BS6 രണ്ടാം ഘട്ട കംപ്ലയിന്റ് എൻജിനോടുകൂടിയ കിഗർ, ട്രൈബർ എഎംടി എന്നിവയുടെ ഡെലിവറി ആരംഭിച്ചു

യൂറോപ്യൻ വാഹന ബ്രാൻഡായ റെനോ, BS6 രണ്ടാം ഘട്ട കംപ്ലയിന്റ് എൻജിനോടുകൂടിയ കിഗർ, ട്രൈബർ എഎംടി എന്നിവയുടെ ഡെലിവറി ആരംഭിച്ചു. ഹ്യൂമൻ ഫസ്റ്റ് ഇനീഷ്യേറ്റീവിന് കീഴിൽ മെച്ചപ്പെട്ട ക്ലാസ് ലീഡിംഗ് സുരക്ഷാ ഫീച്ചറുകളോടെയാണ് റെനോ കൈഗർ എഎംടി, ട്രൈബർ എഎംടി ശ്രേണി വരുന്നത്. സെഗ്‌മെന്റ് മുൻനിര സുരക്ഷാ ഫീച്ചറുകളുമായി വരുന്ന ഈ കാറുകൾക്ക് 8.47 ലക്ഷം രൂപ മുതൽ 8.12 ലക്ഷം രൂപ വരെയാണ് ദില്ലി എക്‌സ്‌ഷോറൂം വില.

കൈഗർ, ട്രൈബർ എന്നിവയുടെ മുഴുവൻ വകഭേദങ്ങളും അപകടസാധ്യത കുറയ്ക്കുന്നതിനും മൊത്തത്തിലുള്ള സുരക്ഷ മെച്ചപ്പെടുത്തുന്നതിനുമായി രൂപകൽപ്പന ചെയ്‌തിരിക്കുന്ന നൂതനമായ സുരക്ഷാ സവിശേഷതകളുമായാണ് വരുന്നതെന്ന് കമ്പനി വാര്‍ത്താക്കുറിപ്പില്‍ അറിയിച്ചു. വളഞ്ഞ റോഡുകളിൽ മെച്ചപ്പെട്ട നിയന്ത്രണം നൽകുന്ന ഇലക്ട്രോണിക് സ്റ്റെബിലിറ്റി പ്രോഗ്രാം, ബ്രേക്കിംഗിന് ശേഷം കാർ റോൾ-ബാക്ക് ചെയ്യുന്നത് തടയുന്ന ഹിൽ സ്റ്റാർട്ട് അസിസ്റ്റ് (എച്ച്എസ്എ) പോലെയുള്ള നൂതനവും മികച്ചതുമായ മുൻനിര സുരക്ഷാ ഫീച്ചറുകളാണ് റെനോ ഇന്ത്യയുടെ ഉൽപ്പന്ന നിരയിലുള്ളത്.

ചക്രങ്ങളുടെ വേഗത ക്രമക്കേടുകൾ തിരിച്ചറിയുന്ന ട്രാക്ഷൻ കൺട്രോൾ സിസ്റ്റം (ടിസിഎസ്), വഴുവഴുപ്പുള്ള പ്രതലങ്ങളിൽ പിടി നിലനിർത്താനും അപകടങ്ങൾ തടയാനും സ്പിന്നുകൾ സ്വയമേവ കുറയ്ക്കുന്നു, തത്സമയ അലേർട്ടുകൾ നൽകുന്ന ടയർ പ്രഷർ മോണിറ്ററിംഗ് സിസ്റ്റം (ടിപിഎംഎസ്) തുടങ്ങിയ  ഫീച്ചറുകളുമുണ്ട്. കോം‌പാക്റ്റ് എസ്‌യുവി വിഭാഗത്തിൽ ചെലവ് കുറഞ്ഞ അറ്റകുറ്റപ്പണികളോടെയുള്ള ഏറ്റവും താങ്ങാനാവുന്ന ഓഫറുകളിൽ ഒന്നാണ് റെനോ കിഗർ.

കൂടുതൽ പ്രകടനവും സ്‌പോർട്ടി ഡ്രൈവും മാത്രമല്ല, 20.62 KM/L എന്ന മികച്ച ഇൻ-സെഗ്‌മെന്റ് ഇന്ധനക്ഷമതയും വാഗ്ദാനം ചെയ്യുന്നു. പ്രമുഖ ആഗോള കാർ മൂല്യനിർണ്ണയ പരിപാടിയായ ഗ്ലോബൽ എൻസിഎപിയുടെ യാത്രക്കാരുടെ സുരക്ഷയ്ക്കുള്ള 4-സ്റ്റാർ സേഫ്റ്റി റേറ്റിംഗും റെനോ  കൈഗർ നേടിയിട്ടുണ്ട്. ഡ്രൈവറുടെയും ഫ്രണ്ട് യാത്രക്കാരുടെയും സുരക്ഷയ്ക്കായി, റെനോ കൈഗറിൽ നാല് എയർബാഗുകൾ സജ്ജീകരിച്ചിരിച്ചിട്ടുണ്ട്.

ഇന്ത്യയിലെ ഏറ്റവും സുരക്ഷിതമായ 7-സീറ്റർ, റെനോ ട്രൈബർ, മികച്ച നിലവാരം, മോഡുലാരിറ്റി, ആകർഷകമായ ഡിസൈൻ തുടങ്ങിയ സവിശേഷതകളാൽ ഉപഭോക്താക്കളുടെ ശ്രദ്ധ നേടി. റെനോ ട്രൈബറിന്റെ എല്ലാ ഫീച്ചറുകൾക്കും പുറമേ, എല്ലാ വരികളിലും മികച്ച ലെവൽ സീറ്റിംഗ് സ്പേസ് വാഗ്ദാനം ചെയ്യുന്നു, കൂടാതെ അതിന്റെ വിഭാഗത്തിൽ 625 ലിറ്ററിന്റെ ഏറ്റവും വലിയ ബൂട്ട് സ്പേസ് വാഗ്ദാനം ചെയ്യുന്നു. ഇന്ത്യയില്‍ ഉടനീളമുള്ള 9,00,000-ത്തിലധികം സംതൃപ്‍തരായ ഉപഭോക്താക്കളെ നേടുക എന്ന സുപ്രധാന നാഴികക്കല്ല് റെനോ കൈവരിച്ചിട്ടുണ്ട്.