28
Saturday May 2022
ദാസനും വിജയനും

ചേര്‍ത്തലയിലെ ആശാരിയുണ്ടാക്കിയ കടപ്പക്കോല് കണ്ടിട്ട് ക്രിസ്തുവിനും മുമ്പുള്ള മോശയുടെ അംശവടിയെന്ന് കരുതി മുത്തിയിട്ട് പോന്ന ബിഷപ്പുമാര്‍ വരെയുണ്ട്. 2 ലക്ഷത്തി 60000 കോടി അക്കൗണ്ടിലുണ്ട് എന്ന് ഒരു ഫ്രോഡ് പറഞ്ഞപ്പോള്‍ ആ സംഖ്യ പണ്ട് മന്‍മോഹന്‍ സിങ്ങ് അവതരിപ്പിച്ച കേന്ദ്ര ബജറ്റിലെ ആകെ സംഖ്യയേക്കാള്‍ അധികമാണെന്നറിയാതെ ആര്‍ത്തി മൂത്ത് ഓടിക്കൂടിയവരെയൊക്കെ ചാട്ടകൊണ്ട് അടിക്കുകയല്ലേ വേണ്ടത് – ദാസനും വിജയനും എഴുതുന്നു !

ദാസനും വിജയനും
Monday, September 27, 2021

ണ്ടുലക്ഷത്തി അറുപത്തിനായിരം കോടി എന്നൊക്കെ കേൾക്കുമ്പോൾ വിശ്വസിച്ചു പോകുന്ന മലയാളി എന്നാൽ നമ്മുടെ നാട്ടിൽ കോടികൾക്കൊന്നും ഒരു വിലയില്ലാതായി എന്ന് വേണം കരുതുവാൻ .

പണ്ടൊക്കെ നമ്മുടെ സിനിമകളിൽ പത്തു ലക്ഷത്തിനും അൻപത് ലക്ഷത്തിനുമൊക്കെയായിരുന്നു കള്ളക്കടത്തുകാർ എതിരാളികളെ വകവരുത്തിയിരുന്നത് എങ്കിലും ഇന്നിപ്പോൾ അൻപത് കോടിക്കും നൂറു കോടിക്കും ഒക്കെയാണ് സിനിമകളിലെ വില്ലന്മാർ കാര്യങ്ങൾ കൈകാര്യം ചെയ്തിരുന്നത് .

അമേരിക്ക, ജപ്പാൻ, ജർമ്മനി പോലുള്ള രാജ്യങ്ങളുടെ രാജ്യ സുരക്ഷാ ബഡ്‌ജറ്റുകളെക്കാൾ വലുതാണ് നമ്മുടെ ചേർത്തലക്കാരൻ ജനങ്ങളെ പറ്റിക്കുവാൻ ഉണ്ടാക്കിയ കടലാസുവർക്കുകൾ .

ഏതാനും വര്‍ഷങ്ങള്‍ക്ക് മുന്‍പു വരെ ഇന്ത്യയുടെ ആകെ കേന്ദ്ര ബജറ്റ് ഇപ്പറഞ്ഞ രണ്ടുലക്ഷത്തി അറുപത്തിനായിരം കോടി വരില്ല. അതും മലയാളി വിശ്വസിച്ചു.


ക്രിസ്തുവിനും മുന്‍പുള്ള മോശയുടെ അംശവടിയും രണ്ടായിരം വർഷം പഴക്കമുള്ള ബൈബിളും ഒക്കെ പോയികണ്ട് മുത്തിയവരില്‍ ബിഷപ്പുമാരും ആര്‍ച്ച് ബിഷപ്പുമാരും വരെയുണ്ടത്രേ. ഒന്നേകാല്‍ നൂറ്റാണ്ടിലേറെ പഴക്കമുള്ള പഴയ നസ്രാണി ദീപിക ആണെങ്കില്‍ അതേക്കുറിച്ച് ഒരു സണ്ടേ സപ്ലിമെന്‍റ് വരെയിറക്കി, അതും ഒരു മുതിര്‍ന്ന വൈദികന്‍റെ രചനയില്‍.


എന്നിട്ടും മോശ ജീവിച്ചിരുന്ന കാലഘട്ടം പോലും മനസിലാക്കാനുള്ള ബുദ്ധി ഈ വിവരദോഷികള്‍ക്ക് ഇല്ലാതെ പോയല്ലോ , ദൈവമേ ! പിന്നല്ലേ സാധാരണ മനുഷ്യര്‍.

രണ്ടുലക്ഷത്തി അറുപത്തിനായിരം കോടി രൂപ ഗൾഫ് രാജ്യങ്ങളിൽ നിന്നും ബ്രൂണെയിൽ നിന്നും കിട്ടാനുണ്ട് എന്ന് കാണിച്ചുകൊണ്ട് ബാങ്ക് ട്രാൻസ്‌ഫർ രേഖകൾ ഉണ്ടാക്കിയപ്പോൾ, ആ പണം കിട്ടണമെങ്കിൽ ഇന്ത്യയിലെ റിസർവ് ബാങ്കിൽ ചെറിയ തുക പിഴയായി അടക്കണം എന്നൊക്കെ പറയുമ്പോൾ വിശ്വസിച്ചു പണം കൊടുക്കുന്നവനെയാണ് ആദ്യം പോലീസ് പോക്കേണ്ടത്.

രണ്ടുലക്ഷത്തി അറുപത്തിനായിരം കോടി രൂപ കയ്യിൽകിട്ടുമ്പോൾ അതിൽനിന്നും നൂറു കോടി രൂപ പലിശയില്ലാതെ കിട്ടാനുള്ള ആർത്തി മൂത്തവർ പണം അഡ്വാൻസ് ആയി കൊടുത്തപ്പോൾ അവരെയാണ് അടിക്കേണ്ടത് .

കുറെ കാലങ്ങളായി ഇതുപോലെയുള്ള ഇടപാടുകൾ കേരളത്തിലും മറ്റുള്ളയിടങ്ങളിലും നടന്നുവരുന്നു. ആഫ്രിക്കയിൽ വിമാനാപകടത്തിൽ മരണമടഞ്ഞ രാജാക്കന്മാരുടെ അനന്തരാവകാശികൾ എന്ന് അവകാശപ്പെട്ട് കുറെ നൈജീരിയക്കാർ മലയാളികളുടെ കോടിക്കണക്കിനു രൂപ വസൂലാക്കിയിട്ടുണ്ട്.

അവരുടെ പണം വിദേശത്തേക്ക് അയക്കണമെങ്കിൽ ബാങ്കിന് ചെറിയ ഫീസ് കൊടുക്കണമെന്നും ആ പണം വിദേശത്തേക്ക് എത്തിയാൽ പകുതി പാർട്ണർ ആക്കാമെന്ന ഉറപ്പിന്മേൽ പണമയച്ചവർ ധാരാളം .

പിന്നെ ഇറാഖ് യുദ്ധത്തിൽ ഉൾപ്പെട്ട അമേരിക്കൻ മറീനുകളുടെ പേരിൽ മെയിലുകൾ വന്നു തുടങ്ങി , അവിടെ നിന്നും കിട്ടിയ പെട്രോളിയം കിണറുകളിലെ വരുമാനം വിദേശത്തേക്ക് അയക്കുവാനുള്ള ബാങ്ക് ഫീസ് ആവശ്യപ്പെട്ടുള്ള മെയിലുകൾ .

അത് കഴിഞ്ഞപ്പോൾ സിറിയയിലും ലിബിയയിലും മറന്നുവെച്ചുപോയ ഡോളർ പെട്ടികളുടെ പിന്നാലെയായി ഇക്കൂട്ടരുടെ പരക്കം പാച്ചിൽ .

ഈയിടെയായി വരുന്ന സുന്ദരികളായ പെണ്ണുങ്ങളുടെ പേരിലുള്ള വാട്സ്ആപ്പുകൾ അഫ്ഘാനിസ്ഥാനിലെ ഡോളർ പെട്ടികളുടെ കഥകളുമായിട്ടാണ്. കുറെ ഞരമ്പ് രോഗികളും ആർത്തി മൂത്തവരും ഇവരുടെ കെണിയിൽ പെട്ട് മിണ്ടാതിരിക്കുന്നുണ്ട്.

കേരളത്തിലെ ഈ ഡോക്ടർ മോൺസന്റെ ഏജന്റുമാർ നിസാരക്കായിരുന്നില്ല. സംസ്ഥാന അവാർഡുകൾ കിട്ടിയ അധ്യാപകർ, മറ്റുള്ളവരുടെ ജീവിതം ചികഞ്ഞുനോക്കി കുത്തിപൊന്തിക്കുന്ന ഉന്നത ചാനൽ മേധാവികൾ, റിപ്പോർട്ടർമാർ, പൊലീസിലെ ചില കൈക്കൂലിക്കാർ, സിനിമ നടന്മാരുടെ വാലുകളായി നടക്കുന്ന ചില ഈസിമണി ചെറുപ്പക്കാർ, പെണ്ണുപിടിയന്മാർ, രാഷ്ട്രീയക്കരുടെ പിന്നാലെ നടന്നുകൊണ്ട് അവരെ കുഴിയിൽ ചാടിക്കുന്ന ചില ബ്രോക്കർമാർ, ചില അലവലാതി ഇൻഫ്ളുവൻസർമാർ, ഇവരൊക്കെയാണ് ഈ പുരാവസ്‌തുക്കാരന്‍റെ ഏജന്റുമാർ.

തമിഴ്‌നാട്ടിലെ രാജപാളയം, തിരുന്നേൽവേലി പോലുള്ള സഥലങ്ങൾ കേന്ദ്രമാക്കി കുറെയധികം ചെറുപ്പക്കാർ നാഗമാണിക്യവും താഴികക്കുടവുമൊക്കെ അന്വേഷിച്ചുനടക്കുന്ന ഒരു കാലമുണ്ടായിരുന്നു. അതിപ്പോഴും നടക്കുന്നുണ്ട് എന്നാണറിയുന്നത്.

നല്ല നല്ല കമ്പനികളിൽ ജോലി നോക്കിയിരുന്ന ചെറുപ്പക്കാർ ജോലിയൊക്കെ വലിച്ചെറിഞ്ഞുകൊണ്ട് താഴികക്കുടത്തിനും നാഗമാണിക്യത്തിനും പിന്നാലെ വര്‍ഷങ്ങളോളം പോയിരുന്നു. അതിന്റെ ഭാഗമായാണ് മൂന്നാറിൽ അരങ്ങേറിയ കൊലപാതകങ്ങളും ആത്മഹത്യയുമൊക്കെ.

സ്വർണ്ണ ലിപികളിൽ ഉള്ള ലോകത്തിലെ ഏറ്റവും ചെറിയ ഖുർ ആനും രണ്ടായിരം വർഷം പഴക്കമുള്ള ബൈബിളും ഒക്കെ കണ്ടു കണ്ണ് തള്ളിയവരിൽ നാമെല്ലാം ഉൾപ്പെടുന്നു.


ചേർത്തലയിലെ ആശാരിയെകൊണ്ടുണ്ടാക്കിയ സിംഹാസനവും കിരീടവും ഒക്കെ ചാണകത്തിൽ പൊതിഞ്ഞു വെച്ചാൽ അതെല്ലാം പിന്നീട് പുരാവസ്തുവിന്റെ പോലെ ആകുമെന്നുള്ള വിദ്യ മനസ്സിലാക്കിയ മോൺസൺ, മലയാളിയുടെ വീക്നെസ്സായ ആഡംബര കാറുകൾ കാണിച്ചും മലയാളിക്ക് പണി കൊടുത്തു.


മോൺസൺ പണം വാങ്ങിയവരിൽ ആലപ്പുഴക്കാരനായ ഒരു കച്ചവടക്കാരനും ഉണ്ടെന്നാണ് അറിഞ്ഞത് . ഇതേ കച്ചവടക്കാരൻ ഇതിനുമുമ്പും സിനിമയിൽ നിക്ഷേപമെന്നു പറഞ്ഞുകൊണ്ട് ഒരാൾക്ക് പണം കൊടുത്തു , പിന്നീട് കേസ് ആയി മാറിയിരിക്കുന്നു.

ഇവരൊന്നും ജീവിക്കുന്നത് ഈ നാട്ടിൽ തന്നെയല്ലേ എന്ന് തോന്നിപ്പോകുന്ന തരത്തിലാണ് വാർത്തകൾ വന്നുകൊണ്ടിരിക്കുന്നത്.

ഈ മനുഷ്യന്റെ വീടിന്റെ മതിലും അതുപോലെ വാതിൽപ്പടിയിൽ തൂക്കിയിരിക്കുന്ന നെയിം ബോർഡുകളും കണ്ടാൽ തന്നെ അരി ഭക്ഷണം കഴിക്കുന്ന ഏവർക്കും മനസ്സിലാക്കാവുന്ന കാര്യങ്ങളെ ഉള്ളൂ.

നല്ലതുപോലെ അധ്വാനിച്ചിരുന്ന ഇന്ത്യയിലെ ചെറുപ്പക്കാരുടെ ക്രിയാത്മക ശേഷി ഇല്ലാതാക്കുവാൻ ഏതോ ഛിദ്രശക്തികൾ ഇറക്കിവിടുന്ന മറ്റൊരു ജിഹാദാണ് ഈ ”നിധി ജിഹാദ് ”.

ഒട്ടുമിക്ക സംസ്ഥാനങ്ങളിലെയും ചെറുപ്പക്കാർ ഈ നിധികൾക്കും നാഗമാണിക്യത്തിനും താഴികക്കുടങ്ങൾക്കും സുൽത്താന്റെ വാളുകൾക്കും പിന്നാലെ ഉറക്കമിളച്ചു ഓടുകയാണ് . അവർ നിധി കിട്ടുന്നതുവരെ ഓടിക്കൊണ്ടേയിരിക്കും . അവർ ഓടട്ടെ !!!

ഡോക്ടർ മോൺസാണ് ഒരു അവാർഡുകൂടി പ്രഖ്യാപിച്ചുകൊണ്ട് മന്ത്രി ദാസനും ഡോക്ടർ മോൺസന്റെ തൊലിപ്പുറത്തെ ചികിത്സക്കായി മന്ത്രി വിജയനും

Related Posts

More News

കടുത്തുരുത്തി: എൽജെഡി മുൻ സംസ്ഥാന പ്രസിഡന്റും, രാജ്യസഭാ അംഗവും ആയിരുന്ന എം.പി. വീരേന്ദ്രകുമാറിന്റെ രണ്ടാം അനുസ്മരണ യോഗവും, പുഷ്പാർച്ഛനയും എൽജെഡി കടുത്തുരുത്തി നിയോജകമണ്ഡലം കമ്മറ്റിയുടെ നേതൃത്വത്തിൽ പെരുവയിൽ നടത്തി. നിയോജകമണ്ഡലം പ്രസിഡന്റ്‌ ടോമി മ്യാലിൽ അധ്യക്ഷൻ ആയിരുന്നു. കേരള കോൺഗ്രസ്‌ (ജേക്കബ്) സ്റ്റേറ്റ് കമ്മിറ്റി അംഗവും, മുളക്കുളം പഞ്ചായത്ത്‌ മുൻ പ്രസിഡന്റും ആയിരുന്ന കെ.പി. ജോസഫ് അനുസ്മരണയോഗം ഉത്ഘാടനം ചെയ്തു. മുഖ്യ അനുസ്മരണ പ്രഭാഷണo എൽജെഡി സ്റ്റേറ്റ് കമ്മറ്റി അംഗം ടി.എം. ജോസഫ് നടത്തി. കോൺഗ്രസ് മണ്ഡലം […]

കുവൈറ്റ്: ഫ്‌ലൈറ്റെർസ് എഫ്‌സിയുടെ ജനറൽ ബോഡി യോഗം മെയ് 26 ന് ബദ്ർ അൽ സമ ഹാളിൽ വെച്ച് നടന്നു. ക്ലബ് സെക്രട്ടറി അഷ്‌കർ അധ്യക്ഷത വഹിച്ചു. ടീം ക്യാപ്റ്റൻ മുസ്തഫ സ്വാഗതവും വിഷയാവതരണം ക്ലബ് പ്രസിഡന്റ് ശുഐബ്‌ ഷെയ്ഖും നടത്തി. ആശംസകൾ അറിയിച്ച് സലീം, രിഫാഇ, മുസ്തഫ സാൽമിയ എന്നിവർ സംസാരിച്ചു. ഉദയൻ അൽ നൂർ നന്ദി പ്രകാശിപ്പിച്ചു. 2022 – 2024 ഫ്‌ലൈറ്റെർസ് എഫ്‌സി ഭാരവാഹികളായി അഹ്മദ് കല്ലായി (ഡയറക്ടർ), ശുഐബ്‌ ഷെയ്ഖ് (പ്രസിഡണ്ട്), […]

ലണ്ടൻ: മാൻ ബുക്കർ പ്രൈസ് തനിക്ക് കൂടുതൽ ഉത്തരവാദിത്തം നൽകുന്നുവെന്ന് എഴുത്തുകാരി ഗീതാഞ്ജലി ശ്രീ. സാഹിത്യത്തോടും എഴുത്തുകാരിയെന്ന് നിലയ്ക്ക് തനിക്ക് സ്വയമേവയും കൂടുതൽ ഉത്തരവാദിത്തങ്ങൾ നൽകുന്ന നേട്ടമാണിത്. ടൂംബ് ഓഫ് സാൻഡിന് ലഭിച്ച പുരസ്കാരത്തിന്‍റെ നിറവിൽ സംസാരിക്കുകയായിരുന്ന ഗീതാഞ്ജലി. ആദ്യമായാണ് ഒരു ഹിന്ദി എഴുത്തുകാരിക്കും ഇന്ത്യൻ ഭാഷയിൽ എഴുതിയ ഒരു സാഹിത്യ സൃഷ്ടിക്കും ബുക്കർ കിട്ടുന്നത്. പുരസ്കാരത്തെ ഹിന്ദി ഭാഷയ്ക്കും സാഹിത്യത്തിനും ലഭിച്ച അംഗീകാരമായി കാണുന്നുവെന്നു. അംഗീകാരങ്ങൾ ലഭിക്കേണ്ടതായ ധാരാളം സൃഷ്ടികൾ ഹിന്ദിയിലുണ്ടെന്നും ഗീതാഞ്ജലി ഇന്ത്യ ടുഡേയോട് […]

കൊച്ചി: നടി കേസിൽ ദിലീപിനെതിരെ നിർണായക വെളിപ്പെടുത്തൽ നടത്തിയ സംവിധായകൻ ബാലചന്ദ്രകുമാറിനെതിരെ ഉയർന്ന ബലാത്സംഗ കേസിൽ പൊലീസ് കോടതിയില്‍ വീണ്ടും അന്വേഷണ റിപ്പോർട്ട് സമർപ്പിച്ചു. എളമക്കര പൊലീസ് രജിസ്റ്റർ ചെയ്ത കേസിലാണ് ആലുവ കോടതിയില്‍ അന്വേഷണ റിപ്പോര്‍ട്ട് സമര്‍പ്പിച്ചത്. പൊലീസ് അന്വേഷണം നിര്‍ജ്ജീവമാണെന്ന് കാണിച്ച് യുവതി കോടതിയെ സമീപിച്ചിരുന്നു. ഇതേ തുടര്‍ന്നാണ് ഇതുവരെയുള്ള അന്വേഷണ പുരോഗതി റിപ്പോർട്ട് ആയി സമർപ്പിക്കാൻ പൊലീസിനോട് കോടതി ആവശ്യപ്പെട്ടത്. മുമ്പ് മെയ് 19 ന് അന്വേഷണ ഉദ്യോഗസ്ഥർ ഒരു റിപ്പോർട്ട് സമര്‍പ്പിച്ചിരുന്നെങ്കിലും […]

കോട്ടയം: പി സി ജോര്‍ജിന്‍റെ തൃക്കാക്കരയിലെ പ്രചാരണത്തിന് തടയിട്ട് പൊലീസ്. നാളെ ഫോര്‍ട്ട് പൊലീസ് സ്റ്റേഷനില്‍ ഹാജരാകാന്‍ നിര്‍ദ്ദേശം നല്‍കി. അന്വേഷണത്തിന് ആവശ്യമായ വിവരം ശേഖരിക്കാന്‍ നാളെ 11 മണിക്ക് ഹാജരാകണം. പി സി ജോര്‍ജ് നാളെ തൃക്കാക്കരയില്‍ പോകാനിരിക്കെയാണ് പൊലീസ് നീക്കം. തൃക്കാക്കരയിൽ രാഷ്ട്രീയ പ്രവർത്തകന്‍റെ പരിമിതിയിൽ നിന്ന് പറയാനുള്ളത് പറയുമെന്നായിരുന്നു പി സി ജോര്‍ജ് പറഞ്ഞത്. പരസ്യപ്രചാരണം അവസാന ഘട്ടത്തിൽ എത്തി നിൽക്കുമ്പോൾ വിദ്വേഷ പ്രസം​ഗ കേസിൽ ജാമ്യം ലഭിച്ച മുൻ എംഎൽഎ പി […]

കൊച്ചി: ഡ‍ോ. ജോ ജോസഫിനെതിരായ വീഡിയോ പ്രചാരണവുമായി ബന്ധപ്പെട്ട പ്രതിപക്ഷ നേതാവിന്റെ പ്രതികരണം ഞെട്ടിക്കുന്നതെന്ന് മന്ത്രി പി.രാജീവ്. ആരാണ് ഇങ്ങനെ ഒരു ദൃശ്യം കിട്ടിയാൽ പ്രചരിപ്പിക്കാത്തത് എന്നാണ് പ്രതിപക്ഷ നേതാവ് ചോദിച്ചത്. ഇത് കേരളത്തിനെതിരെയുള്ള വെല്ലുവിളിയാണ്. ഇത്തരം ഒരു പ്രതികരണത്തിലൂടെ പ്രതിപക്ഷ നേതൃ സ്ഥാനത്തിരിക്കാൻ താൻ യോഗ്യനല്ലെന്ന് തെളിയിച്ചിരിക്കുകയാണ് വി.ഡി.സതീശനെന്നും പി.രാജീവ് പറഞ്ഞു. കോൺഗ്രസ് സ്വീകരിച്ച അധമമായ പ്രചാരണ രീതിക്കെതിരെ പല കോണുകളിൽ നിന്നും എതിർപ്പുണ്ട്. കോൺഗ്രസ്സിനുള്ളിൽ തന്നെ പ്രതിഷേധം ഉണ്ട്. അവർ ഇടത് പക്ഷത്തിന് വോട്ട് […]

ഡൽഹി: ഇന്ത്യയിൽ 80 ശതമാനം കുട്ടികളും ഓൺലൈൻ പഠനം താൽപര്യപ്പെടുന്നില്ലെന്ന് സർവേ. 24 ശതമാനം പേർക്ക് ഡിജിറ്റൽ ഉപകരണങ്ങൾ ലഭിച്ചിട്ടില്ല, വാഹനത്തിൽ സ്കൂളിലേക്ക് പോകാൻ കഴിയുന്നവർ 47 ശതമാനം മാത്രമാ​ണെന്നും വിദ്യാഭ്യാസ വകുപ്പ് സി.ബി.എസ്.സിയുടെ നേതൃത്വത്തിൽ സ്കൂൾ തലത്തിൽ രാജ്യവ്യാപകമായി നടത്തിയ നാഷണൽ അച്ചീവ്മെന്‍റ് സർവേ പറയുന്നു. 2021 നവംബർ 12 ന് നടന്ന സർവേയിൽ 34 ലക്ഷം കുട്ടികളെയാണ് പഠനവിധേയമാക്കിയത്. സ്കൂൾ അന്തരീക്ഷം, കുട്ടികളുടെ പ്രദേശം, ജെൻഡർ, സമുദായം തുടങ്ങിയവ പരിഗണിച്ച് 720 ജില്ലകളിലായി കുട്ടികളുടെ […]

കൊല്ലം: കല്ലടയാര്‍ തീരത്ത് സെൽഫി എടുക്കുന്നതിനിടെ ആറ്റില്‍ വീണ മൂന്ന് പെണ്‍കുട്ടികളില്‍ രണ്ടു പേരെ രക്ഷപ്പെടുത്തി. ഒരാളെ കാണാതായി. കുട്ടിയെ കണ്ടെത്താൻ തിരച്ചിൽ തുടരുകയാണ്. പത്താംക്ലാസ് വിദ്യാര്‍ത്ഥിനി അപര്‍ണ്ണയാണ് ഒഴുക്കില്‍പ്പെട്ടത്. ഇന്ന് ഉച്ചയോട് കൂടിയാണ് അപകടമുണ്ടായത്. സെല്‍ഫിയെടുക്കുന്നതിനിടെ കാല്‍വഴുതി ഒരാള്‍ വീഴുകയായിരുന്നു. ഈ കുട്ടിയെ രക്ഷപ്പെടുത്തുന്നതിനായി മറ്റ് രണ്ടുപേരും ശ്രമിക്കുന്നതിനിടെയാണ് മൂന്നുപേരും ഒഴുക്കില്‍പ്പെട്ടത്. സഹോദരങ്ങളായ അനുഗ്രഹയും അനുപമയും രക്ഷപ്പെട്ടു.

കൽബ: കൽബ ഇന്ത്യൻ സോഷ്യൽ ആൻഡ് കൾച്ചറൽ ക്ലബ്ബിൽ  29 ന് ഞായറാഴ്ച 3.30 മുതൽ കോൺസുലർ സേവനം ഉണ്ടായിരിക്കുമെന്ന് പ്രസിഡന്റ് കെ.സി അബൂബക്കർ അറിയിച്ചു . പവർ ഓഫ് അറ്റോർണി, അറ്റസ്‌റ്റേഷൻ, അഫിഡവിറ്റുകൾ മറ്റു കോൺസുലേറ്റുമായി ബന്ധപ്പെട്ട സേവനങ്ങൾ എന്നിവ ലഭ്യമാവും. കൽബ, ഫുജൈറ, ഖോർഫക്കാൻ, ദിബ്ബ, മസാഫി, ദൈദ്, തുടങ്ങിയ സമീപ പ്രദേശങ്ങളിൽ ഉള്ളവർക്ക് അവസരം പ്രയോജനപ്പെടുത്താവുന്നതാണ്. ക്ലബ്ബിലെ പാസ്പോര്‍ട്ട് സേവനങ്ങൾ ഞായറാഴ്ച ഒഴികെ രാവിലെ 8 മുതൽ ഉച്ചക്ക് 2 മണി വരെയും […]

error: Content is protected !!