13
Saturday August 2022
ദാസനും വിജയനും

രാഷ്ട്രീയത്തിനപ്പുറം ജനം സ്നേഹിക്കുന്ന നേതാക്കളും ജനം വെറുക്കുന്ന നേതാക്കളും കേരളത്തിലുണ്ട്. കെ.ടി ജലീല്‍ അതില്‍ ഏത് വിഭാഗത്തിലാണ് ഉള്‍പ്പെടുന്നത് ? ഇന്നിപ്പോള്‍ ‘ഇ ഡി’ ഓഫീസില്‍ കയറി ഇറങ്ങിയുള്ള ഈ കളികള്‍ ഇ ഡി എന്നത് തന്റെ കളിക്കൂട്ടുകാർ ആണെന്നു സമൂഹത്തെ ബോധ്യപ്പെടുത്താന്‍ ഉദ്ദേശിച്ചുള്ളതാണ്. അതായത്… മുന്‍പ് തലയില്‍ തോര്‍ത്തിട്ട് വെളുപ്പാന്‍ കാലത്ത് പാത്തും പതുങ്ങിയും അവിടെ കയറിയതിന്‍റെ ക്ഷീണവും മാറ്റുകയും ആവാം – ദാസനും വിജയനും

ദാസനും വിജയനും
Thursday, September 9, 2021

കേരള രാഷ്ട്രീയത്തിൽ പല തരത്തിലുള്ള രാഷ്ട്രീയ നേതാക്കന്മാരും പ്രവർത്തകരും ഉണ്ട്. പക്ഷേ അവരെ എല്ലാവരെയും എല്ലാവരും ഇഷ്ടപ്പെടണമെന്നില്ല ! എല്ലാവരെയും എല്ലാവരും വെറുക്കണമെന്നുമില്ല .

എതിരാളികൾ പോലും ഇഷ്ടപ്പെട്ടിരുന്ന അല്ലെങ്കിൽ ഇഷ്ടപെടുന്ന പല രാഷ്ട്രീയ വ്യക്തിത്വങ്ങളും നമ്മുടെ കേരളക്കരയിൽ പിറവിയെടുത്തിട്ടുണ്ട്. ആശയങ്ങൾ കൊണ്ട് എതിരാണെങ്കിലും പല നേതാക്കന്മാരിലും വളരെ നല്ല അടുപ്പങ്ങളും ബന്ധങ്ങളും കാത്തുസൂക്ഷിക്കുന്നവരുമുണ്ട്.

ഇപ്പോൾ ഇങ്ങനെ ഒരു കാര്യം ഇവിടെ പ്രതിപാദിക്കുവാൻ കാരണക്കാരനായത് ഡോക്ടറും, മുൻ മന്ത്രിയും, വാഗ്മിയും, നന്മ നിറഞ്ഞവൻ എന്ന് സ്വയം കരുതുന്നവനും, വിവരമുള്ളവൻ എന്ന് ചിന്തിക്കുന്നവനും, വേണ്ടപ്പെട്ടവരെയെല്ലാം ജോലിയിൽ കയറ്റി സഹായിക്കുന്നവനും, തവനൂരിലെ സ്വയം കൽപ്പിത സുൽത്താനും, കുഞ്ഞാലിക്കുട്ടിയെ തോൽപ്പിച്ചവനുമായ (കെ.ടി) ജലീലിനെ കുറിച്ച് ഓർക്കുമ്പോഴും അദ്ദേഹം ഈയിടെയായി കാണിച്ചുകൂട്ടുന്ന കാര്യങ്ങളും ഫേസ്ബുക്കിലിടുന്ന പോസ്റ്റുകളുമൊക്കെ കാണുമ്പോഴുമാണ്.

കരുണാകരനാണ് ഇപ്പോള്‍ താരതമ്യം

ഒരു കാലഘട്ടത്തിൽ മലയാളികൾ ഏറെ ഇഷ്ടപ്പെട്ടിരുന്ന ലീഡർ കെ കരുണാകരനെ മാധ്യമങ്ങളുടെ അക്രമണത്താൽ അതേ ജനങ്ങൾ കുറച്ചു നാൾ വെറുത്തുവെങ്കിലും അദ്ദേഹം മരിക്കുന്നതിന് മുമ്പ് ജനങ്ങളുടെ ഇഷ്ടം തിരിച്ചുപിടിക്കുകയും മരണശേഷം ഇന്നിപ്പോൾ എല്ലാ കാര്യത്തിലും താരതമ്യപഠനം ചെയ്യുന്ന ഒരു വ്യക്തിത്വമായി മാറുന്നത് നാം കണ്ടു.

അതുപോലെ ഇകെ നായനാരും ഇഎംഎസും എകെജിയും ഗൗരിയമ്മയും സിഎച്ചും പിടി ചാക്കോയും കെഎം മാണിയും ഒക്കെ എതിരാളികള്‍ ഉള്‍പ്പെടെയുള്ള ജനങ്ങളുടെ മനസ്സിൽ ഇപ്പോഴും ജ്വലിച്ചു നിൽക്കുന്നു.

വെട്ടിനിരത്തി വെട്ടിപ്പിടിച്ചു, വി എസ്

വെട്ടിനിരത്തൽ സഖാവ് എന്ന കളിപ്പേരുമായി ഏറെ നാൾ ജയവും തോൽവിയും ഏറ്റുവാങ്ങിയ വിഎസ് അച്യുതാനന്ദൻ പിന്നീട് കേരളത്തിന്റെ കണ്ണും കരളുമായി മാറുകയായിരുന്നു. ആദർശത്തിന്റെ ഒരൊറ്റ പേരിൽ എകെ ആന്റണിക്ക് ഇന്നും കേരള രാഷ്ട്രീയത്തിൽ പ്രത്യേക ഇരിപ്പിടം ഉണ്ട്. അതുപോലെ ഉമ്മൻചാണ്ടിയും വിഎം സുധീരനും കോടിയേരിയും ഓ രാജഗോപാലുമൊക്കെ അവരവരുടെ സ്ഥാനങ്ങൾ വളരെ ഭദ്രമായി കാത്തു സൂക്ഷിക്കുന്നു.

കേരളത്തിന്റെ മുഖ്യമന്ത്രി സഖാവ് പിണറായി വിജയൻ ഒരു കാലഘട്ടത്തിൽ സ്വന്തം പാർട്ടി അണികളിലും എതിർ പാർട്ടിയിലെ പ്രവർത്തകരിലും അവമതിപ്പുണ്ടാക്കിയ നേതാവായിരുന്നു. പക്ഷെ കാലം അദ്ദേഹത്തിന് തിരിച്ചുവരവൊരുക്കിക്കൊണ്ട് ഇന്നിപ്പോൾ കേരളത്തിലെ ഏറ്റവും സ്വീകാര്യനായ വ്യക്തിത്വമാക്കി മാറ്റിയെടുത്തു.

എത്രയെത്ര ആരോപണങ്ങൾ അദ്ദേഹത്തിനെതിരെ ഇറങ്ങിയിട്ടും അജയ്യനായി ഇപ്പോഴും കേരളത്തിൽ നിലകൊള്ളുന്നതിന്റെ കാരണം അദ്ദേഹത്തിന്റെ അചഞ്ചലമായ നിലപാടുകളാണ്.

‘പിസി’ മാര്‍ക്കിത് കലികാലം

നിലപാടുകളില്ലാത്ത കുറെയധികം നേതാക്കന്മാർ ഇന്നും അലഞ്ഞുകൊണ്ടിരിക്കുന്ന കാഴ്ചകളും കേരളം കാണുന്നു. ‘പി.സി’യിൽ തുടങ്ങുന്ന പി.സി ചാക്കോയും, പി.സി തോമസും, പി.സി ജോർജ്ജും ഒക്കെ ജനങ്ങളുമായുള്ള ബന്ധം ഏതാണ്ട് ഇല്ലാതായ അവസ്ഥയിലാണ്.

അപ്പോഴും എം.എം മണിയും ശിവൻകുട്ടിയുമൊക്കെ കൂടുതൽ ജനകീയരായി കേരളത്തിൽ വിലസി നടക്കുന്നു. ഡോളർ കടത്തുകേസിൽ പേരുമോശം വന്നെങ്കിലും പഴയ സ്പീക്കര്‍ ശ്രീരാമകൃഷ്ണനോട് ജനങ്ങൾക്ക് വെറുപ്പില്ല .

കൈയ്യടിച്ചത് ബലറാമിനും സ്വരാജിനും 

ഇടതു സഹയാത്രികർക്ക് വിടി ബാലറാമിന്റെ തോൽ‌വിയിൽ അമിതമായ സന്തോഷം ഉള്ളതുപോലെ എം സ്വരാജിന്റെ തോൽവി ശരിക്കും പിണറായി 2 സർക്കാരിന്റെ വിജയത്തിനേൽപ്പിച്ച കനത്ത ആഘാതമാണ് .

കോൺഗ്രസ്സുകാർക്ക് ഭരണം കിട്ടിയില്ല എങ്കിലും സ്വരാജിന്റെ തോൽ‌വിയിൽ അവർ ഇപ്പോഴും ആഹ്ലാദത്തിലാണ്.

അതുപോലെ പാലായിൽ ജോസ്മോൻ തോറ്റപ്പോഴും ആറ്റിങ്ങലിൽ സമ്പത്ത് തോറ്റപ്പോഴും പാലക്കാട്ട് എംബി രാജേഷ്‌ തോറ്റപ്പോഴും ആലപ്പുഴയിൽ ഷാനിമോൾ തോറ്റപ്പോഴും ഉള്ളുകൊണ്ട് സന്തോഷിക്കാത്ത സ്വന്തം അണികൾ ഇല്ലാതില്ല. എങ്കിലും ഇവരോടോന്നും ആർക്കും വെറുപ്പ് ഉണ്ടെന്ന് തോന്നുന്നില്ല.

കുഞ്ഞാലിക്കുട്ടിയുടെ ഉര്‍വശീശാപം 

ശരിക്കും പറഞ്ഞാൽ കുറ്റിപ്പുറത്തെ ഇലക്ഷൻ തോൽവിയോടെ കുഞ്ഞാലിക്കുട്ടിയും മുസ്ലിം ലീഗും എന്നെന്നേക്കുമായി ഇല്ലാതാകേണ്ടതായിരുന്നു.

പക്ഷെ വിഎസ് അച്യുതാനന്ദൻ കുഞ്ഞാലിക്കുട്ടിക്കെതിരെ വ്യക്തിവൈരാഗ്യത്തിന്‍റെ കാടുകയറിയപ്പോള്‍ ലീഗ് എന്നത് കേരളത്തിൽ അവഗണിക്കാനാവാത്ത ശക്തിയായി മാറുകയായിരുന്നു. അതുപോലെ കുഞ്ഞാലിക്കുട്ടിയും.

അങ്ങനെയുള്ള അവസ്ഥകൾ മനസ്സിലാക്കിയ പിണറായിയും വാസവനും എ വിജയരാഘവനും ഇന്നിപ്പോൾ പണി കൊടുത്തത് ജലീലിനായിരുന്നു. അതിന്റെയർത്ഥം അമിതമായാൽ അമൃതും വിഷം എന്നതുതന്നെ.

ഇന്നിപ്പോൾ ഈ ദാസനും വിജയനും കേരളത്തിലെ ഒട്ടുമിക്ക നേതാക്കളെ കുറിച്ചും എഴുതി എങ്കിലും ജലീലിനെപോലെ ഒരാളെ കുറിച്ച് എഴുതുവാൻ വീണ്ടും വീണ്ടും പ്രേരിപ്പിക്കുന്നു എന്നത് അദ്ദേഹത്തിന്റെ ഒരു കഴിവായി കരുതാം.

നേട്ടം വിലയിരുത്തിയപ്പോള്‍

വയനാട്ടിൽ രാഹുൽഗാന്ധി മത്സരിച്ചപ്പോൾ പച്ചപതാക വിഷയം ഇന്ത്യയിലെ ആർഎസ്എസ് അനുഭാവികൾക്ക് മനസിലാക്കി കൊടുത്തതിൽ ജലീലിന്റെ പങ്ക് നിസാരമായിരുന്നില്ല.

അതുപോലെ പിണറായി വിജയൻറെ കേരളയാത്രയിൽ വിഎസ് അച്യുതാനന്ദന് എതിരായി കടലിലെ വെള്ളവും ബക്കറ്റിലെ വെള്ളവും അവതരിപ്പിച്ചതിൽ ജലീലിന്റെ പങ്ക് എല്ലാവർക്കുമറിയാം.

കേരളത്തിൽ ജലീലിനെ കൊണ്ട് ഏറ്റവും ഗുണം കിട്ടിയതു അദ്ദേഹത്തിന്റെ ബന്ധുവിനും പിന്നെ താനൂരിലെ അബ്ദുറഹ്മാനും നിലമ്പൂരിലെ അൻവറിനും മാത്രമാണ് . അത് മനസ്സിലാക്കിയ പിണറായി വിജയൻ അദ്ദേഹത്തിനെ തള്ളിപ്പറഞ്ഞതിൽ അത്ഭുതപ്പെടുവാനൊന്നുമില്ല.

ഇന്നിപ്പോൾ ജലീൽ ദിനേനെ എൻഫോഴ്‌സ്‌മെന്റ് ഡയറക്ടറേറ്റ് എന്ന ഇഡി യുടെ ഓഫീസിൽ കയറി ഇറങ്ങുന്നതിൽ വേറെ ലക്ഷ്യങ്ങളുമുണ്ട്.

അന്ന് അവർ ജലീലിനെ ചോദ്യം ചെയ്യാൻ വിളിപ്പിച്ചപ്പോൾ ആദ്യ തവണ ചേർത്തലയിലെ പണക്കാരനായ മുസ്ലിം കൂട്ടുകാരന്റെ വണ്ടിയിലും രണ്ടാം തവണ ആലുവയിലെ രാഷ്ട്രീയക്കാരനായ മുസ്ലിം കൂട്ടുകാരന്റെ വണ്ടിയിലും എത്തിയതും തലയിൽ മുണ്ടിട്ട് അങ്ങോട്ട് കയറിയതും മീഡിയയും ജലീലിന്റെ എതിരാളികളും അതുപോലെ ഉള്ളിന്റെ ഉള്ളിൽ ജലീലിന് വോട്ട് ചെയ്തവരും സ്വന്തം അണികളും ആഘോഷിച്ചതിന്റെ ക്ഷീണം മാറ്റുവാൻ ആണീ കളികൾ കളിച്ചു കൂട്ടുന്നത്.

ഇനിയിപ്പോൾ ഇഡി എന്നത് തന്റെ കളിക്കൂട്ടുകാർ ആണെന്നും അവരെ സമൂഹത്തിൽ നിസ്സാരവത്കരിക്കുവാനും ആണ് ഈ കളികൾ കളിക്കുന്നത് എന്നത് ഏവർക്കും മനസ്സിലായി തുടങ്ങി.

ഇനിയും ജലീലുമാരെ സഹിക്കാനാവുന്നില്ല എന്ന തിരിച്ചറിവിൽ കുറ്റിപ്പുറത്തെ മീൻ കടക്കാരൻ ദാസനും അവസരവാദികളെ കേരളത്തിൽ ഒറ്റപ്പെടുത്തണമെന്നാവശ്യപ്പെട്ടുകൊണ്ട് മിസ്റ്റർ വിജയനും

Related Posts

More News

ബഹ്റൈന്‍: ഇന്ത്യയുടെ 75 -ാമത് സ്വാതന്ത്ര്യ ദിനാഘോഷങ്ങളുടെ ഭാഗമായി മുഹറഖ് മലയാളി സമാജം (എംഎംഎസ്) പ്രസംഗ മത്സരം സംഘടിപ്പിക്കുന്നു. ‘സ്വാതന്ത്ര്യ സമര നായകർ’ എന്ന വിഷയത്തിലാണ് പ്രസംഗം അവതരിപ്പിക്കേണ്ടത്. 15 വയസ് വരെയുള്ള കുട്ടികൾക്ക് ഒരു കാറ്റഗറിയും മുതിർന്നവർക്ക് ഒരു കാറ്റഗറിയും ആയാണ് മത്സരം നടത്തുന്നത്. മത്സരത്തിൽ പങ്കെടുക്കുന്നവർ പ്രസംഗം 3 മിനിറ്റിൽ കുറയാത്ത വീഡിയോ റെക്കോർഡ് ചെയ്തു 39312388, 33874100 എന്നി വാട്സപ്പ് നമ്പറുകളിൽ അയക്കുക. പേരും സിപിആര്‍ നമ്പറും വെക്കുവാൻ ശ്രദ്ധിക്കണം. എൻട്രികൾ അയക്കേണ്ട […]

തിരുവനന്തപുരം: സ്വാതന്ത്ര്യത്തിന്‍റെ 75-ാം വാർഷികത്തോടനുബന്ധിച്ച് സംഘടിപ്പിച്ച ‘ഹർ ഘർ തിരംഗ’ പരിപാടിയുടെ ഭാഗമായി ശാസ്തമംഗലത്തെ വീടിന് മുന്നിൽ സുരേഷ് ഗോപിയും കുടുംബവും ദേശീയപതാക ഉയർത്തി. സുരേഷ് ഗോപിയും ഭാര്യ രാധികയും ചേർന്നാണ് പതാക ഉയർത്തിയത്. ‘ആസാദി കാ അമൃത്’ മഹോത്സവത്തിൽ അഭിമാനത്തോടെ പങ്കെടുക്കുകയാണെന്നും രാജ്യത്ത് 365 ദിവസവും വീടുകളിൽ ദേശീയപതാക പാറണമെന്നാണ് ആഗ്രഹമെന്നും സുരേഷ് ഗോപി പറഞ്ഞു. 1999 കളിൽ പോലും യുഎസിലെ വീടുകളിലെ ദിനചര്യയുടെ ഭാഗമായിരുന്നു ദേശീയ പതാക. അന്ന് അത് ഇന്ത്യയിലായിരുന്നെങ്കിൽ എന്ന് താൻ […]

പ്രധാനമന്ത്രിയുടെ ‘ഹര്‍ ഘര്‍ തിരംഗ’ ക്യാമ്പയിനിന്റെ ഭാഗമായി മമ്മൂട്ടി. താരത്തിന്റെ വസതിയില്‍ വച്ചാണ് ത്രിവര്‍ണ പതാക ഉയര്‍ത്തിയത്. മമ്മൂട്ടിയോടൊപ്പം നിര്‍മ്മാതാവ് ആന്റൊ ജോസഫും പതാക ഉയര്‍ത്തല്‍ ചടങ്ങില്‍ പങ്കെടുത്തു. സുരേഷ് ഗോപിയും മോഹന്‍ലാലും രാവിലെ പതാക ഉയര്‍ത്തിയിരുന്നു. ആസാദി കാ അമൃത് മഹോത്സവത്തില്‍ അഭിമാനപൂര്‍വ്വം പങ്ക് ചേരുന്നുവെന്നും ‘ഹര്‍ ഘര്‍ തിരംഗ’ രാജ്യ സ്‌നേഹം ഊട്ടിയുറപ്പിക്കാനും ഒന്നായി മുന്നേറാനും സഹായിക്കുമെന്നും മോഹന്‍ലാലും അഭിമാനമെന്ന് സുരേഷ് ഗോപിയും പറഞ്ഞിരുന്നു. ക്യാമ്പയിനിലൂടെ 20 കോടിയിലധികം വീടുകള്‍ക്ക് മുകളില്‍ ദേശീയ പതാക […]

കന്നഡ നടിയായിരുന്ന നിവേദിതയാണ് താരത്തിന്ന്റെ ഭർത്താവ്. അച്ഛന്റെ പാത പിന്തുടർന്ന് അർജുന്റെ മകൾ ഐശ്വര്യയും സിനിമയിലേക്ക് എത്തിയിരുന്നു. ഐശ്വര്യ സമൂഹ മാധ്യമങ്ങളിൽ വളരെ സജീവമാണ്. ഐശ്വര്യ ചെയ്ത പുതിയ ഫോട്ടോഷൂട്ടിലെ ചിത്രങ്ങളാണ് വൈറലായി മാറിയിരിക്കുന്നത്. ഷോർട്സിൽ പൊളി ലുക്കിലാണ് ഐശ്വര്യയെ ചിത്രങ്ങളിൽ കാണാൻ സാധിക്കുന്നത്. കാണാൻ സുന്ദരിയായിട്ടുണ്ടെന്ന് ഒരുപാട് ആരാധകരാണ് കമന്റുകൾ ഇട്ടിരിക്കുന്നത്. വിശാലിന്റെ നായികയായി അഭിനയിച്ചുകൊണ്ടാണ് ഐശ്വര്യ തുടക്കം കുറിച്ചത്. 2013-ലാണ് ഐശ്വര്യ ആദ്യമായി അഭിനയിക്കുന്നത്. പക്ഷേ അച്ഛനെ പോലെ സിനിമയിൽ തിളങ്ങാൻ ഐശ്വര്യയ്ക്ക് സാധിച്ചിരുന്നില്ല […]

മുഖ്യമന്ത്രിയുടെ പ്രൈവറ്റ് സെക്രട്ടറിയും മുന്‍ എംപിയുമായ കെ കെ രാഗേഷിന്റ ഭാര്യ പ്രിയ വര്‍ഗീസിന്റെ കണ്ണൂര്‍ സര്‍വകലാശാലയിലെ നിയമനവുമായി ബന്ധപ്പെട്ട് നിര്‍ണായക രേഖ പുറത്ത്. അഭിമുഖത്തില്‍ തിരിമറി നടത്തിയെന്നാണ് ആക്ഷേപമുയരുന്നത്. സര്‍വകലാശാലയില്‍ അസോസിയേറ്റ് പ്രൊഫസര്‍ പദവിക്കായി അപേക്ഷിച്ചവരില്‍ ഏറ്റവും കുറവ് റിസര്‍ച്ച് സ്‌കോര്‍ പ്രിയ വര്‍ഗീസിനായിരുന്നു. എന്നാല്‍ അഭിമുഖം നടത്തിയപ്പോള്‍ കൂടുതല്‍ മാര്‍ക്ക് ലഭിച്ചതും പ്രിയയ്ക്കാണ്. അഭിമുഖത്തിലെ ഉയര്‍ന്ന മാര്‍ക്കാണ് പ്രിയ വര്‍ഗീസിന് ഒന്നാം റാങ്ക് ലഭിക്കാന്‍ കാരണമായത്. ഗവേഷണത്തിന് 156 മാര്‍ക്ക് മാത്രമാണ് ഒന്നാം റാങ്ക് […]

തിരുവനന്തപുരം: മന്ത്രിമാർക്കെതിരായ സിപിഎം വിമർശനം അംഗീകരിച്ച് മുഖ്യമന്ത്രി പിണറായി വിജയൻ. മന്ത്രിമാർ ജാഗ്രത പുലർത്തണമെന്ന് മുഖ്യമന്ത്രി പറഞ്ഞു. മന്ത്രിമാർക്ക് പരിചയക്കുറവുണ്ട്. എങ്കിലും മുന്നോട്ടു വരുമെന്നാണ് പ്രതീക്ഷ. ഒന്നാം സർക്കാരും രണ്ടു വർഷമൊക്കെ എത്തിയപ്പോഴാണ് മികച്ച നിലയിലേക്ക് വന്നത്. പറയുന്നത് പോലുള്ള വലിയ പ്രശ്നമില്ല. എങ്കിലും പാർട്ടിയുടെ പ്രതീക്ഷയ്‌ക്കൊത്ത് വരണമെന്ന നിർദേശം ഉൾക്കൊള്ളുന്നതായി വിമർശനങ്ങൾക്കു മറുപടിയായി മുഖ്യമന്ത്രി പറഞ്ഞു. മന്ത്രിമാർ പെരുമാറ്റത്തിൽ ശ്രദ്ധിക്കണമെന്നും മുഖ്യമന്ത്രി നിർദേശം നൽകി. ഓഫിസിലെത്തുന്ന ജനങ്ങളെ മടുപ്പിക്കുന്ന തരത്തിൽ പെരുമാറരുത്. ഓഫിസുകളുടെ പ്രവർത്തനത്തിൽ ശ്രദ്ധ […]

പാലക്കാട്: തകര്‍ന്ന റോഡിലെ ചെളിവെള്ളത്തില്‍ കുളിച്ച് യുവാവിന്റെ പ്രതിഷേധം. പട്ടാമ്പി നഗരത്തിലെ റോഡ് തകര്‍ച്ചയിലാണ് കരിമ്പുള്ളി സ്വദേശി ഷമ്മില്‍ റോഡിലെ കുഴിയില്‍ െകട്ടിനിന്ന വെള്ളത്തില്‍ കുളിച്ചത്. കുഴിയില്‍ വാഴ നട്ടും പ്രതിഷേധത്തിന്റെ വ്യാപ്തി കൂട്ടി. പാലക്കാട് – ഗുരുവായൂർ സംസ്ഥാന പാതയിലെ പട്ടാമ്പി ഭാഗത്തെ റോഡുകൾ മഴ കനത്തതോടെ പൂര്‍ണമായും തകര്‍ന്നു. വാടാനാംകുറുശ്ശി മുതൽ മേലെ പട്ടാമ്പി ജംക്‌ഷൻ വരെയുള്ള ഭാഗത്ത് വലിയ കുഴികൾ രൂപപ്പെട്ടു. റോഡിലെ കുഴികൾ അടയ്ക്കണമെന്നും ജനങ്ങൾക്കുണ്ടാക്കുന്ന ദുരിതത്തിന് പരിഹാരം കാണണമെന്നും ആവശ്യപ്പെട്ട് […]

പാലക്കാട്: ജില്ല ആശുപത്രിയിലെ പ്രസവാനന്തര വാർഡിൽ ചുടുവെള്ളം കിട്ടാതെ പ്രസവിച്ച അമ്മമാരും കൂട്ടു ഇരുപ്പുക്കാരും ബുദ്ധിമുട്ടുന്നതായി പരാതി. പ്രസവിച്ചവർക്ക് കൂടുതലും ചുടുവെള്ളം ആവശ്യമായിരിക്കെ അധികൃതർ ശ്രദ്ധിക്കാത്തത് ശക്തമായ പ്രതിഷേധത്തിനിടയാക്കുന്നു. ഒരു ബക്കറ്റ് വെള്ളം ഇരുപത്തിയഞ്ചു രൂപ കൊടുത്ത് പുറമേ നിന്നും വാങ്ങി കൊണ്ട് വന്ന് ഒന്നാം നിലയിലേക്കും രണ്ടാം നിലയിലേക്കും കൊണ്ടു പോകേണ്ട അവസ്ഥയാണ് ഇപ്പോൾ ഉള്ളത്. സിസേറിയനിലൂടെപ്രസവിച്ചുവരാണ് രണ്ടാം നിലയിലുള്ളത്. കൂടെ ഒരാൾക്കേ നിൽക്കാൻ പാടുള്ളൂ. അതിൽ പലരും പ്രായമായവരാണ്. അവർക്ക് വെള്ളം കൊണ്ടുവരികയെന്നത് ഏറെ […]

കൊച്ചി: ‘ന്നാ താന്‍ കേസ്‌കൊട്’ ചിത്രവുമായി ബന്ധപ്പെട്ട വിവാദത്തില്‍ മന്ത്രി പി.എ. മുഹമ്മദ് റിയാസിന്റെ പ്രതികരണത്തെ അഭിനന്ദിച്ച് നിർമാതാവ് സന്തോഷ് ടി. കുരുവിള. ഒരു വരി പോലും എടുത്ത് മാറ്റാനോ വിയോജിക്കാനോ ഇല്ലാത്ത വിധം മനോഹരമായ മറുപടിയാണ് മുഹമ്മദ് റിയാസ് നല്‍കിയത് എന്ന് സന്തോഷ് ടി. കുരുവിള സമൂഹമാധ്യമത്തിലൂടെ പറഞ്ഞു.. സന്തോഷ് ടി. കുരുവിളയുടെ വാക്കുകൾ: ഒരു വരി പോലും എടുത്ത് മാറ്റാനോ വിയോജിക്കാനോ ഇല്ലാത്ത വിധം വളരെ മനോഹരമായ മറുപടിയാണ് മുഹമ്മദ്‌ റിയാസ് ഇന്ന് നൽകിയത്. […]

error: Content is protected !!