പുതുതായി പുറത്തിറക്കിയ ഫ്രോങ്ക്സ് ക്രോസ്ഓവറിന് വാങ്ങുന്നവരിൽ നിന്ന് മികച്ച പ്രതികരണം

മാരുതി സുസുക്കിയുടെ വിൽപ്പനയിൽ ഗണ്യമായ വർധനയുണ്ടായതായി റിപ്പോർട്ട്. 2023 മെയ് മാസത്തിൽ കമ്പനി ആഭ്യന്തര വിപണിയിൽ 143,708 കാറുകളും എസ്‌യുവികളും വിറ്റു. ഇത് കഴിഞ്ഞ വർഷം ഇതേ മാസത്തെ വിൽപ്പനയേക്കാൾ വളരെ കൂടുതലാണ്. കഴിഞ്ഞ മാസം മാരുതി സുസുക്കി ബ്രെസ്സ, ഫ്രോങ്ക്സ്, ഗ്രാൻഡ് വിറ്റാര എന്നിവയുടെ 33,000 യൂണിറ്റുകൾ വിറ്റു.

പുതുതായി പുറത്തിറക്കിയ ഫ്രോങ്ക്സ് ക്രോസ്ഓവറിനും വാങ്ങുന്നവരിൽ നിന്ന് മികച്ച പ്രതികരണമാണ് ലഭിച്ചത്. 2023 മെയ് മാസത്തിൽ മാരുതി സുസുക്കി ഫ്രോങ്കസിന്റെ 9,683 യൂണിറ്റുകൾ വിറ്റു.  ബലേനോയെ അടിസ്ഥാനമാക്കിയുള്ള ഫ്രോങ്‌ക്‌സ് എസ്‌യുവിയെ ഈ മാർച്ച് അവസാനത്തോടെയാണ് മാരുതി സുസുക്കി അവതരിപ്പിച്ചത്.  7.56 ലക്ഷം രൂപ പ്രാരംഭ എക്സ്-ഷോറൂം വിലയിൽ എത്തിയ വാഹനത്തിന് ആദ്യ മാസത്തിൽ തന്നെ 8,000 ത്തില്‍ അധികം ബുക്കിംഗുകളാണ് ലഭിച്ചത്. ഇപ്പോഴും ഈ എസ്‌യുവിക്കുള്ള ഡിമാൻഡുകൾ കുതിച്ചുയരുകയാണ്. വാഹനത്തിന്‍റെ കാത്തിരിപ്പ് കാലയളവും നിരന്തരം വർദ്ധിച്ചുകൊണ്ടിരിക്കുന്നു.

1.0 ലിറ്റർ 3 സിലിണ്ടർ ബൂസ്റ്റർജെറ്റ് പെട്രോൾ, 1.2 ലിറ്റർ കെ-സീരീസ് പെട്രോൾ എന്നിങ്ങനെ രണ്ട് എഞ്ചിൻ ഓപ്ഷനുകളിൽ മാരുതി സുസുക്കി ഫ്രോങ്ക്സ് ലഭ്യമാണ്. ആദ്യത്തേത് 100 ബിഎച്ച്‌പിയും 147.6 എൻഎം ടോർക്കും മികച്ചതാണെങ്കിൽ, പിന്നീടുള്ളത് 90 ബിഎച്ച്‌പിയും 113 എൻഎം ടോർക്കും ഉത്പാദിപ്പിക്കുന്നു. ട്രാൻസ്മിഷൻ ചോയിസുകളിൽ 5-സ്പീഡ് മാനുവൽ, 1.2L എഞ്ചിനോടുകൂടിയ AMT, 1.0L ടർബോ പെട്രോളോടുകൂടിയ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടുന്നു. 1.2L പെട്രോൾ പതിപ്പ് 21.79kmpl (MT) & 22.98kmpl (AT) എന്ന ARAI സാക്ഷ്യപ്പെടുത്തിയ മൈലേജ്  നൽകുമെന്ന് കമ്പനി അവകാശപ്പെടുന്നു. 1.0L മാനുവൽ, ഓട്ടോമാറ്റിക് എന്നിവ യഥാക്രമം 21.5kmpl ഉം 20.01kmpl ഉം നൽകുന്നു.

6-സ്പീഡ് ടോർക്ക് കൺവെർട്ടർ ഗിയർബോക്‌സുള്ള ടോപ്പ്-എൻഡ് ആൽഫ ഡ്യുവൽ ടോണിന് ഫ്രോങ്ക്സ് എസ്‍യുവിയുടെ എക്‌സ്-ഷോറൂം വില  7.46 ലക്ഷം രൂപ മുതൽ 13.13 ലക്ഷം രൂപ വരെയാണ് . ഇന്ത്യയിലെ ചെറു എസ്‌യുവികളിൽ ടാറ്റ പഞ്ച്, നിസാൻ മാഗ്‌നൈറ്റ്, റെനോ കിഗർ എന്നിവയോട് ഇത് മത്സരിക്കുന്നു. ഈ വർഷം അവസാനം ലോഞ്ച് ചെയ്യുമ്പോൾ വരാനിരിക്കുന്ന ഹ്യുണ്ടായ് എക്‌സ്‌റ്ററിനെയും ഇത് നേരിടും.