍ അടങ്ങിയിട്ടുള്ള സെലറി ജ്യൂസ് കഴിക്കാവുന്നതാണ്. ദിവസവും വെറും വയറ്റില്‍ സെലറി ജ്യൂസ് കുടിക്കുന്നത് അമിത വണ്ണം കുറയ്ക്കാൻ സഹായിക്കും. ആന്റി ഇന്‍ഫ്ലമേറ്ററി, ആന്റി ബാക്ടീരിയല്‍, ആന്റി വൈറല്‍, ആന്റിഓക്‌സിഡന്റ് ഏജന്റായി പ്രവര്‍ത്തിക്കുന്ന എപിജെനിന്‍ എന്ന സസ്യ സംയുക്തം സെലറിയില്‍ അടങ്ങിയിരിക്കുന്നു. ഇത് പ്രതിരോധശേഷി […]

കൊച്ചി: നെടുമ്പാശേരി അന്താരാഷ്ട്ര വിമാനത്താവളത്തിൽ വീണ്ടും സ്വർണ്ണക്കടത്ത്. ട്രോളി ബാഗിന്റെ പിടിയിൽ ബട്ടൺ രൂപത്തിലാക്കി ഒട്ടിച്ച് കടത്താൻ ശ്രമിച്ച സ്വർണ്ണമാണ് പിടികൂടിയത്. കാസർകോട് സ്വദേശി മുഹമ്മദിനെ ആണ് കസ്റ്റംസ് പിടികൂടിയത്. ദുബൈയിൽ നിന്നാണ് മുഹമ്മദ് കൊച്ചി നെടുമ്പാശേരി അന്താരാഷ്ട്ര വിമാനത്താവളത്തിൽ വന്നിറങ്ങിയത്. വിമാനത്തിൽ നിന്ന് ഇറങ്ങിയ ശേഷം ഇയാൾ കൈവശമുണ്ടായിരുന്ന സ്വർണ്ണം ട്രോളി ബാഗിന്റെ കൈപ്പിടിയിൽ വെച്ച് അതിന് മുകളിൽ ബാന്റേജ് വെച്ച് ഒട്ടിച്ചു. പിന്നീട് ടിഷ്യൂ പേപ്പർ കൊണ്ട് പൊതിഞ്ഞ ശേഷമാണ് വിമാനത്താവളത്തിന് പുറത്തേക്ക് കടക്കാൻ […]

ഡബ്ലിന്‍ : രോഗികള്‍ പെരുകിയതോടെ ഡബ്ലിനിലെ കുട്ടികളുടെ ആശുപത്രികള്‍ ചരിത്രത്തിലെ ഏറ്റവും വലിയ സമ്മര്‍ദ്ദത്തില്‍. അത്യാഹിത വിഭാഗങ്ങളില്‍ കുട്ടികളുടെ എണ്ണം വളരെ കൂടുകയാണ്. മറ്റ് രോഗങ്ങള്‍ക്ക് ചികില്‍സ തേടുന്ന കുട്ടികളുടെ എണ്ണവും കൂടി.ടെംപിള്‍ സ്ട്രീറ്റ്, ക്രംലിന്‍, താല, കോണോ ലി ആശുപത്രികളില്‍ ജീവനക്കാര്‍ കടുത്ത സമ്മര്‍ദ്ദത്തിലാണ്. ഇന്‍ഫ്ളുവന്‍സ, ഗ്രൂപ്പ് സ്ട്രെപ്പ് എ, റെസ്പിറേറ്ററി സിന്‍സിറ്റിയല്‍ വൈറസ് കേസുകള്‍ എന്നിവയുടെ ആധിക്യമാണ് വിന്ററില്‍ ആരോഗ്യ മേഖയെ പ്രശ്നത്തിലാക്കുന്നത്. എമര്‍ജന്‍സി ഡിപ്പാര്‍ട്ട്‌മെന്റുകളിലും ക്രിട്ടിക്കല്‍ കെയറുകളിലും വാര്‍ഡുകളിലും ആവശ്യത്തിന് ജീവനക്കാരെ ലഭ്യമാക്കുന്നതിന് […]

പത്തനംതിട്ട: മണ്ഡല പൂജയ്ക്ക് ശബരിമല അയ്യപ്പസ്വാമിക്ക് ചാര്‍ത്തുവാനുള്ള തങ്കഅങ്കിയും വഹിച്ചു കൊണ്ടുള്ള രഥ ഘോഷയാത്ര ‍ 23ന് രാവിലെ ഏഴിന് ആറന്മുള പാര്‍ഥസാരഥി ക്ഷേത്രത്തില്‍ നിന്നും പുറപ്പെടും. തിരുവിതാംകൂര്‍ മഹാരാജാവ് അയ്യപ്പസ്വാമിക്ക് മണ്ഡല പൂജയ്ക്ക് ചാര്‍ത്താനായി സമര്‍പ്പിച്ചിട്ടുള്ളതാണ് തങ്ക അങ്കി. ഘോഷയാത്ര ഡിസംബര്‍ 26ന് വൈകുന്നേരം ദീപാരാധനയ്ക്കു മുന്‍പ് ശബരിമലസന്നിധാനത്ത് എത്തിച്ചേരും. ഡിസംബര്‍ 23ന് രാവിലെ അഞ്ചു മുതല്‍ ഏഴുവരെ ആറന്മുളക്ഷേത്ര അങ്കണത്തില്‍ തങ്ക അങ്കി പൊതുജനങ്ങള്‍ക്ക് ദര്‍ശിക്കാന്‍ അവസരമുണ്ട്. തങ്ക അങ്കി ഘോഷയാത്ര എത്തുന്ന സ്ഥലങ്ങളും […]

പല്ലിൽ പുളിപ്പു പോലെ അനുഭവപ്പെടുന്നത് പലർക്കും സാധാരണ കണ്ടുവരാറുള്ള ഒരു പ്രശ്നമാണ്. ചിലപ്പോൾ ഇഷ്ടഭക്ഷണം കഴിക്കാനെടുത്ത് ഒന്നു വായിലേക്കു വയ്ക്കുമ്പോഴേക്കും പുളിപ്പു കാരണം കഴിക്കാനാവാത്ത അവസ്ഥയുമുണ്ടാകുന്നുണ്ട്. വാതം കോപിച്ച്, പല്ലുകൾക്കു ചൂട് തട്ടിയാല്‍ സുഖവും തണുപ്പടിച്ചാൽ അസഹ്യതയും ഉണ്ടാകുന്ന അവസ്ഥയാണിത്. സൂചി കുത്തുന്നതു പോലുളള വേദനയും ഒപ്പം വരാം. പല്ലുകൾക്ക് പുളി, തണുപ്പ് എന്നിവ സഹിക്കാനാകാതെ വരുന്നു. പല്ലു പുളിപ്പിന് ആയുർവേദം നിരവധി ചികിത്സകൾ നിർദേശിക്കുന്നുണ്ട്. ചൂടുവെളളം കൊണ്ട് പല്ല് വിയർപ്പിക്കുക. പല്ലിന്റെ ചുവടുഭാഗം കൈകൊണ്ടു നന്നായി […]

error: Content is protected !!