ബജാജ് പൾസർ എൻഎസ് 125ന്‍റെ ചില വിശേഷങ്ങള്‍ അറിയാം

ഉയർന്ന മൈലേജുള്ള അതിവേഗ ബൈക്കുകൾക്ക് ഇന്ത്യയിൽ ആവശ്യക്കാര്‍ ഏറെയാണ്. ഈ വിഭാഗത്തിലെ ഒരു ബൈക്കാണ് ബജാജ് പൾസർ എൻഎസ് 125. മണിക്കൂറിൽ 112 കിലോമീറ്റർ വേഗത്തില്‍ വരെ ഈ ബൈക്ക് സഞ്ചരിക്കുന്നു. ഇതുകൊണ്ടു മാത്രമല്ല ഈ ബൈക്ക് അതിന്റെ സെഗ്‌മെന്റിലെ സ്പീഡ് പ്രേമികളുടെ ആദ്യ ചോയ്‌സാകുന്നത്. വെറും ആറ് സെക്കൻഡിനുള്ളിൽ പൂജ്യം മുതൽ 100 ​​കിലോമീറ്റർ വേഗത ഈ ബൈക്ക് കൈവരിക്കുന്നു. ഏകദേശം 1,28,000 രൂപ വിലയിൽ ഈ ബൈക്ക് വിപണിയിൽ ലഭ്യമാണ്. ബജാജ് പൾസർ എൻഎസ് 125ന്‍റെ ചില വിശേഷങ്ങള്‍ അറിയാം

സ്റ്റൈലൻ

പൾസർ NS125 ഒരു ആധുനിക പാറ്റേൺ ബൈക്കാണ്, അതിന്റെ സീറ്റ് റൈഡർ കംഫർട്ട് അനുസരിച്ച് രൂപപ്പെടുത്തിയിരിക്കുന്നു. സ്റ്റൈലിഷ് ഹെഡ്‌ലാമ്പുകൾ, മസ്കുലർ ഫ്യൂവൽ ടാങ്ക്, ട്വിൻ എൽഇഡി ടെയിൽ ലാമ്പുകൾ എന്നിവയുണ്ട്. സ്‌പ്ലിറ്റ് ഗ്രിൽ റെയിലുകളും ബെല്ലി പാനും ഈ സ്‌പോർട്ടി ലുക്ക് ബൈക്കിൽ നൽകിയിട്ടുണ്ട്. ഇതിന് മുൻവശത്ത് ടെലിസ്‌കോപിക് ഫോർക്കുകളും പ്രീലോഡ് ക്രമീകരിക്കാവുന്ന പിൻ മോണോ-ഷോക്ക് സസ്പെൻഷനും ലഭിക്കുന്നു.

46.9 കിലോമീറ്റർ മൈലേജ്

ബജാജ് പൾസർ NS125 ന് 124.45 സിസിയുടെ ശക്തമായ എഞ്ചിനാണ് ലഭിക്കുന്നത്. ഈ ബൈക്ക് ലിറ്ററിന് 46.9 കിലോമീറ്റർ മൈലേജ് നൽകുന്നു. 5 സ്പീഡ് മാനുവൽ ട്രാൻസ്മിഷനാണ് ബൈക്കിനുള്ളത്. 144 കിലോയാണ് ബൈക്കിന്റെ ആകെ ഭാരം. ഇത് റോഡിൽ വളരെ ഉയർന്ന പ്രകടനം നൽകുന്നു.

ഒരു വേരിയന്റും നാല് വർണ്ണ ഓപ്ഷനുകളും

പൾസർ NS125 ന്റെ ഒരു വേരിയന്റും നാല് കളർ ഓപ്ഷനുകളും വിപണിയിൽ ലഭ്യമാണ്. ഇതിന്റെ കരുത്തൻ എൻജിൻ 11.8 bhp കരുത്തും 11 Nm ടോര്‍ക്കും നൽകുന്നു. ബൈക്കിന് മുന്നിൽ ഡിസ്‌ക് ബ്രേക്കും പിന്നിൽ ഡ്രം ബ്രേക്കുമുണ്ട്. സുരക്ഷയ്ക്കായി സംയുക്ത ബ്രേക്കിംഗ് സംവിധാനമാണ് ബൈക്കിൽ.

വലിയ ഇന്ധന ടാങ്ക്, സീറ്റ് ഉയരം 805 എംഎം

ബജാജ് പൾസർ NS125 ന് 12 ലിറ്ററിന്റെ വലിയ ഇന്ധന ടാങ്കും സീറ്റ് ഉയരം 805 മില്ലീമീറ്ററുമാണ് നൽകിയിരിക്കുന്നത്. നഗരത്തിന് പുറമെ, ദീർഘദൂര യാത്രകൾക്കായി ഈ ബൈക്ക് രൂപകൽപ്പന ചെയ്‍തിരിക്കുന്നത്.