അമേരിക്കൻ എസ്‌യുവി നിർമ്മാതാക്കളായ ജീപ്പ് ഇന്ത്യ പുതിയ ഗ്രാൻഡ് ചെറോക്കി എസ്‌യുവി ഇന്ത്യന്‍ വിപണിയിൽ അവതരിപ്പിക്കാനൊരുങ്ങുന്നു; ഗ്രാൻഡ് ചെറോക്കിയുടെ പ്രത്യേകതകൾ നോക്കാം..

അമേരിക്കൻ എസ്‌യുവി നിർമ്മാതാക്കളായ ജീപ്പ് ഇന്ത്യ പുതിയ ഗ്രാൻഡ് ചെറോക്കി എസ്‌യുവി ഇന്ത്യന്‍ വിപണിയിൽ അവതരിപ്പിക്കുമെന്ന് പ്രഖ്യാപിച്ചു. ജീപ്പ് ഇന്ത്യ ഇപ്പോൾ കോംപസ്, മെറിഡിയൻ , റാംഗ്ലർ എന്നിവ അതിന്റെ രഞ്ജൻഗാവ് കേന്ദ്രത്തിൽ വികസിപ്പിക്കുകയാണ്. ഇത് ഇന്ത്യന്‍ വിപണിയിൽ ജീപ്പിന്റെ ലൈനപ്പിൽ മെറിഡിയന് മുകളിൽ സ്ഥാനം പിടിക്കും.

പുതിയ ജീപ്പ് ഗ്രാൻഡ് ചെറോക്കി വാഗണീർ, മെറിഡിയൻ/കമാൻഡർ എന്നിവയിൽ നിന്ന് പ്രചോദനം ഉൾക്കൊണ്ട് പുതിയ സ്റ്റൈലിംഗ് ഘടകങ്ങളുമായാണ് വരുന്നത്. പുതുക്കിയ സെവൻ സ്ലോട്ട് ഗ്രില്ലും എൽഇഡി ഡേടൈം റണ്ണിംഗ് ലൈറ്റുകളുള്ള മെലിഞ്ഞ ഹെഡ്‌ലാമ്പ് സജ്ജീകരണവും ഇതിന്റെ സവിശേഷതയാണ്. എസ്‌യുവിയുടെ പിൻഭാഗത്തിന് കൂടുതൽ റാക്കിംഗ് ഡിസൈനുണ്ട്, കൂടാതെ ഡി-പില്ലറിൽ ഫ്ലോട്ടിംഗ് റൂഫ് ഇഫക്റ്റുമുണ്ട്. റീ-സ്റ്റൈൽ ചെയ്ത പിൻ തൂണുകളോടെയാണ് ഇത് വരുന്നത്, അത് എയറോഡൈനാമിക് കാര്യക്ഷമത മെച്ചപ്പെടുത്തും.

ചെറോക്കി എൽ 3-വരി എസ്‌യുവിയല്ല ഗ്രാൻഡ് ചെറോക്കിയുടെ സ്റ്റാൻഡേർഡ് അഞ്ച് സീറ്റ് പതിപ്പാണ് ജീപ്പ് പുറത്തിറക്കാൻ സാധ്യത. ക്യാബിനിനുള്ളിൽ, 10.1 ഇഞ്ച് വലിയ സെൻട്രൽ ടച്ച്‌സ്‌ക്രീനും 10.1 ഇഞ്ച് ഡിജിറ്റൽ ഇൻസ്ട്രുമെന്റ് കൺസോളും ഉൾക്കൊള്ളുന്ന റീ-സ്റ്റൈൽ ഡാഷ്‌ബോർഡുമായാണ് പുതിയ മോഡൽ വരുന്നത്. മുൻവശത്തെ യാത്രക്കാർക്കായി ഡാഷ്‌ബോർഡിൽ 10.1 ഇഞ്ച് സ്‌ക്രീൻ ഉൾപ്പെടുത്തിയിട്ടുണ്ട്. ഇതിന് 10 ഇഞ്ച് ഹെഡ്-അപ്പ് ഡിസ്‌പ്ലേ, വയർലെസ് സ്മാർട്ട്‌ഫോൺ ചാർജിംഗ് സിസ്റ്റം, പിൻ സീറ്റ് എന്റർടെയ്ൻമെന്റ് സ്‌ക്രീനുകൾ, സ്മാർട്ട്‌ഫോൺ കണക്റ്റിവിറ്റി എന്നിവ ലഭിക്കുന്നു.

പൂർണ്ണമായ അഡ്വാൻസ്ഡ് ഡ്രൈവിംഗ് അസിസ്റ്റൻസ് സിസ്റ്റം (ADAS), 24×7 സമർപ്പിത സഹായത്തോടുകൂടിയ പൂർണ്ണ കണക്റ്റിവിറ്റി പാക്കേജ്, നിരവധി പ്രീമിയം ഫീച്ചറുകൾ എന്നിവയോടെയാണ് പുതിയ ഗ്രാൻഡ് ചെറോക്കി ഇന്ത്യയ്ക്കുള്ളതെന്ന് ജീപ്പ് സ്ഥിരീകരിച്ചു. പുതിയ ജീപ്പ് ഗ്രാൻഡ് ചെറോക്കി 5-സീറ്ററിന് ഗ്രാൻഡ് ചെറോക്കി എൽ നേക്കാൾ 294 എംഎം കുറവാണ്.

പുതിയ ജീപ്പ് ഗ്രാൻഡ് ചെറോക്കിക്ക് കരുത്തേകുന്നത് 2.0 ലിറ്റർ ടർബോ-ചാർജ്ഡ് പെട്രോൾ എഞ്ചിനാണ്, ഇത് സ്റ്റാൻഡേർഡായി 8-സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കും. ഓട്ടോ, സ്‌പോർട്‌സ്, മഡ്/മണൽ, സ്‌നോ എന്നിങ്ങനെ തിരഞ്ഞെടുക്കാവുന്ന ടെറൈൻ മോഡുകളുള്ള ഫോർ വീൽ ഡ്രൈവ് സംവിധാനത്തോടെയാണ് ഇത് വരുന്നത്. പുതിയ എസ്‌യുവി മെഴ്‌സിഡസ് ജിഎൽഇ, ബിഎംഡബ്ല്യു എക്‌സ്5, ലാൻഡ് റോവർ ഡിസ്‌കവറി എന്നിവയെ നേരിടും.