08
Thursday December 2022
ലേഖനങ്ങൾ

അട്ടിമറിക്കപ്പെടുന്ന മദ്യനയം… (ലേഖനം)

അഡ്വ. ചാര്‍ളി പോള്‍ MA.LL.B.,DSS
Saturday, November 13, 2021

ലോകത്തെ ഏതൊരു ഭരണകൂടവും പാലിക്കേണ്ട മൗലികതത്വം ജനങ്ങളുടെ ജീവിതനിലവാരം ഉയർത്തുകയും വളർത്തുകയും പരിപോഷിപ്പിക്കുകയും നന്നാക്കുകയും ചെയ്യുക എന്നതാണ്. അതിന് തക്കതായ നയങ്ങളാണ് സർക്കാർ ആവിഷ്കരിക്കേണ്ടതും നടപ്പിലാക്കേണ്ടതും. എന്നാൽ “നാളത്തെ കേരളം, ലഹരിമുക്ത നവകേരളം” എന്ന പ്രതീക്ഷാനിർഭരമായ സ്വപ്ന മുദ്രാവാക്യം പരസ്യം നൽകി സർക്കാർ ജനങ്ങളെ പറ്റിക്കുകയായിരുന്നു.

മദ്യത്തിന്റെ ലഭ്യത കുറയ്ക്കുകയും മദ്യപരുടെ എണ്ണം കുറച്ചുകൊണ്ടുവരികയും ചെയ്യേണ്ട സർക്കാർ ജനത്തെ നിരന്തരം മദ്യവത്കരിച്ച് മദ്യാസക്തരാക്കുന്നു. ജനത്തെ ഏത് വിധേനയും കുടിപ്പിച്ച് കിടത്തി, അവന്റെ ബലഹീനതയെ ചൂഷണം ചെയ്ത് ഖജനാവ് നിറക്കാനുള്ള മാർഗങ്ങളെക്കുറിച്ചാണ് സർക്കാറിന്റെ ചിന്ത. കുടുംബങ്ങൾ തകർന്നാലും സമൂഹം നശിച്ചാലും നാടു മുടിഞ്ഞാലും വേണ്ടില്ല, പണം മാത്രം മതി എന്ന ചിന്ത ഒരു ജനാധിപത്യ സർക്കാരിന് ഭൂഷണമല്ല.

ഇടത് സർക്കാറിന്റെ മദ്യവർജന നയം ശുദ്ധ തട്ടിപ്പായിരുന്നു. മദ്യവർജനത്തിലൂടെ മദ്യലഭ്യത കുറച്ചുകൊണ്ടു വരുമെന്ന അഴകൊഴമ്പൻ മദ്യനയം ജനങ്ങളെ വിഡ്ഢികളാക്കാനും അവരുടെ കണ്ണിൽ പൊടിയിടാനും വേണ്ടി മാത്രമായിരുന്നു. ജനമന:സാക്ഷി മദ്യത്തിനെതിരാണെന്ന് കണ്ടത് കൊണ്ട് അപ്രകാരം പരസ്യവും നയവും പ്രഖ്യാപിച്ചു.

“കേരളത്തെ മദ്യവിമുക്തരാക്കാൻ പ്രതിജ്ഞാബദ്ധരാണ് എൽ.ഡി.എഫ്. മുന്നണി. മദ്യപരെ ബോധവത്കരിക്കാൻ സമഗ്രപദ്ധതികളുണ്ട്. അതുകൊണ്ട് നുണപറയുന്നവരെ തിരിച്ചറിയുക” കെ.പി.എ.സി.ലളിത പരസ്യത്തിലൂടെ പറഞ്ഞ നുണയാണിത്. “എൽ.ഡി.എഫ് വന്നാൽ മദ്യവർജനത്തിന് ജനകീയ പ്രസ്ഥാനം ആരംഭിക്കും. മദ്യത്തിന്റെ ഉപയോഗവും ലഭ്യതയും കുറയ്ക്കാൻ കർശനമായ നടപടികളെടുക്കും. മദ്യനയം സുതാര്യമായിരിക്കും. അഴിമതിയില്ലാത്തതായിരിക്കും”. ഇന്നസെന്റിനെക്കൊണ്ട് പറയിച്ച നുണയാണിത്.

ഇടതുമുന്ന ണിയുടെ പത്രികയിൽ മദ്യനയം വ്യക്തമാക്കി. “മദ്യം കേരളത്തിൽ ഗുരുതരമായ സാമൂഹ്യവിപത്തായി മാറിയിട്ടുണ്ട്. മദ്യത്തിന്റെ ലഭ്യതയും ഉപഭോഗവും പടിപടിയായി കുറയ്ക്കാൻ സഹായകമായ നയമായിരിക്കും ഇടതുപക്ഷ ജനാധിപത്യമുന്നണി സ്വീകരിക്കുക.” കൊടിയ ജനവഞ്ചനയായിരുന്നു ഈ പ്രഖ്യാപിത നയം.

തെരഞ്ഞെടുപ്പുകാലത്ത് ഇടതുനേതാക്കളും നുണകൾ ആവർത്തിച്ചു. യു.ഡി.എഫിന്റെ കാലത്ത് അടച്ചുപൂട്ടിയ മദ്യശാലകൾ തുറക്കുമോ എന്ന ചോദ്യത്തിന് സി.പി.എം.ദേശീയ സെക്രട്ടറി സീതാറാം യെച്ചൂരി പറഞ്ഞു “ഒരിക്കലും തുറക്കില്ല”. സി.പി.എം. സംസ്ഥാന സെക്രട്ടറി കൊടിയേരി ബാലകൃഷ്ണൻ പറഞ്ഞു;

“മദ്യത്തിന്റെ ലഭ്യത ഇന്നുള്ളതിനേക്കാൾ കുറച്ചുകൊണ്ടുവരുന്ന, മദ്യവർജനത്തിൽ അധിഷ്ഠിതമായ ഒരു നയമായി രിക്കും ഇടതുപക്ഷ ജനാധിപത്യമുന്നണി സ്വീകരിക്കാൻ പോകുന്നത്. ഇന്ന് ലഭ്യമാകുന്ന മദ്യത്തിൽ ഒരു തുള്ളി പോലും അധികം ലഭ്യമാകാത്തവിധത്തിൽ, അതിനേക്കാൾ കുറയ്ക്കുന്ന വിധത്തിലുള്ള നടപടികളാണ് സ്വീകരി ക്കുക”.

പറച്ചിലിനും നയത്തിനും എതിരായ അട്ടിമറി സമീപനമാണ് പിന്നീട് കണ്ടത്. സർക്കാർ അധികാരത്തിൽ വന്ന് നാളുകൾക്കുള്ളിൽ 3 സ്റ്റാർ ഉൾപ്പെടെയുള്ള മുഴുവൻ മദ്യശാലകളും തുറന്നുകൊടുത്തു. 2 സ്റ്റാറുകൾക്കെല്ലാം ബിയർ-വൈൻ പാർലറുകൾ അനുവദിച്ചു നൽകി. ദൂരപരിധിനിയമം 200-ൽ നിന്ന് 50 ആക്കി. ഒരു പ്രദേശത്ത് മദ്യശാലകൾ വേണമോ വേണ്ടയോ എന്ന് തീരുമാനിക്കാൻ അധികാരം നൽകുന്ന പഞ്ചായത്ത് രാജ്-നഗരപാലിക ബില്ലിലെ 232, 447 വകുപ്പു കൾ റദ്ദാക്കി.

10 ശതമാനം ബിവറേജ് ഔട്ട്ലറ്റുകൾ പൂട്ടിക്കൊണ്ടിരുന്നത് നിർത്തലാക്കി. ബവ്കോയുടെയും കൺസ്യൂമർഫെഡിന്റെയും സൂപ്പർ മാർക്കറ്റുകൾ തുറന്നു. പുതുതായി ബാറുകൾ അനുവദിച്ചു നൽകി. വിമാനത്താവളങ്ങളിലെ അന്താരാഷ്ടലോഞ്ചുകൾക്കൊപ്പം അഭ്യന്തരലോഞ്ചുകളിലും വിദേശമദ്യം ലഭ്യമാക്കി. കൂടാതെ പോലീസ് ക്യാന്റീനുകൾക്കും മദ്യവില്പനക്ക് അനുമതി നൽകി. ഇങ്ങനെ മദ്യനയം നിരന്തരം അട്ടിമറിച്ച് സർക്കാർ ജനങ്ങളെ വെല്ലുവിളിക്കുകയാണ്.

തുടർന്നിങ്ങോട്ട് ബുവറികളും ഡിസ്റ്റലറികളും സ്ഥാപിക്കാനുള്ള നീക്കം, ദേശീയ-സംസ്ഥാന പാതകൾ ഡീനോട്ടിഫൈ ചെയ്യാനുള്ള നീക്കം, കെ.എസ്.ആർ.ടി.സി. ഡിപ്പോകളിൽ മദ്യക്കടയും പബ്ബുകളിൽ ബിയർ-വൈൻ പാർലറുകളും തുടങ്ങാനുള്ള നീക്കം, ബ്കോ ഔട്ട്ലെറ്റുകളിൽ തിരക്ക് കുറക്കാനെന്ന വ്യാജേന 175 ഔട്ട്ലെറ്റുകൾ കൂടി ആരംഭിക്കാനുള്ള ശ്രമം തുടങ്ങിയ എല്ലാ നീക്കങ്ങളും സർക്കാർ നയത്തിന്റെ വഞ്ചന വെളിവാക്കുന്നതാണ്. സർക്കാർ, റവന്യൂ മാത്രം ലക്ഷ്യമിട്ട് സംസ്ഥാനത്തെ ഒരു മുഴുക്കുടിയന്മാരുടെ നാടാക്കി മാറ്റുകയാണ്. മദ്യവർജന മെന്ന കപടനയത്തിലൂടെ സർക്കാർ ജനങ്ങളെ അതിവിദഗ്ദ്ധമായി നിരന്തരം വഞ്ചിക്കുകയാണ്.

മദ്യലഭ്യത വർദ്ധിപ്പിച്ചശേഷം മദ്യാസക്തരെ ഉപദേശിച്ച് മാറ്റാമെന്ന വിചിത്രന്യായം ഇനിയെങ്കിലും സർക്കാർ തിരുത്തണം. ജനത്തെ കുടിപ്പിച്ച് കിടത്തി ഭരണം നടത്തരുത്. കേരളത്തെ ഇഞ്ചിഞ്ചായി കൊല്ലരുത്. ക്യൂ നില്ക്കുന്നവർ ഭൂരിഭാഗവും മദ്യാസക്തരോഗികളാണ്. അവരെ ചികിത്സിക്കുകയാണ് വേണ്ടത്.

മദ്യശാലകളിലെ തിരക്ക് വഴിവാക്കാനല്ല, മറിച്ച് മദ്യംമൂലം തകർന്ന മനുഷ്യരെ, കുടുംബങ്ങളെ വിമോചിപ്പിക്കാനുള്ള നടപടികളാണ് സർക്കാർ ആവിഷ്കരിക്കേണ്ടത്. മദ്യം ഏറ്റവും വലിയ സാമൂഹ്യവിപത്താണെന്ന് ബോധ്യമുള്ള സർക്കാർ മദ്യലഭ്യതയും ഉപഭോഗവും കുറച്ചുകൊണ്ടുവരുമെന്ന വാഗ്ദ്ധാനം/നയം നടപ്പിലാക്കുക. “ലഹരിമുക്ത നവകേരളം” എന്ന ലക്ഷ്യപ്രാപ്തിക്ക് മദ്യവർജനവും മദ്യനിരോധനവും ഒന്നിച്ചുപോകണം. അതാണ് ഫലപ്രദവും പ്രായോഗികവുമായ മദ്യനയം. (8075789768)

Related Posts

More News

പത്തനംതിട്ട: മണ്ഡല പൂജയ്ക്ക് ശബരിമല അയ്യപ്പസ്വാമിക്ക് ചാര്‍ത്തുവാനുള്ള തങ്കഅങ്കിയും വഹിച്ചു കൊണ്ടുള്ള രഥ ഘോഷയാത്ര ‍ 23ന് രാവിലെ ഏഴിന് ആറന്മുള പാര്‍ഥസാരഥി ക്ഷേത്രത്തില്‍ നിന്നും പുറപ്പെടും. തിരുവിതാംകൂര്‍ മഹാരാജാവ് അയ്യപ്പസ്വാമിക്ക് മണ്ഡല പൂജയ്ക്ക് ചാര്‍ത്താനായി സമര്‍പ്പിച്ചിട്ടുള്ളതാണ് തങ്ക അങ്കി. ഘോഷയാത്ര ഡിസംബര്‍ 26ന് വൈകുന്നേരം ദീപാരാധനയ്ക്കു മുന്‍പ് ശബരിമലസന്നിധാനത്ത് എത്തിച്ചേരും. ഡിസംബര്‍ 23ന് രാവിലെ അഞ്ചു മുതല്‍ ഏഴുവരെ ആറന്മുളക്ഷേത്ര അങ്കണത്തില്‍ തങ്ക അങ്കി പൊതുജനങ്ങള്‍ക്ക് ദര്‍ശിക്കാന്‍ അവസരമുണ്ട്. തങ്ക അങ്കി ഘോഷയാത്ര എത്തുന്ന സ്ഥലങ്ങളും […]

പല്ലിൽ പുളിപ്പു പോലെ അനുഭവപ്പെടുന്നത് പലർക്കും സാധാരണ കണ്ടുവരാറുള്ള ഒരു പ്രശ്നമാണ്. ചിലപ്പോൾ ഇഷ്ടഭക്ഷണം കഴിക്കാനെടുത്ത് ഒന്നു വായിലേക്കു വയ്ക്കുമ്പോഴേക്കും പുളിപ്പു കാരണം കഴിക്കാനാവാത്ത അവസ്ഥയുമുണ്ടാകുന്നുണ്ട്. വാതം കോപിച്ച്, പല്ലുകൾക്കു ചൂട് തട്ടിയാല്‍ സുഖവും തണുപ്പടിച്ചാൽ അസഹ്യതയും ഉണ്ടാകുന്ന അവസ്ഥയാണിത്. സൂചി കുത്തുന്നതു പോലുളള വേദനയും ഒപ്പം വരാം. പല്ലുകൾക്ക് പുളി, തണുപ്പ് എന്നിവ സഹിക്കാനാകാതെ വരുന്നു. പല്ലു പുളിപ്പിന് ആയുർവേദം നിരവധി ചികിത്സകൾ നിർദേശിക്കുന്നുണ്ട്. ചൂടുവെളളം കൊണ്ട് പല്ല് വിയർപ്പിക്കുക. പല്ലിന്റെ ചുവടുഭാഗം കൈകൊണ്ടു നന്നായി […]

ബര്‍ലിന്‍: ജര്‍മ്മന്‍ പാര്‍ലമെന്റ് ആക്രമണം ആസൂത്രണം ചെയ്ത തീവ്ര വലതുപക്ഷ സെല്‍ പൊലീസ് തകര്‍ത്തു. ഇതിന്റെയടിസ്ഥാനത്തില്‍ ബുധനാഴ്ച രാജ്യവ്യാപകമായി റെയ്ഡ് നടത്തുകയും പാര്‍ലമെന്റിന് നേരെ ആക്രമണം ആസൂത്രണം ചെയ്തതായി സംശയിക്കുന്ന തീവ്ര വലതുപക്ഷ “ഭീകര ഗ്രൂപ്പിലെ” അംഗങ്ങളായ 25 പേരെ ജര്‍മ്മന്‍ പോലീസ് അറസ്ററ് ചെയ്തതായും ഫെഡറല്‍ പ്രോസിക്യൂട്ടര്‍മാര്‍ പറഞ്ഞു.അതേസമയം ജര്‍മനി, ഓസ്ട്രിയ, ഇറ്റലി എന്നീ രാജ്യങ്ങളില്‍ ഒരേ സമയത്തായിരുന്നു സ്പെഷ്യല്‍ കമോന്‍ഡോ പൊലീസ് നടത്തിയ റെയ്ഡ്. ജര്‍മനിയിലെ ട്രാഫിക് ലൈറ്റ് മുന്നണി സര്‍ക്കാരിന്റെ തലവനായ ചാന്‍സലര്‍ […]

പ്യോങ്യാങ്: രണ്ട് ഹൈസ്കൂള്‍ വിദ്യാര്‍ഥികള്‍ക്ക് ഉത്തരകൊറിയന്‍ ഭരണകൂടം വധശിക്ഷ നല്‍കിയതായി വിവരം. കെ~ഡ്രാമ എന്ന പേരില്‍ പ്രശസ്തമായ ദക്ഷിണ കൊറിയന്‍ ടെലിവിഷന്‍ പരിപാടികള്‍ കണ്ടു എന്നതാണ് ഇവര്‍ക്കു മേല്‍ ചുമത്തപ്പെട്ട കുറ്റം! 16, 17 പ്രായമുള്ള ആണ്‍കുട്ടികളെയാണ് കൊന്നു കളഞ്ഞതായി അറിയുന്നത്. ദക്ഷിണകൊറിയ, അമേരിക്ക എന്നിവടങ്ങളില്‍ നിന്നുള്ള ടെലിവിഷന്‍ പരിപാടികളും സിനിമകളും കാണുന്നത് ഉത്തര കൊറിയ നിരോധിച്ചിട്ടുള്ളതാണ്. രാജ്യത്ത് ദക്ഷിണ കൊറിയന്‍ ടെലിവിഷന്‍ പരിപാടികളുടെ പ്രചാരം വര്‍ധിച്ചതോടെ 2020~ലാണ് വിലക്കേര്‍പ്പെടുത്തിയത്. അതിനു ശേഷം ദക്ഷിണ കൊറിയയില്‍ നിന്നുള്ള […]

വാഷിങ്ടണ്‍: യുഎസ് സര്‍ക്കാരിന്റെ കോവിഡ് ദുരിതാശ്വാസ ഫണ്ടില്‍നിന്ന് രണ്ടുകോടി ഡോളര്‍ ചൈനീസ് ഹാക്കര്‍മാര്‍ മോഷ്ടിച്ചു. ചൈനീസ് സര്‍ക്കാരുമായി ബന്ധമുള്ള എ.പി.ടി.41 എന്ന ഹാക്കിങ് വിഭാഗമാണ് മോഷണം നടത്തിയതെന്ന് സംശയിക്കുന്നു. ചൈനയിലെ ചെങ്ദു കേന്ദ്രീകരിച്ചു പ്രവര്‍ത്തിക്കുന്ന സംഘമാണിത്. കോവിഡ് ദുരിതാശ്വാസ പ്രവര്‍ത്തനങ്ങളുടെ ഭാഗമായി യു.എസ്.എ.യിലെ വിവിധ സ്റേററ്റുകളില്‍ ചെറിയ ബിസിനസ് ലോണുകള്‍ നല്‍കുന്നതിനും തൊഴിലില്ലായ്മാ ഫണ്ടിനുമായി വകയിരുത്തിയതായിരുന്നു മോഷ്ടിക്കപ്പെട്ട പണം. 2020 മുതല്‍ 2000 അക്കൗണ്ടുകളിലൂടെയാണ് മോഷണം നടന്നിരിക്കുന്നത്. ഇതുമായി ബന്ധപ്പെട്ട് നാല്‍പതിനായിരത്തോളം സാമ്പത്തിക ഇടപാടുകള്‍ നടത്തി. ഭരണകൂടത്തിന്‍റെ […]

വെല്ലിങ്ടന്‍: ഗൂഗ്ളിലും ഫെയ്സ്ബുക്കിലും മറ്റും വാര്‍ത്തകളുടെ ലിങ്കുകള്‍ നല്‍കുന്നതിന്, വാര്‍ത്തയുടെ ഉറവിടത്തിനു പണം നല്‍കണമെന്ന നിയമം ന്യൂസിലന്‍ഡിലും നടപ്പാക്കുന്നു. സമാനമായ നിയമം ഓസ്ട്രേലിയ നേരത്തെ നടപ്പാക്കിയിരുന്നതാണ്. ക്യാനഡയിലും ഈ നിയമം നിലവിലുണ്ട്. ഇന്ത്യയില്‍ പരിഗണനയിലാണ്. പ്രാദേശിക മാധ്യമങ്ങളുടെ വാര്‍ത്തകള്‍ തങ്ങളുടെ പ്ളാറ്റ്ഫോമില്‍ ഉപയോഗിച്ചു ലാഭമുണ്ടാക്കുന്ന ഗൂഗിളും ഫെയ്സ്ബുക്കും അടക്കമുള്ള കമ്പനികള്‍ നിശ്ചിത ശതമാനം വരുമാനം വാര്‍ത്ത തയാറാക്കുന്ന മാധ്യമങ്ങള്‍ക്കു നല്‍കണമെന്നാണു നിയമം.

യാത്രകള്‍ ഇഷ്‍ടപ്പെടുന്ന പ്രണവ് മോഹൻലാലിന്റെ പുതിയ ചിത്രം സോഷ്യൽ മീഡിയയിൽ വൈറലാകുന്നു. ഒരു പുരാതന കെട്ടിടത്തിന് മുന്നിലുള്ള ചാരു ബെഞ്ചില്‍ കിടന്നുറങ്ങുന്ന ചിത്രമാണ് പ്രണവ് മോഹൻലാല്‍ ഇപ്പോള്‍ പങ്കുവെച്ചിരിക്കുന്നത്. സ്ഥലം ഏതെന്ന് പ്രണവ് പറഞ്ഞിട്ടില്ല. സ്‍പെയിൻ ആണെന്നാണ് ആരാധകരുടെ കണ്ടെത്തല്‍. പ്രണവ് മോഹൻലാല്‍ യൂറോപ്യൻ യാത്രയിലാണെന്ന് അടുത്തിടെ വിനീത് ശ്രീനിവാസൻ വെളിപ്പെടുത്തിയിരുന്നു. ഞങ്ങൾ ഇടയ്ക്ക് പ്രണവിനെ കാണാറുണ്ട്. ആളിപ്പോളൊരു തീര്‍ത്ഥ യാത്രയിലാണ്, യൂറോപ്പിലാണ്. 800 മൈല്‍സ് കാല്‍നടയായി യാത്ര ചെയ്യുകയാണ്. പുള്ളീടെ ഒരു പേഴ്സണ്‍ പ്രൊഫൈലുണ്ട്, അതില്‍ […]

പത്തനംതിട്ട: മലയോര മേഖലയിലെ കൈവശ കർഷകർക്ക് തങ്ങളുടെ ഭൂമിയിലെ മരങ്ങൾ മുറിക്കുന്നത് സംബന്ധിച്ച് നിലനിൽക്കുന്ന പ്രതിസന്ധി പരിഹരിക്കുന്നതിന് റവന്യൂ-വനം വകുപ്പുകളുടെ സംയുക്ത യോഗം ചേർന്ന് കർഷകർക്ക് അനുകൂല തീരുമാനം എടുക്കുന്നതിന് അടിയന്തര നടപടി സ്വീകരിക്കുമെന്ന് വനം വകുപ്പ് മന്ത്രി എ.കെ ശശീന്ദ്രൻ നിയമസഭയിൽ അറിയിച്ചു. മരം മുറിയ്ക്കലുമായി ബന്ധപ്പെട്ട് കൈവശ കർഷകർ നേരിടുന്ന പ്രതിസന്ധി അഡ്വ. പ്രമോദ് നാരായൺ എംഎൽഎ നിയമസഭയിൽ സബ്മിഷനിലൂടെ ഉന്നയിച്ചതിന്റെ മറുപടി ആയിട്ടാണ് മന്ത്രി ഇക്കാര്യം വ്യക്തമാക്കിയത്. കർഷകർക്ക് അവർ വൃക്ഷ വില […]

കോട്ടയം: പ്രായപൂർത്തിയാകാത്ത വിദ്യാർഥിനിയെ പീഡിപ്പിച്ച് നഗ്ന ദൃശങ്ങൾ ഫോണിൽ പകർത്തി ബന്ധുക്കൾക്ക് അയച്ചു നൽകിയ യുവാവ് അറസ്റ്റിൽ. കുറുച്ചി ഇത്തിത്താനം കാഞ്ഞിരമൂട്ടിൽ വീട്ടിൽ ഷാബിൻ ബിജുവിനെ (23) യാണ് പൊലീസ് അറസ്റ്റ് ചെയ്തത്. പോക്‌സോ നിയമപ്രകാരമാണ് പ്രതിക്കെതിരേ കേസെടുത്തത്. പെണ്‍കുട്ടിയുടെ സ്വകാര്യദൃശ്യങ്ങളും പീഡനരംഗങ്ങളും ഫോണില്‍ പകര്‍ത്തി ഭീഷണിപ്പെടുത്തി നിരവധി തവണ പീഡിപ്പിച്ചതായി പരാതിയിൽ പറയുന്നു. പൊലീസ് ഇൻസ്പെക്‌ടർ ടി.ആർ.ജിജുവിന്‍റെ നേതൃത്വത്തിലുള്ള അന്വേഷണ സംഘമാണ് പ്രതിയെ പിടികൂടിയത്. ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍റ് […]

error: Content is protected !!