ദേശീയ റേസിങ് ചാമ്പ്യൻഷിപ്പിനും ടാലന്റ് കപ്പിനുമുള്ള ലൈനപ്പ് പ്രഖ്യാപിച്ച് ഹോണ്ട ടൂവീലേഴ്സ്

കൊച്ചി: ചെന്നൈയിൽ ഈ വാരാന്ത്യത്തിൽ തുടക്കം കുറിക്കുന്ന, 2021 എംആർ എഫ് എംഎംഎസ്സി എഫ്എംഎസ്സിഐ ഇന്ത്യൻ നാഷണൽ മോട്ടോർ സൈക്കിൾ റേസിങ് ചാമ്പ്യൻഷിപ്പിനുള്ള റൈഡേഴ്സ് ലൈനപ്പ് പ്രഖ്യാപിച്ച് ഹോണ്ട മോട്ടോർ സൈക്കിൾ ആന്ഡ് സ്കൂട്ടർ ഇന്ത്യ പ്രൈവറ്റ് ലിമിറ്റഡ്. ബ്രാൻഡ് ലീഡർഷിപ്പിലും സ്ട്രക്ച്ചറൽ ഡെവലപ്മെന്റിലും കേന്ദ്രീകരിച്ച്, ഈ വർഷം ദേശീയ, അന്താരാഷ്ട്ര ചാമ്പ്യൻഷിപ്പുകൾക്കായി ഐക്കോണിക് ഇന്ത്യൻ റൈഡരമാരെ രൂപപ്പെടുത്തിയെടുക്കുകയെന്ന കാഴ്ച്ചപ്പാടിന്, ഹോണ്ട ടൂവീലേഴ്സ് കൂടുതൽ പ്രാധാന്യം നല്കും.

ദേശീയ മോട്ടോർ സൈക്കിൾ റേസിങ് ചാമ്പ്യന്ഷിപ്പിന്റെ പ്രോ-സ്റ്റോക്ക് 165 സിസി വിഭാഗത്തിൽ പരിചയസമ്പന്നരായ രാജീവ് സേതു, സെന്തില്കുമാര് എന്നീ റൈഡര്മാരെ അണിനിരത്തി, മൂന്നാം കിരീടമാണ് ഇഡിമിത്സു ഹോണ്ട എസ്കെ 69 റേസിങ് ടീം ലക്ഷ്യമിടുന്നത്. ഇതോടൊപ്പം, കഴിവുള്ള യുവ റൈഡര്മാരെ ഇന്ത്യയുടെ ഭാവി സ്റ്റാര് റൈഡര്മാരായി രൂപപ്പെടുത്തുന്നതിലും, പരിപോഷിപ്പിക്കുന്നതിലും ഇഡിമിത്സു ഹോണ്ട ഇന്ത്യ ടാലന്റ് കപ്പ് 2021 ശ്രദ്ധ കേന്ദ്രീകരിക്കും.12 ഭാവിതലമുറ റൈഡര്മാര് ഇഡിമിത്സു ഹോണ്ട ഇന്ത്യ ടാലന്റ് കപ്പിന്റെ എന്എസ്എഫ് 250 ആര് വിഭാഗത്തില് അണിനിരക്കും.

സിബിആര് 150 ആര് വിഭാഗത്തില് ഇതാദ്യമായി 11കാരന് അശ്വിന് വിവേക് ഉള്പ്പെടെ 14 റൈഡര്മാരും മത്സരിക്കും. ഇന്ത്യയില് മോട്ടോര്സ്പോര്ട്സ് സംസ്കാരംവിപുലീകരിക്കുന്നതിനുള്ള ശ്രമങ്ങളില് ഒരുപടി കൂടി കടന്ന്, ഹോണ്ട ഹോര്നെറ്റ് 2.0 വണ് മേക്ക് റേസും ഹോണ്ട ടൂവീലേഴ്സ് ഇത്തവണ ട്രാക്കില് അവതരിപ്പിക്കും. 15 റൈഡര്മാര് പങ്കെടുക്കുന്ന റേസ്, റേസിങ് പ്രേമികള്ക്ക് വലിയ ആവേശം പകരും.ഇന്ത്യന് നാഷണല് മോട്ടോര്സൈക്കിള് റേസിങ് ചാമ്പ്യന്ഷിപ്പിന്റെ എല്ലാ വിഭാഗങ്ങളിലുമൂടെയുള്ള ഒരു ഓള് റൗണ്ടര് ലൈനപ്പുമായി, സീസണിന് ഞങ്ങള് തയാറാണെന്ന് ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യ പ്രൈവറ്റ് ലിമിറ്റഡ് ബ്രാന്ഡ് ആന്ഡ് കമ്മ്യൂണിക്കേഷന് സീനിയര് വൈസ് പ്രസിഡന്റ് പ്രഭു നാഗരാജ് പറഞ്ഞു. ഞങ്ങളുടെ റൈഡേഴ്സിന്റെ കഠിനാധ്വാനത്തില് ഞങ്ങള്ക്ക് ആത്മവിശ്വാസമുണ്ടെന്നും, ഈ വാരാന്ത്യത്തില് നിരവധി സര്പ്രൈസുകള് പ്രതീക്ഷിക്കുന്നതായും അദ്ദേഹം കൂട്ടിച്ചേര്ത്തു.