മാരുതിയുടെ എർട്ടിഗ എം‌പി‌വിയുടെ റീ-ബാഡ്‍ജ് ചെയ്‌ത പതിപ്പ് 2023 പകുതിയോടെ ടൊയോട്ട അനാച്ഛാദനം ചെയ്യുന്നു; വിശേഷങ്ങൾ നോക്കാം..

മാരുതിയുടെ എർട്ടിഗ എം‌പി‌വിയുടെ റീ-ബാഡ്‍ജ് ചെയ്‌ത പതിപ്പ് 2023 പകുതിയോടെ ടൊയോട്ട അനാച്ഛാദനം ചെയ്‌തേക്കാം എന്നാണ് പുതിയ റിപ്പോര്‍ട്ടുകള്‍. ഡി 23 എന്ന കോഡ് നാമത്തിലാണ് വാഹനം വികസിപ്പിക്കുന്നത്. കമ്പനി ഇതിനകം തന്നെ എർട്ടിഗ അടിസ്ഥാനമാക്കിയുള്ള ടൊയോട്ട റൂമിയോൺ എംപിവി ദക്ഷിണാഫ്രിക്കയിൽ വിൽക്കുന്നുണ്ട്. 2021 ഒക്ടോബറിൽ ഇന്ത്യയിൽ റൂമിയോൺ നെയിംപ്ലേറ്റിനായി ടൊയോട്ട ഒരു ട്രേഡ്മാർക്ക് അപേക്ഷ സമർപ്പിച്ചിരുന്നു.

കാഴ്ചയിൽ, മാരുതി എർട്ടിഗയ്ക്ക് സമാനമാണ് ടൊയോട്ട റൂമിയൻ. എന്നിരുന്നാലും, പുനർരൂപകൽപ്പന ചെയ്ത ഗ്രില്ലും ടൊയോട്ടയുടെ സിഗ്നേച്ചർ ബാഡ്ജുമാണ് ഡോണർ മോഡലിൽ നിന്ന് ഇതിനെ വേർതിരിക്കുന്നത്. രണ്ട് എംപിവികളുടെയും സൈഡ് ആൻഡ് റിയർ പ്രൊഫൈൽ, അലോയ് വീലുകൾ, ബോഡി പാനലുകൾ, മറ്റ് ഡിസൈൻ ഘടകങ്ങൾ എന്നിവ സമാനമാണ്.

ഉയരം ക്രമീകരിക്കാവുന്ന ഡ്രൈവർ സീറ്റ്, ഫ്രണ്ട് സെന്റർ സ്ലൈഡിംഗ് ആംറെസ്റ്റ്, പുഷ് സ്റ്റാർട്ട്/സ്റ്റോപ്പ് ബട്ടൺ, ഓട്ടോമാറ്റിക് എന്നിവയും മോഡൽ വാഗ്ദാനം ചെയ്യും. എസി യൂണിറ്റ്, റിയർ ഡിഫോഗർ, സ്പീഡ് സെൻസിംഗ് ഓട്ടോ ഡോർ ലോക്ക്, ഇലക്ട്രോണിക് സ്റ്റെബിലിറ്റി പ്രോഗ്രാം, ഹിൽ ഹോൾഡ് അസിസ്റ്റ്, റിയർ പാർക്കിംഗ് സെൻസറുകൾ, ഐസോഫിക്സ് ആങ്കറേജുകൾ തുടങ്ങിയവയും ലഭിക്കും.

മോട്ടോർ 103 ബിഎച്ച്‌പി പവറും 136 എൻഎം ടോർക്കും സൃഷ്‍ടിക്കും. ട്രാൻസ്മിഷൻ തിരഞ്ഞെടുപ്പുകളിൽ അഞ്ച് സ്പീഡ് മാനുവലും പാഡിൽ ഷിഫ്റ്ററുകളുള്ള 6-സ്പീഡ് ഓട്ടോമാറ്റിക്കും ഉൾപ്പെടും. എർട്ടിഗയ്ക്ക് സമാനമായി, ടൊയോട്ട റൂമിയോൺ 20.51kmpl (MT), 20.30kmpl (AT) മൈലേജ് വാഗ്ദാനം ചെയ്യാൻ സാധ്യതയുണ്ട്. 26.11km/kg എന്ന ഇന്ധനക്ഷമത നൽകുന്ന സിഎൻജി ഇന്ധന ഓപ്ഷനും MPV വാഗ്ദാനം ചെയ്യും.