10
Saturday June 2023
ദാസനും വിജയനും

രണ്ടു സൂപ്പര്‍ താരങ്ങളുമായും ദിലീപിന് പിണക്കങ്ങളുണ്ട്. ഒന്ന് മീശമാധവന്‍ വഴിയും, മറ്റൊന്ന് അല്‍പം അഹങ്കാരം പറഞ്ഞ വകയിലും. ഇതിലാരാണോ ഇപ്പോള്‍ ‘കാല’നായത് ? ദിലീപ് പുണ്യവാളനൊന്നുമല്ലാ എന്നാലും ഈ ‘ഗൂഢാലോചന’ അല്‍പം അപാരം തന്നെ – ദാസനും വിജയനും

ദാസനും വിജയനും
Monday, January 24, 2022

ദിലീപ് വിഷയം കൈകാര്യം ചെയ്യുവാൻ മുഖ്യധാരാ ചാനലുകാരും പത്രക്കാരും രാഷ്ട്രീയക്കാരും മടിച്ചും അറച്ചും പേടിച്ചും നിൽക്കുകയാണ്. കേരളത്തിൽ ആർക്കും വേണ്ടാതെ എഴുതി തള്ളിയിരുന്ന ഒരു ചാനലിന്റെ റിപ്പോർട്ടർ ഈ വിഷയം വീണ്ടും വീണ്ടും കുത്തിപ്പൊക്കിയപ്പോൾ ആ റിപ്പോർട്ടർ അറിഞ്ഞിരുന്നില്ല ആ ചാനൽ മുതലാളിയുടെ മനോവേദനകൾ.

ദിലീപ് ഒരു കോൺഗ്രസ് സഹയാത്രികൻ ആയിരുന്നു എന്നത് കുറെ പേർക്കെങ്കിലും അറിയാം . പത്തനാപുരത്ത് ഇപ്പോഴത്തെ എംഎൽഎ പണ്ട് കാലത്ത് യുഡിഎഫ് സാരഥി ആയിരുന്നപ്പോൾ ദിലീപും കാവ്യാ മാധവനും സിദ്ധിഖും സലിം കുമാറും ഇടവേളയുമൊക്കെ പ്രചാരണം നടത്തിയിരുന്നതൊക്കെ മലയാളി മറന്നുവെന്ന് തോന്നുന്നു.

പക്ഷെ ഇന്നിപ്പോൾ ഈ വിഷയം വന്നപ്പോൾ കോൺഗ്രസുകാരും ദിലീപിനെ അനുകൂലിക്കുന്നില്ല എന്നതും ഒരു വാസ്തവമാണ്. കാരണം അദ്ദേഹത്തിന്റെ മേലെ ആരോപിക്കപ്പെട്ട കുറ്റം സ്ത്രീകളിൽ ഏറെ വിഷമം ഉണ്ടാക്കിയ ഒന്നായിരുന്നു. ആ കേസിപ്പോൾ കോടതിയിൽ പരിഗണിക്കുന്നതിനാൽ അതേകുറിച്ചൊന്നും കൂടുതൽ എഴുതുവാനാകില്ല.


മലയാളത്തിലെ ഒരു സൂപ്പർതാരം അഭിനയിക്കേണ്ടിയിരുന്ന റോൾ ആയിരുന്നു ദിലീപിനെ മലയാളത്തിന്റെ ഒന്നാം നിരയിൽ എത്തിക്കപ്പെട്ട സിനിമയിലേത്. ആ ഒരൊറ്റ സിനിമയിൽ മാധവൻ മീശ പിരിച്ചപ്പോൾ, മീശ പിരിയാൽ കേരളം കീഴടക്കിയിരുന്ന ആ നടന്റെ തമാശ പടങ്ങൾ എന്നെന്നേക്കുമായി ദിലീപിന്റെ ജൂലൈ നാലിന് റിലീസ് ചെയ്യുകയായിരുന്നു.


അതിന്റെ പേരിൽ ഓരോരുത്തരുടെയും സിനിമകൾ ഇറങ്ങുമ്പോൾ റിലീസ് നാളുകളിൽ കൂവി തോൽപ്പിക്കുവാൻ ആളെ ഇറക്കുന്ന ഒരു പ്രത്യേക ഗുണ്ടായിസത്തിന് കേരളം സാക്ഷിയാവുകയായിരുന്നു. കൊച്ചി ലോബിയും തലസ്ഥാന ലോബിയും തമ്മിലുള്ള നേരിട്ടുള്ള അങ്കം വെട്ടലുകൾ.

‘മദൻലാൽ’ എന്ന ഒരു ഏഴാംകൂലി നടനെ അഭിനയിപ്പിച്ചുകൊണ്ട് ‘സൂപ്പർസ്റ്റാർ’ എന്ന സിനിമയെടുത്ത വിനയൻ എന്ന സംവിധായകനെ മലയാള സിനിമയിൽ നിന്നും കെട്ടു കെട്ടിക്കുവാൻ സൂപ്പർ സ്റ്റാർ നടൻ തക്കം പാർത്തിരിക്കുന്ന സമയത്തായിരുന്നു കൊച്ചി ലോബി ക്കാരായ സിനിമാക്കാരുടെ അരങ്ങേറ്റവും അമ്മ എന്ന സംഘടനയുടെ ഇടപെടലുകളും.

ആ സംവിധായകന്റെ സിനിമയിൽ അഭിനയിച്ചതിന് കലാഭവൻ മണിക്ക് ഏറ്റവും നല്ല നടനുള്ള അവാർഡ് ഏറെക്കുറെ ഉറപ്പിച്ചപ്പോൾ അതിനെ പരമാവധി കളികൾ കൊണ്ട് ഇല്ലാതാക്കിയതും മണി തലകറങ്ങി വീണതുമൊക്കെ തലസ്ഥാന ലോബിയുടെ വിജയമായിരുന്നു.

അന്നത്തെ കൊച്ചി ലോബിക്കാരായിരുന്നു ദിലീപ്, കലാഭവൻ മണി, സലിം കുമാർ, ഹരിശ്രീ അശോകൻ, കൊച്ചിൻ ഹനീഫ എന്നിവർ. അതിൽ പല നടന്മാരുടെയും നടിമാരുടെയും ആരോഗ്യ പ്രശ്നങ്ങളിലും മരണത്തിനു ശേഷവും അവരുടെ കുടുംബങ്ങളെ കണ്ണടച്ചു സഹായിച്ചവർ ആയിരുന്നു കൊച്ചി ലോബിക്കാർ.

കലാഭവൻ മണിയുടെയും അതുപോലെയുള്ള ഒട്ടനവധി സിനിമക്കാരുടെയും സമ്പത്ത് മാന്യമായി കൈകാര്യം ചെയ്തിരുന്നതും പലയിടത്തും നിക്ഷേപിച്ചിരുന്നതുമൊക്കെ ദിലീപിന്റെ കച്ചവട ഗ്രൂപ്പ് ആയിരുന്നു.

അതുപോലെ അമ്മ എന്ന സംഘടനക്ക് ഭീമമായ തുക ഉണ്ടാക്കുവാൻ ദിലീപ് മുന്നിട്ടിറങ്ങുകയും 20-20 എന്ന ബ്രഹ്മാണ്ഡ സിനിമ സ്വന്തം റിസ്‌ക്കിൽ നിർമ്മിച്ചുകൊണ്ട് ‘സംഘടനയുടെ സാമ്പത്തിക കരുത്ത് വർദ്ധിപ്പിക്കുകയും ചെയ്തു.

പിന്നീടാണ് ട്വിസ്റ്റുകൾ ആരംഭിക്കുന്നത്. മെഗാസ്റ്റാറിന്റെയും സൂപ്പർസ്റ്റാറിന്റെയും അതുപോലെ ഒട്ടുമിക്ക സ്റ്റാറുകളുടെയും കണക്കുകൾ നോക്കിയിരുന്നത് തലസ്ഥാനത്തെ ഒരു കണക്കപ്പിള്ള ആയിരുന്നു. അദ്ദേഹം തലകുത്തി മറിഞ്ഞിട്ടും അമ്മയുടെ കണക്കുകൾ ദിലീപ് ആർക്കും വിട്ടു കൊടുത്തിട്ടില്ല.

‘അമ്മ എന്ന സംഘടനയുടെ കണക്കുകൾ കൈകാര്യം ചെയുവാൻ സാധിച്ചാൽ ധാരാളം ടാക്സ് വെട്ടിപ്പുകൾ നടത്തുവാൻ സാധിക്കും എന്നതിനാലാണ് എല്ലാവര്ക്കും അക്കാര്യത്തിൽ ഏറെ താത്പര്യം ഉണ്ടായിരുന്നത്. പല പഴയ നടന്മാരെയും നടിമാരെയും സഹായിക്കുന്നുവെന്ന വ്യാജേന കോടികൾ ചാരിറ്റി വകയിൽ എഴുതിത്തള്ളുവാനാകും. ദിലീപിന്റെ സഹോദരനും സഹോദരീ ഭർത്താവുമാണ് എല്ലാം വളരെ ഭംഗിയായി കൈകാര്യം ചെയ്തിരുന്നത്.

അന്ന് ‘അമ്മ എഴുതിത്തള്ളിയ പൃഥ്വിരാജിന്റെ കണക്ക് നോക്കുവാൻ ഈ കണക്കപ്പിള്ള നടനെ കാണാൻ പോയപ്പോൾ നടന്റെ ഒറിജിനൽ ‘അമ്മ പറഞ്ഞു നടൻ ഉച്ചയുറക്കത്തിൽ ആണെന്ന്. എന്നിട്ടു കാത്തിരുന്നുകൊണ്ട് ആ നടന്റെ കണക്കുനോട്ടം പിടിച്ചു എടുത്തു എങ്കിലും ദിലീപിനെ കൈപ്പിടിയിൽ ഒതുക്കുവാൻ ആ ചാർട്ടേർഡ് അക്കൗണ്ടന്റിന് ആയില്ല.

ആ വൈരാഗ്യത്തിന് ദിലീപിന്റെ വീട്ടിലും സ്ഥാപനങ്ങളിലും ഒരു റെയിഡ് ഉണ്ടാക്കുവാൻ ഈ കണക്കപ്പിള്ളയ്ക്ക് സാധിച്ചു.

പക്ഷ ദിലീപും പകരത്തിനു പകരമായി കേരളത്തിലെ രണ്ടു സിനിമ സൂപ്പർസ്റ്റാറുകളുടെ വീട്ടിലും സ്ഥാപനങ്ങളിലും ഇൻകം ടാക്സുകാരെ കൊണ്ട് റെയ്ഡ് ചെയ്യിച്ചു. അങ്ങനെയാണ് ആനക്കൊമ്പ് വിവാദം കേരളത്തിൽ ഉണ്ടായത്.


കേരളത്തിലെ എല്ലാ സൂപ്പർസ്റ്റാറുകളും ഒരു വിധത്തിൽ അല്ലെങ്കിൽ മറ്റൊരു വിധത്തിൽ തങ്ങൾക്ക് ബോധിക്കാത്തവരെയും ഇഷ്ടപ്പെടാത്തവരെയും ഒതുക്കിയും ഇല്ലാതാക്കിയും ആത്മഹത്യ ചെയ്യിച്ചുമൊക്കെയുള്ള കഥകൾ നമ്മൾ ഏറെ കേട്ടതാണ്.


പെരുന്തച്ചൻ എന്ന ഒരൊറ്റ സിനിമകൊണ്ട് മലയാളത്തിലെ ഒന്നാം നമ്പർ ആയ സംവിധായകനെ ഇല്ലാതാക്കിയത് ഒരു മെഗാസ്റ്റാറാണ്. അജയൻ എന്ന ആ സംവിധായകൻ ഈയടുത്താണ് മരിച്ചത്. ശ്രീനാഥ് എന്ന ആ നടൻ ആത്മഹത്യാ ചെയ്തത് എങ്ങനെയാണ് എന്ന് ആ സമയങ്ങളിൽ മലയാളം ഏറെ ചർച്ച ചെയ്ത വിഷയങ്ങളാണ്.

ഇങ്ങനെ നൂറുകണക്കിന് സംഭവങ്ങൾ മലയാള സിനിമയിൽ ഉണ്ടായപ്പോഴും അവർക്കൊന്നും ഒതുക്കുവാൻ ആകാതെ പിടിച്ചുനിന്നവർ ദിലീപും പൃഥ്വിരാജുവും മാത്രമായിരുന്നു. പിന്നെ വിനയനും.

കേരളത്തിൽ നൂറു കണക്കിന് കൊലപാതകങ്ങൾ നടക്കുന്നുണ്ട്, കൊലപാതകങ്ങളിൽ ശിക്ഷിക്കപ്പെട്ടവർ പരോളിൽ ഇറങ്ങി വിലസുന്നുമുണ്ട്. ആയിരക്കണക്കിന് പീഡനങ്ങളും പോക്സോ കേസുകളും ദിനേന വാർത്തകളിൽ സ്ഥാനം പിടിക്കുന്നുണ്ട്.

അതിൽ പലതിലും പ്രതികൾ രാഷ്ട്രീയക്കാർ ആയതുകൊണ്ടും പലതും പാർട്ടിക്കാർ അന്വേഷിച്ചുകൊണ്ട് വിധി കൽപ്പിക്കുന്നു. അതുപോലെ പലതും ഗൂഢാലോചനക്കാരിൽ എത്തിപ്പെടുന്നില്ല. ഉന്നതങ്ങളിലെ പിടിപാടുകളാൽ തേയ്ച്ചുമായ്ച്ചു കളയുന്നു.

രാഷ്ട്രീയ കൊലപാതകങ്ങളിൽ കേസുകൾ വാദിക്കുവാൻ നികുതിപ്പണം ഉപയോഗിക്കുന്നു. പക്ഷെ ഇന്നിപ്പോൾ ഈ കേസിനെ ഉപയോഗിക്കുന്നത് പലതിനെയും മറയ്ക്കുവാൻ എന്ന തോന്നൽ ജനത്തിന് ഉണ്ടായാൽ അത്ഭുതപ്പെടേണ്ടതില്ല.

എന്തായാലും ദിലീപിനെ കുടുക്കാന്‍ ഒരു സൂപ്പര്‍താരം കളത്തിലിറങ്ങി എന്നാണ് കിംവദന്തി. ഭരിക്കുന്നവര്‍ ചുക്കാന്‍ പിടിക്കുന്ന ചാനലിന്‍റെ തലപ്പത്തുള്ള താരത്തെ ഇതിന്‍റെ പേരില്‍ സംശയിക്കാനാകുമോ ? സംശയിക്കാതിരിക്കാനാകുമോ ? എന്തായാലും ഈ സൂപ്പറിന് പടം കുറഞ്ഞിരുന്ന കാലത്ത് പടമില്ലാത്തതുകൊണ്ട് വിഷമിക്കേണ്ട എന്തെങ്കിലും സഹായം വേണേല്‍ ചോദിച്ചാല്‍ മതിയെന്ന് അല്‍പം അഹങ്കാരം പറഞ്ഞെന്നൊരു കിംവദന്തിയുണ്ട്. മതിയല്ലോ ?

സമാന കേസുകളിലൊക്കെ ഇരയായാലും വേട്ടക്കാരൻ ആയാലും അവരൊക്കെ ഒരേ തൂവൽ പക്ഷികൾ ആയിരുന്നു. അവരൊക്കെ അടുത്ത സുഹൃത്തുക്കൾ ആയിരുന്നു. അവരൊക്കെ കൂട്ടുകച്ചവടക്കാർ ആയിരുന്നു, നായികാനായകന്മാർ ആയിരുന്നു.

തെറ്റുചെയ്തവർ ആരായാലും ശിക്ഷിക്കപ്പെടുക തന്നെ വേണം, അതിപ്പോൾ പീഡനമായാലും കൊലപാതകം ആയാലും അഴിമതികൾ ആയാലും.

കെ-റെയിലിനെ മറയ്ക്കാനാണോ ഈ വിഷയം വീണ്ടും വീണ്ടും നിറയുന്നത് എന്ന സംശയത്തിൽ ദാസനും ബ്ലാക്ക് മെയിലിൽ പണമുണ്ടാക്കാൻ ആണ് ഇതിന്റെ പ്രധാന ലക്‌ഷ്യം എന്ന ഉറപ്പിന്മേൽ വിജയനും.

More News

പല സ്ത്രീകളുടെയും പ്രധാന പ്രശ്നമാണ് മുഖത്തിന്റെ കരിവാളിപ്പും മുഖക്കുരുവും. പലവിധ പരിഹാരങ്ങൾ തേടിയിട്ടും ഒന്നും നടന്നില്ലെന്നോർത്ത് ഇനി ടെൻഷനടിക്കേണ്ട. വീട്ടിൽ സിമ്പിളായി ലഭിക്കുന്ന ചില സാധനങ്ങൾ മാത്രം മതി മുഖത്തിന്റെ എല്ലാ പ്രശ്നവും പമ്പ കടത്താൻ. ∙ റവ ചര്‍മകോശങ്ങളെ തുറക്കുന്നതിനും മൃതകോശങ്ങള്‍ നീക്കം ചെയ്യാനും, ചര്‍മത്തിൽ നിന്നും അഴുക്കും അമിതമായിട്ടുള്ള എണ്ണമയവും നീക്കാനും ഏറ്റവും മികച്ചതാണ് റവ. ചര്‍മത്തില്‍ നിന്നു എണ്ണമയവും അഴുക്കും നീക്കം ചെയ്യുന്നതിനാല്‍ ബ്ലാക്ക് ഹെഡ്സും വൈറ്റ് ഹെഡ്സും നീക്കം ചെയ്യാൻ റവ […]

മഴക്കാലം ആരംഭിച്ചുകഴിഞ്ഞു. കാറുകളിലെ വിന്‍ഡ്ഷീല്‍ഡില്‍ മൂടല്‍ നിറയുന്നത് ഇക്കാലയളവില്‍ സാധാരണമാണ്. എന്തായാലും വാഹനം ഓടിക്കുമ്പോള്‍ കാഴ്ച മറയുന്നത് അതീവ ഗുരുതരമായ അപകടങ്ങള്‍ക്ക് വഴി വയ്ക്കാനും സാധ്യത ഉയര്‍ത്തുന്നു. അപകടസാധ്യതകളെല്ലാം ഒഴിവാക്കി മഴക്കാലം ആസ്വദിച്ച് യാത്ര ചെയ്യുന്നതിന് വാഹനത്തെ ഡീഫോഗ് ചെയ്യാനുള്ള പൊടിക്കൈകള്‍ നോക്കാം.ഫോഗിങ് അഥവാ ഗ്ലാസുകളിലെ മൂടല്‍ അന്തരീക്ഷത്തിലെ ജലം ആവിയായി ഘനീഭവിച്ച് ചില്ലുപ്രതലത്തില്‍ പരക്കുന്നതാണ്. ഇത് വിന്‍ഡ്ഷീല്‍ഡിനു പുറത്തും ഉള്ളിലും ഉണ്ടാകാം. വാഹനത്തിനുള്ളിലു പുറത്തും വ്യത്യസ്ത താപനില രൂപപ്പെടുന്നതാണ് ഈ ഫോഗിങ്ങിനു പിന്നിലുള്ള അടിസ്ഥാന കാരണം. […]

ദൈനംദിന ജീവിതത്തെ തകരാറിലാക്കുന്നതും അസ്വസ്ഥത ജനിപ്പിക്കുന്നതുമാണ് കാലിനുണ്ടാകുന്ന വേദന. ദീര്‍ഘനേരം നില്‍ക്കുന്നതു കൊണ്ടോ, സുഖപ്രദമല്ലാത്ത ഷൂസോ ചെരുപ്പോ മൂലമോ ചിലതരം രോഗങ്ങള്‍ കാരണമോ ഒക്കെയാകാം ഈ കാല്‍ വേദന. ഇവയുടെ കാരണം കണ്ടെത്തി ചികിത്സിക്കാന്‍ ഡോക്ടറെ കാണേണ്ടതും അത്യാവശ്യമായി വന്നേക്കാം. എന്നിരുന്നാലും വീട്ടില്‍തന്നെ വളരെ എളുപ്പം ചെയ്യാവുന്ന ചില വ്യായാമങ്ങള്‍ കാലിലെ വേദന അകറ്റാന്‍ സഹായിക്കുന്നതും കാലുകള്‍ക്ക് കൂടുതല്‍ ഫ്ളെക്സിബിലിറ്റി നല്‍കുന്നതുമാണ്. 1. കാല്‍ വിരലുകള്‍ വലിച്ചുനീട്ടല്‍ കാല്‍ വിരലുകള്‍ക്കും കാലിനും കൂടുതല്‍ ചലനക്ഷമത നല്‍കുന്നതും രക്തയോട്ടം […]

ഇനി മുതൽ ഗൂഗിൾ പേയിൽ ആധാർ ഉപയോഗിച്ച്  ,യുപിഐ പേയ്മെന്റ് നടത്താം. ഉപയോക്താക്കൾക്ക് ആധാർ ഉപയോഗിച്ച് യുപിഐയിൽ രജിസ്റ്റർ ചെയ്യുന്നതിനുള്ള സംവിധാനമാണ് നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ (എൻപിസിഐ) ഒരുക്കിയിരിക്കുന്നത്. അതായത്, ഗൂഗിൾ പേ ഉപയോക്താക്കൾക്ക് ആധാർ അടിസ്ഥാനമാക്കിയുള്ള യുപിഐ ഓൺബോർഡിംഗ് സംവിധാനം ഉപയോഗിച്ച്, ഡെബിറ്റ് കാർഡ് ഇല്ലാതെ തന്നെ  യുപിഐ  പിൻ സെറ്റ് ചെയ്ത്,  പേയ്മെന്റ് നടത്താമെന്ന് ചുരുക്കം. യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) കണക്കുകൾ പ്രകാരം  രാജ്യത്ത്  99.9% പേർക്കും […]

കാഴ്ചകൊണ്ട് മാത്രം ഒരു വജ്രത്തിന്റെ ഗുണനിലവാരം ഉറപ്പിക്കാനാകില്ല. അതുകൊണ്ടാണ് മികച്ച ഡയമണ്ട് ആഭരണങ്ങൾ തിരഞ്ഞെടുക്കുന്നതിനെക്കുറിച്ച്, അവ വാങ്ങാൻ പോകുന്നതിന് മുൻപ് ബോധവാനായിരിക്കേണ്ടത് പ്രധാനമാകുന്നത്. വജ്രങ്ങൾ വാങ്ങുന്നത് അൽപ്പം ബുദ്ധിമുട്ടുള്ളതായി തോന്നുമെങ്കിലും ഇക്കാര്യങ്ങൾ ശ്രദ്ധിച്ചാൽ അവ എളുപ്പമുള്ളതായി മാറും. ഡയമണ്ട് കട്ട് ഒരു വജ്രത്തിന്റെ തിളക്കം  അത് എത്ര നന്നായി മുറിക്കുന്നു എന്നതിനെ അടിസ്ഥാനമാക്കിയുള്ളതാണ്. കൃത്യമായ രീതിയിൽ മുറിക്കപ്പെട്ട വജ്രത്തിന്  മികച്ച ഗുണനിലവാരം ആയിരിക്കും. ഇന്ത്യക്കാർക്കിടയിൽ ഏറ്റവും പ്രചാരമുള്ള ഡയമണ്ട് കട്ട് അല്ലെങ്കിൽ ആകൃതി റൗണ്ട് കട്ട് ആണ്.  52% […]

ബ്രസല്‍സ്: കുടിയേറ്റക്കാരെ സ്വീകരിക്കുന്നതും കൈമാറ്റം ചെയ്യുന്നതും സംബന്ധിച്ച നയം കൂടുതല്‍ കര്‍ക്കശമാകുന്ന രീതിയില്‍ പരിഷ്കരിക്കാന്‍ യൂറോപ്യന്‍ യൂണിയന്‍ അംഗരാജ്യങ്ങള്‍ക്കിടയില്‍ ധാരണയായി. അഭയാര്‍ഥിത്വം തേടുന്നവരോടുള്ള ഉത്തരവാദിത്വം നിറവേറ്റുന്നതിനും യൂറോപ്യന്‍ യൂണിയന്‍ ഐക്യം ഊട്ടിയുറപ്പിക്കുന്നതിനുമിടയില്‍ സന്തുലിതാവസ്ഥ സൃഷ്ടിക്കുക എന്നതാണ് ഉദ്ദേശിക്കുന്നതെന്ന് നിലവില്‍ യൂറോപ്യന്‍ യൂണിയന്‍ അധ്യക്ഷ സ്ഥാനത്തുള്ള സ്വീഡന്‍ വ്യക്തമാക്കി. അഭയാര്‍ഥികളുടെ കുട്ടികള്‍ക്ക് സംരക്ഷണം നല്‍കുന്ന വിഷയത്തില്‍ നേരത്തെ ജര്‍മനി ആശങ്ക പ്രകടിപ്പിച്ചിരുന്നു. ഇത്തരം വിഷയങ്ങള്‍ കൂടി ചര്‍ച്ച ചെയ്ത ശേഷമാണ് നയം മാറ്റം പരിഗണിക്കാന്‍ തീരുമാനമായത്. നയം മാറ്റത്തില്‍ […]

പലരുടെയും ദൈനംദിന ജീവിതത്തെ ബുദ്ധിമുട്ടിലാക്കുന്ന ഒന്നാണ് മലബന്ധം. അതിന് പരിഹാരം കാണുന്നതിന് വേണ്ടി പല വിധത്തിലുള്ള മരുന്നുകളും മറ്റും കഴിക്കുന്നവർ നിരവധിയാണ്. യഥാർത്ഥത്തിൽ മലം വരണ്ടുപോകുകയും മലവിസർജ്ജനത്തിന് ബുദ്ധിമുട്ടുണ്ടാകുകയും ചെയ്യുമ്പോൾ അതിനെ മലബന്ധം എന്ന് വിളിക്കുന്നു. വെള്ളം കുടിക്കാതിരിക്കുന്നത്, സമ്മർദ്ദം, ഭക്ഷണത്തിൽ ഫൈബർ കുറയുന്നത്, അനാരോഗ്യകരമായ ഡയറ്റ്, മറ്റ് ആരോഗ്യ പ്രശ്നങ്ങൾ എന്നിവയൊക്കെ മലബന്ധം ഉണ്ടാകാൻ കാരണമാകാം. കൂടാതെ ജങ്ക് ഫുഡ് അമിതമായി കഴിക്കുന്നതും മലബന്ധത്തിന് കാരണമാണ്. മലബന്ധം മാറാൻ സഹായിക്കുന്ന ഏറ്റവും മികച്ചൊരു പഴമാണ് കിവിപ്പഴം. […]

ബര്‍ലിന്‍: ജര്‍മനിയിലെ വിവാദമായ തെരഞ്ഞെടുപ്പ് പരിഷ്കരണ ബില്ലില്‍ പ്രസിഡന്റ് ഫ്രാങ്ക് വാള്‍ട്ടര്‍ സ്ററീന്‍മെയര്‍ ഒപ്പുവച്ചതോടെ ഇതു നിയമമായി. ജര്‍മന്‍ പാര്‍ലമെന്റായ ബുണ്‍ടസ്ടാഗിന്റെ അംഗസഖ്യ കുറയ്ക്കാന്‍ നിര്‍ദേശിക്കുന്നതാണ് നിയമം. നിയമത്തെക്കുറിച്ച് പ്രസിഡന്റ് ഔദ്യോഗിക പ്രതികരണമൊന്നും അറിയിച്ചിട്ടില്ല. ബില്ലിന്റെ രാഷ്ട്രീയ ഭാഗം കണക്കിലെടുക്കുന്നില്ലെന്നും, അടിസ്ഥാന നിയമത്തില്‍നിന്നു വ്യതിചലിക്കുന്നുണ്ടോ എന്നു മാത്രം പരിശോധിക്കുമെന്നും പ്രസിഡന്റിന്റെ ഓഫീസ് നേരത്തെ അറിയിച്ചിരുന്നു. ഈ പരിശോധനയ്ക്കു ശേഷമാണ് ബില്ലില്‍ ഒപ്പുവയ്ക്കാന്‍ പ്രസിഡന്റ് തീരുമാനിച്ചത്. അടുത്ത ആഴ്ച മാത്രമേ നിയമത്തിന്റെ പൂര്‍ണ രൂപം ഫെഡറല്‍ ലോ ഗസറ്റില്‍ […]

ന്യൂയോർക് : കാനഡയിലെ കാട്ടുതീയിൽ നിന്ന് പുക നിറഞ്ഞ വായു തെക്കോട്ട് തള്ളുന്നത് തുടരുന്നതായി കാലാവസ്ഥ പ്രവചനങ്ങൾ കാണിക്കുന്നതിനാൽ, ന്യൂയോർക്ക് നഗരത്തിലെയും ട്രൈ-സ്റ്റേറ്റിലെയും ആരോഗ്യ ഉദ്യോഗസ്ഥർ വ്യാഴം, വെള്ളി ദിവസങ്ങളിൽ ഉള്ളിൽ തന്നെ തുടരാനും ഔട്ട്ഡോർ പ്രവർത്തനങ്ങൾ പരിമിതപ്പെടുത്തുകയോ ഒഴിവാക്കുകയോ ചെയ്യണമെന്ന് നിവാസികൾക്ക് മുന്നറിയിപ്പ് നൽകി. കാനഡയിലെ കാട്ടുതീയിൽ നിന്നുള്ള പുക ന്യൂയോർക്ക് സിറ്റിയിലും ട്രൈ-സ്റ്റേറ്റ് ഏരിയയിലും മൂന്നാം ദിവസവും തുടരുന്നു.ദശലക്ഷക്കണക്കിന് ആളുകളുടെ ദൈനംദിന ജീവിതത്തെ തടസ്സപ്പെടുത്തുകയും സ്കൈലൈനുകൾ മായ്‌ക്കുകയും ആകാശത്തെ ഓറഞ്ച് നിറമാക്കുകയും ചെയ്യുന്ന കട്ടിയുള്ളതും […]

error: Content is protected !!