02
Sunday October 2022
ദാസനും വിജയനും

കോവിഡും ഒമിക്രോണും ഡെങ്കിക്കും മാത്രമല്ല, ഉരുള്‍പൊട്ടലിനും പ്രളയത്തിനും വരെയുള്ള ‘വാക്സിനുകള്‍’ മലയാളിയുടെ ഉള്ളംകൈയിലുണ്ടത്രെ ! പിന്നെ ആകെയുള്ള പ്രശ്നം ദിലീപിന്‍റെ അടുക്കള കാര്യവും ലോകായുക്തയെ പാതാളത്തിലാക്കുകയും മാത്രം ! ലോകായുക്തയില്‍ ഗവര്‍ണര്‍ ഒപ്പിടുമോ ഉപ്പിലിടുമോ – ദാസനും വിജയനും

ദാസനും വിജയനും
Friday, January 28, 2022

കേരളത്തിലെ ഇന്നത്തെ മുഖ്യമായ വിഷയങ്ങൾ, കോവിഡിനെയും ഒമൈക്രോണിനെയും മാറ്റിവെച്ചാൽ ‘ദിലീപിന്റെ അടുക്കളകാര്യങ്ങളും’ ‘ലോകായുക്തയെ പാതാളത്തിലേക്ക് ചവുട്ടി താഴ്ത്തലും’ പിന്നെ ‘കെ റെയിലിന്റെ പൗരപ്രമുഖന്മാരുമാണ് ‘.

കോവിഡും ഒമൈക്രൊണും ഡെങ്കിയും നിപ്പയും പ്രളയവും ഉരുൾപൊട്ടലുകളും വെള്ളപ്പൊക്കവും കൊടുങ്കാറ്റോക്കെയും നേരിടുവാനുള്ള വാക്സിനേഷനുകൾ മലയാളിക്ക് എന്നേ ലഭിച്ചിരിക്കുന്നു.

അതിന്റെ പാർശ്വഫലമായിട്ടായിരിക്കണം ചിരിക്കുവാനുള്ള കഴിവുകൾ നമ്മളിൽ നിന്നും ഇല്ലാതായി കൊണ്ടിരിക്കുന്നു.

രാഷ്ട്രീയം കേരളത്തിൽ പിടിമുറുക്കിയപ്പോഴൊക്കെ രാഷ്ട്രീയക്കാർ സമ്മർദ്ദങ്ങളിൽ അകപ്പെടുമ്പോൾ പലതരത്തിലുള്ള അപകടങ്ങളും വർഗീയ കലാപങ്ങളും മാവോയിസ്റ്റ് ആക്രമണങ്ങളും നാം അനുഭവിച്ചുകൊണ്ടിരിക്കുന്നു.

കാലങ്ങളായി സംഭവിച്ച ഓരോരോ വിഷയവും ചികഞ്ഞു നോക്കിയാൽ നമുക്ക് പലതും മനസ്സിലാക്കുവാൻ സാധിക്കും. തലശ്ശേരി-പൂന്തുറ-വിഴിഞ്ഞം-ബീമാപ്പള്ളി-നാദാപുരം-മുത്തങ്ങ-മാറാട് കലാപങ്ങളും കൂടാതെ ഒട്ടുമിക്ക മാവോയിസ്റ്റ് വെടിവെപ്പുകളും ഒക്കെ ഉണ്ടായപ്പോള്‍ അതാത് കാലത്തെ രാഷ്ട്രീയ വിഷയങ്ങള്‍ വിസ്മൃതിയിലായി.

വൈകിവന്ന ക്യാപ്റ്റന്‍

കേരളത്തിൽ വളരെ കൊട്ടിഘോഷിച്ചുകൊണ്ടാണ് ഇന്നത്തെ ക്യാപ്റ്റനായ പിണറായി വിജയൻ അധികാരത്തിൽ കയറിയത്.

ഓരോരോ ജില്ലകളിലെയും മുതലാളിമാരെയും ഓരോരോ ചാനലുകാരെയും സാഹിത്യകാരന്മാരെയും സിനിമക്കാരെയും നേരിട്ട് ഫോണിൽ വിളിച്ചുകൊണ്ട് അന്നത്തെ മുഖ്യമന്ത്രിയെ രണ്ടാമൂഴത്തിന് അവസരം കൊടുക്കാതെ ഇല്ലാത്ത സോളാർ അഴിമതിക്കഥകളും കോഴമാണി എന്ന പുതിയ തന്ത്രങ്ങളും ആവിഷ്ക്കരിച്ചുകൊണ്ട് ബാർ മുതലാളിമാരുടെ നേരിട്ടുള്ള പിന്തുണയോടെ അധികാരത്തിൽ എത്തിച്ചേർന്നു.

ശരിക്കും പറഞ്ഞാൽ അദ്ദേഹം ഈ കസേരയിൽ എത്തേണ്ടിയിരുന്നത് 2006 ലായിരുന്നുവെങ്കിലും അന്നത്തെ ഉൾപ്പാർട്ടി വിഭാഗീയതകൾ അദ്ദേഹത്തിന്റെ ഉശിരുള്ള പത്തുകൊല്ലം നഷ്ടപ്പെടുത്തി.

അദ്ദേഹം അധികാരത്തിൽ എത്തിയപ്പോൾ പറത്തിവിട്ട പ്രാവിന്റെ അവസ്ഥ പോലെ തന്നെ ഓരോ വിഷയങ്ങളിലും ഭരണത്തിന്റെ ഗ്രാഫ് താഴോട്ടാണ് പതിച്ചുകൊണ്ടിരുന്നത്.

വിഷ്ണു പ്രണോയ്, ലക്ഷ്മി നായർ, ചുംബന സമരങ്ങൾ പോലുള്ള വിഷയങ്ങളിൽ ഭരണത്തിന്റെ വീഴ്ചകൾ ഒന്നൊന്നായി പ്രതിപക്ഷത്തെ ചെറുപ്പക്കാരായ എംഎൽമാർ എടുത്തിട്ടു കുടഞ്ഞപ്പോൾ, ബ്രണ്ണൻ കോളേജിലും ഇരട്ടചങ്കിലും ഒക്കെ കേരളം ചർച്ചകൾ ആരംഭിച്ചു.

തൊടുന്ന വിഷയങ്ങളിൽ എല്ലാംജൂനിയർ മാൻഡ്രേക്ക് എന്ന കളിയാക്കി പേര് മുഖ്യനിൽ എത്തിച്ചേർന്നപ്പോൾ അതിൽ നിന്നൊക്കെ ഒരു മോചനമായാണ് ലോകത്തിലാദ്യത്തെ ബലാൽസംഘ ക്വട്ടേഷൻ എന്നൊക്കെ പറയുന്ന നടിയെ അക്രമിക്കൽ സംഭവം അരങ്ങേറിയത്.

ആഗോള ബലാല്‍സംഘ ക്വട്ടേഷന്‍

കേരളം ശരിക്കും ഭരിച്ചുകൊണ്ടിരിക്കുന്ന മാധ്യമ ഉപദേഷ്ടാവും, മലയാള സിനിമയുടെ ഇടതുപക്ഷ മെഗാസ്റ്റാറും, കേരളത്തിലെ സകലമാന സിനിമ ചാനൽ രാഷ്ട്രീയക്കാരുടെ കള്ളപ്പണം വെളുപ്പിക്കുന്ന കണക്കപ്പിള്ളയും, കൊച്ചിയിലെ ഇടതുപക്ഷ സിനിമാക്കാരും കൂടി ആ കേസിനെ രാഷ്ട്രീയമായി ഉപയോഗിച്ചു.

കേരളത്തിലെ മറ്റുള്ള നാലോളം നടിമാരെ ഇക്കൂട്ടർ ഇതേപോലെ പീഡിപ്പിച്ചുകൊണ്ട് വീഡിയോ എടുക്കുകയും ലക്ഷങ്ങൾ വാങ്ങിയെടുക്കുകയും ചെയ്തിട്ടുണ്ടെങ്കിലും ഈ കേസിനെ ഭരണത്തിന്റെ പ്രതിച്ഛായ വളർത്തുവാൻ ഉപയോഗിക്കുകയായിരുന്നു എന്ന് വേണം കരുതുവാൻ.


കാരണം ആരോരുമില്ലാത്ത വാളയാർ പെൺകുട്ടികൾക്കും വിശപ്പകറ്റാൻ മോഷണം നടത്തിയെന്നാരോപിച്ചുകൊണ്ട് തല്ലിക്കൊന്ന ആദിവാസി മധുവിനുമില്ലാത്ത ഒരു പരിലാളനം ഈ കേസിന് വന്നുചേർന്നു.


സ്വർണ്ണവും സ്വപ്നയും ശിവശങ്കറും ഡോളറും സ്പീക്കറും തുടങ്ങി നിയമനഅഴിമതികൾ പോലുള്ള എല്ലാ കുരുക്കുകളിൽ നിന്നും രക്ഷപ്പെട്ട മുഖ്യമന്ത്രി, ഉപദേശകരെ വീണ്ടും വീണ്ടും ഉപയോഗിച്ചുകൊണ്ട് കോവിഡും പ്രളയവും കിറ്റുമൊക്കെ ജനങ്ങളിൽ എത്തിച്ചും ആരോഗ്യ മേഖലക്ക് അമേരിക്കയിൽ നിന്നുവരെ അന്വേഷണങ്ങൾ ഉണ്ടാക്കിയും അവാർഡുകൾ കോരിയെറിഞ്ഞും ഒരു വിധം ഈ ചിരിക്കാത്ത ജനതയെ വീണ്ടും വീണ്ടും മാനസിക പ്രയാസത്തിലാക്കി.

എന്നും വൈകീട്ട് ആറുമണിക്കുള്ള സങ്കടം പറച്ചിലുകൾ കോൺഗ്രസുകാരിൽ വരെ മാറിചിന്തിക്കുവാൻ പ്രേരകമായി. അങ്ങനെ ശ്രീ എമ്മും, കണക്കപ്പിള്ളയും, മെഗാസ്റ്റാറും, ഉപദേഷ്ടാക്കളും വീണ്ടും വീണ്ടും പണക്കിഴികളുമായി ഇറങ്ങിത്തിരിച്ചു.

ജന്മശത്രുക്കളായിരുന്ന സ്വയം സേവകരും, ദുബായിലെ കേസിൽ നിന്നും രക്ഷപ്പെടുവാൻ കത്ത് എഴുതിയതിന്റെ ഉപകാരസ്മരണയുമായി ബിഡിജെഎസും, പിന്നെ കോഴമാണിയുടെ പുന്നാരമകന്റെ പാർട്ടിക്കാരും മതത്തിൽ പെട്ടവരും മാപ്ലസഖാക്കളുടെ അടിവേരായ എസ്ഡിപിഐ പോലുള്ളവരും ചേർന്ന് വൻ ഭൂരിപക്ഷത്തിൽ രണ്ടാം പിണറായി സർക്കാർ അധികാരത്തിൽ വന്നു.

ലോകായുക്ത എന്ന ദുര്‍മേദസ് !

തുടക്കത്തിൽ തന്നെ കല്ലുകടിയായി മാറിയത് ലോകായുക്ത എന്ന പണ്ടാറക്കാലന്മാർ ആയിരുന്നു. മുഖ്യമന്ത്രി ഓണത്തിന് പായസം കൊടുത്ത കുറ്റിപ്പുറം സുൽത്താന്റെ വീഴ്ച രണ്ടാം പിണറായി സർക്കാരിനേറ്റ പ്രഹരമായിരുന്നു . അന്നുതന്നെ ലോകായുക്ത ചെവിയിൽ നുള്ളേണ്ടിയിരുന്നു.

ആ ദിവസം തന്നെ ഉപദേഷ്ടാക്കളും ഒരു തീരുമാനമെടുത്തു. ഇനി ഇവിടെ കോടതികളും ലോകായുക്തകളും ഗവർണറും ഒന്നും വാഴില്ല അല്ലെങ്കിൽ വാഴിക്കില്ല. ഇവിടെ വിജിലൻസ് മാത്രം മതി. സിബിഐ, ഐടി, എൻഐഎ, കസ്റ്റംസ് ഒക്കെ ഇവിടെവേണ്ട.

ഇതൊരു സ്വയം പ്രഖ്യാപിത സാമ്രാജ്യമാണ്. പാർട്ടി പോലീസും, പാർട്ടി കോടതികളും, പാർട്ടി അന്വേഷണവും, പാർട്ടി ആരാച്ചാരുമാരും, പാർട്ടി ബന്ധുക്കളും മാത്രം നിയമങ്ങൾ, നിയമനങ്ങൾ കൈകാര്യം ചെയുന്ന ഒരു സാമ്രാജ്യം.

കേരളത്തിൽ എന്തൊരു വിഷയത്തിലും വളരെ മാന്യമായി ഇടപെട്ടിരുന്ന ഇന്നത്തെ ധനമന്ത്രി വരെ പറയുന്നു, ഇവിടെ എന്തിനാണീ ലോകായുക്ത ? അത്രയ്ക്കും രാജീവ് എന്ന ആദർശപരിവേഷകന്റെ ചിന്താധാരണികളിൽ മസ്തിഷക പ്രച്ഛളനം ഉരുത്തിരിയിപ്പിക്കുവാൻ
ആ ഉപദേഷകവൃത്തങ്ങൾക്ക് സാധ്യമായി എന്ന് വേണം അനുമാനിക്കുവാൻ.

കേരളം കണ്ടതിൽ വെച്ചേറ്റവും വലിയ ഫണ്ടിനെ വകമാറ്റി ചിലവഴിച്ച വകയിൽ ഒരു അന്വേഷണം ലോകായുക്ത നടത്തിക്കഴിഞ്ഞിരിക്കുന്നു. ഒന്നാം പ്രളയത്തിന് പാത്തുമ്മ ആടിനെ വിറ്റതും കുട്ടികൾ കുടുക്ക പൊട്ടിച്ചതും ഗൾഫിലെ വേദനിക്കുന്ന കോടീശ്വരന്മാർ സംഭാവന ചെയ്തതും സർക്കാർ ജോലിക്കാർ ശമ്പളത്തുക കൊടുത്തതും എല്ലാം ദുരിതാശ്വാസത്തിൽ എത്തിക്കാതെ വോട്ടുകിട്ടുവാൻ ഉപയോഗിച്ചതും ബാക്കിയുള്ളവ അമക്കിയതും ഒക്കെ അന്വേഷണത്തിലാണ്.

റോളിങ്ങ് ധനകാര്യ മാനേജ്മെന്‍റ് !


ഇവിടെ ഇന്നിപ്പോൾ നടക്കുന്നത് ആകെ മൊത്തം റോളിംഗ് ആണ്. ആ പണമെടുത്തു കൊണ്ട് ഇവിടെ ചിലവാക്കിയും ഇവിടത്തെ പണം എടുത്തുകൊണ്ട് അവിടെ ചിലവാക്കിയും പിന്നെ കുറെ പണം പലിശക്ക് എടുത്തിട്ടുമൊക്കെയുള്ള കിഫ്‌ബി കളികൾ.


അപ്രതീക്ഷിതമായി പ്രളയം വന്നപ്പോൾ കിട്ടിയ പണമെടുത്തുകൊണ്ട് തിരഞ്ഞെടുപ്പിൽ കൂറ്റൻ ബോർഡുകൾ സ്ഥാപിച്ചു. പത്രങ്ങളിൽ മുഴുവൻ പേജിൽ പരസ്യം ചെയ്തു. പിന്നീട് കെഫോൺ, കെ ചിക്കൻ അങ്ങനെയെങ്ങനെ ഓരോരോ പദ്ധതികൾ പ്രഖ്യാപിച്ചുവെങ്കിലും ഒരു തേങ്ങാക്കൊലയും നടന്നുകണ്ടില്ല.

ഇപ്പോഴിതാ വരുന്നു ഒരുലക്ഷത്തി അറുപത്തി അയ്യായിരം കോടിയുടെ കെ റെയിൽ എന്ന ബ്രഹ്മാണ്ഡ സംഭവം. ഇപ്പോൾ കുറുക്കന്മാരുടെ കണ്ണുകൾ കേറെയിൽ എന്ന കോഴിക്കൂട്ടിലേക്കാണ്. പക്ഷേ പലരും മൗനത്തിലായി തുടങ്ങി. പ്രതികരിക്കുന്ന വയൽക്കിളികൾ മുതൽ ജയരാജന്മാർ വരെ.

ലോകായുക്ത മിണ്ടുന്ന ദിവസം പ്രമുഖനടിയും നടനുമൊക്കെ അറസ്റ്റ് ചെയ്യപ്പെട്ടേക്കാം, നെയ്യപ്പം തിന്നാൽ രണ്ടുണ്ട് കാര്യം : കെ ലോകായുക്തയും കെ റെയിലും ഈ പ്രളയത്തിൽ മുങ്ങിയേക്കാം. ദീപസ്തംഭം മഹാശ്ചര്യം നമുക്കും കിട്ടണം കമ്മീഷൻ :

ലോകായുക്തയെ ഇല്ലാതാക്കുന്നതിൽ ഗവർണർ ഒപ്പിടില്ലെന്ന വിശ്വാസത്തിൽ ദാസപ്പനും ദിലീപിന്റെ ചോദ്യം ചെയ്യൽ നാടകം ലോകായുക്ത കേസെടുക്കും വരെ തുടരും എന്ന് വിജയൻ

More News

പൊന്നാനി: സാമൂഹ്യ സാംസ്കാരിക സംഘടനയായ എം എസ് എസ് (മുസ്ലിം സർവീസ് സൊസൈറ്റി) പൊന്നാനി ഘടകം അഖില കേരള ഖുർആൻ പാരായണ, മനഃപാഠ മത്സരങ്ങൾ സംഘടിപ്പിക്കുന്നു. മാനസിക വൈകല്യം അനുഭവിക്കുന്ന കുട്ടികൾക്കായി എം എസ് എസ് പൊന്നാനി ഘടകം നടത്തി വരുന്ന ഹോപ്പ് സ്പെഷ്യൽ സ്‌കൂൾ രജത ജൂബിലി ആഘോഷത്തിന്റെ ഭാഗമായാണ് “അഖില കേരള ഖുർആൻ പാരായണ, മനഃപാഠ മത്സരം 2022” അരങ്ങേറുക. ഡിസംബർ മൂന്ന്, നാല് തിയ്യതികളിലായിരിക്കും ഖുർആൻ മത്സരങ്ങൾ. ഒക്ടോബർ ആദ്യവാരത്തിൽ മത്സരത്തിൽ പങ്കെടുക്കുന്നതിനുള്ള […]

ബഹ്‌റൈന്‍: ബഹ്‌റൈനിലെ മലയാളികളുടെ വടം വലി അസോസിയേഷൻ രൂപീകരിച്ചു. ടഗ്ഗ് ഓഫ്‌ വാർ അസോസിയേഷൻ ബഹ്റൈൻ എന്ന പേരിലാണ് സംഘടന രൂപീകരിച്ചത്. സംഘടനയുടെ രക്ഷാധികാരിയായി ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്തിനെ തിരഞ്ഞെടുത്തു. ഷാജി ആന്റണി, അമൽദേവ് ഒ .കെ, ഷജിൽ ആലക്കൽ, ശരത് സുരേന്ദ്രൻ ,രതിൻ തിലക്, രഞ്ജിത്ത് എന്നിവരെ അസോസിയേഷൻ ഒഫീഷ്യൽസ് ആയും തിരഞ്ഞെടുത്തു. 21 അംഗങ്ങളുള്ള പാനലും, 100 മെമ്പർമാരുമുള്ള അസോസിയേഷനുമാണ് രൂപീകരിച്ചത്.

തിരുവനന്തപുരം : സമീപ കാലത്തെല്ലാം കോടിയേരി ബാലകൃഷ്ണന്റെ തട്ടകം എകെജി സെന്ററായിരുന്നു. നേരരെ എതിർവശത്തെ ചിന്ത ഫ്‌ളാറ്റിലാണ് താമസമെങ്കിലും രാവിലെ മുതൽ രാത്രി വൈകുവോളം അദ്ദേഹം എകെജി സെന്റിലുണ്ടാകും. പാർട്ടിക്കാർക്കും അണികൾക്കുമെല്ലാം വേണ്ട നിർദ്ദേശങ്ങൾ നൽകികൊണ്ടും വായനയുമായും. കാണാനെത്തുന്നവരെ എല്ലാം ചെറിയ പുഞ്ചിരിയോടെ നേരിടും. കോടിയേരി ബാലകൃഷ്ണൻ ഇനി ഈ പടി കടന്നെത്തില്ലെന്ന വിഷമം ഉളളിലൊതുക്കിയാണ് എ.കെ.ജി സെന്ററിലെ ജീവനക്കാർ കോടിയേരിയുടെ മരണവിവരം ഉൾക്കൊണ്ടത്. നിറഞ്ഞ കണ്ണുകളോടെ നിരവധി പേരാണ് സെന്റിലേക്ക് എത്തിയത്. പലരും അവിടെ എത്തുന്നത് […]

ബഹ്‌റൈൻ : ഐ.വൈ.സി.സി ബഹ്‌റൈന്റെ ചരിത്രത്തിൽ ആദ്യമായി ഏരിയാ കമ്മറ്റികൾ തമ്മിലുള്ള എവറോളിങ് ട്രോഫി വോളിബോൾ ടൂർണമെന്റ് ഹിദ്ദ്-അറാദ് ഏരിയ കമ്മിറ്റി മിഡിൽ ഈസ്റ്റ് മെഡിക്കൽ സെൻറർ ഹിദ്ദ്മായി ചേർന്ന് നബി സേലാ സ്പോർട്സ് ക്ലബിൽ സംഘടിപ്പിച്ചു. ഐ.വൈ.വൈ.സി ദേശിയ പ്രസിഡന്റ് ജിതിൻ പരിയാരം ടൂർണമെന്റിന്റെ ഉൽഘാടനം നിർവഹിച്ചു. ഐ.വൈ.വൈ.സി യിലെ ഒൻപത് ഏരിയ കമ്മറ്റികളുടെ മാറ്റുരച്ച ടൂർണമെന്റിൽ അബ്ദുൽ ഹസീബിന്റെ നേതൃത്വത്തിൽ ടുബ്‌ളി-സൽമാബാദ് ഏരിയ കമ്മറ്റിയും ജെയ്‌സ് ജോയിയുടെ നേതൃത്വത്തിൽ ഹിദ്ദ്-അറാദ് ഏരിയ കമ്മറ്റിയും ഫൈനലിൽ […]

ബഹ്‌റൈന്‍: തുമ്പമൺ പ്രവാസി അസോസിയേഷൻ തുമ്പക്കുടം ബഹ്റിൻ സൗദിയ ചാപ്റ്ററിന്റെ ആഭിമുഖ്യത്തിൽ മാർവിഡാ ടവേഴ്സ് ജുഫൈറിൽ വച്ച് ഓണാഘോഷം വെള്ളിയാഴ്ച വിഫുലമായി കൊണ്ടാടി . അത്ത പൂക്കളം ഒരുക്കി നിലവിളക്ക് തെളിയിച്ച് ഈശ്വര പ്രാർത്ഥനയ്ക്ക് ശേഷം കുട്ടികളുടെ കലാപരുപാടികളും ഓണകളികളും അരങ്ങേറി . തുടർന്ന് ആർപ്പുവിളികളോടെ മാവേലിയെ എതിരേറ്റു . അസോസിയേഷന്റെ പ്രവർത്തനങ്ങളുടെ ഈ വർഷത്തെ അവലോകനവും പ്രവർത്തന മികവും ചർച്ച ചെയ്യപെട്ടു.  കൊവിഡ് കാലത്ത് അരോഗ്യ രംഗത്ത് പ്രവർത്തിച്ച അസോസിയേഷനിലെ ആരോഗ്യ പ്രവർത്തകരെ ആദരിക്കുകയും അവരുടെ […]

പൊന്നാനി: “സ്ത്രീത്വം, സമത്വം, നിർഭയത്വം” എന്ന ശീർഷകത്തിൽ 2022 ഡിസംബർ 31, ജനുവരി 1 (ശനി, ഞായർ) തിയ്യതികളിൽ പൊന്നാനി കൾച്ചറൽ വേൾഡ് ഫൗണ്ടേഷൻ (പി സി ഡബ്ല്യു എഫ്) വനിതാ വേദിയുടെ ആഭിമുഖ്യത്തിൽ പത്താമത് സ്ത്രീധനരഹിത സമൂഹ വിവാഹവും എട്ടാം വാർഷിക സമ്മേളനവും അരങ്ങേറുമെന്ന് വേദി ഭാരവാഹികൾ അറിയിച്ചു. എം ഇ എസ് പൊന്നാനി കോളേജ് ഓഡിറ്റോറിയത്തിൽ പ്രത്യേകം ഉയരുന്ന ഒ കെ ഉമ്മർ നഗറിലായിരിക്കും സമൂഹ വിവാഹവും വാർഷിക സമ്മേളനവും . പരിപാടിയുടെ വിജയത്തിനായി […]

നെടുമ്പാശേരി: വിദേശത്ത് നിന്നെത്തിയ മൂന്നംഗ കുടുംബാംഗങ്ങളിൽ 2 പേർ കടത്താൻ ശ്രമിച്ച 432 ഗ്രാം സ്വർണാഭരണങ്ങളും 1115 ഗ്രാം സ്വർണ മിശ്രിതവും വിമാനത്താവളത്തിലെ കസ്റ്റംസ് എയർ ഇന്റലിജൻസ് യൂണിറ്റ് പിടികൂടി. ഇന്നലെ എയർഇന്ത്യ എക്സ്പ്രസ് വിമാനത്തിൽ ബഹ്റൈനിൽ നിന്നെത്തിയ കോഴിക്കോട് ആയഞ്ചേരി സ്വദേശി അബ്ദുൽ ജലീലും കുടുംബവുമാണ് സ്വർണം കടത്താൻ ശ്രമിച്ച് പിടിയിലായത്. അബ്ദുൽ ജലീൽ സ്വർണമിശ്രിതം ക്യാപ്സൂൾ രൂപത്തിലാക്കി ശരീരത്തിനുള്ളിൽ ഒളിപ്പിച്ചിരിക്കുകയായിരുന്നു. 4 ക്യാപ്സൂളുകൾ ആണ് ഇയാളിൽ നിന്ന് കണ്ടെടുത്തത്. കൂടെയുണ്ടായിരുന്ന ഭാര്യ 432 ഗ്രാം […]

കണ്ണൂര്‍: അന്തരിച്ച മുന്‍ സിപിഎം സംസ്ഥാന സെക്രട്ടറിയും മുന്‍ ആഭ്യന്തരമന്ത്രിയുമായി കോടിയേരി ബാലകൃഷ്ണനെ അനുസ്മരിച്ച് മുതിര്‍ന്ന കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താന്‍. 2006ൽ നിയമസഭാ തിരഞ്ഞെടുപ്പിൽ തലശ്ശേരിയിൽ ഞങ്ങൾ പരസ്പരം മത്സരിച്ചപ്പോൾ ആളറിയാതെ കോടിയേരി എന്നോട് വോട്ടു ചോദിച്ച ഒരു ഓർമയുണ്ട് മനസിൽ. തിരഞ്ഞെടുപ്പ് പ്രചാരണത്തിനിടെ തലശ്ശേരി ബിഷപ് മരണപ്പെട്ട ദിവസമായിരുന്നു അത്. അവധി കിട്ടിയ ദിവസം മുടി വെട്ടാൻ ഡ്രൈവറെ കാറിലിരുത്തി ഞാൻ തനിച്ച് ബാർബർ ഷോപ്പിൽ കയറി. ദേഹം മുഴുവൻ ഷാൾ മൂടി മുടി […]

കുവൈറ്റ്‌: കുവൈറ്റിലെ മലങ്കര സഭാ മക്കളുടെ കൂട്ടായ്മയായ കെ എം ആർ എം ന്റെ സാൽമിയ ഏരിയ കമ്മിറ്റിയുടെ ആഭിമുഖ്യത്തിൽ കെ എം ആർ എം കുട്ടികൾക്കായി നിറക്കൂട്ട് എന്ന പേരിൽ ചിത്ര രചനാ മത്സരം സംഘടിപ്പിച്ചു. സെപ്റ്റംബർ 30 വെള്ളിയാഴ്ച സാൽമിയ സ്പന്ദൻ കൾചറൽ സെന്റർ ഓഡിറ്റോറിയത്തിൽ നടന്ന ചിത്രരചനാ മത്സരം സജി മാടമണ്ണിൽ അച്ചൻ ഉൽഘാടനം ചെയ്തു. ഏരിയ പ്രസിഡന്റ്‌ ജിബി എബ്രഹാം അധ്യക്ഷനായ യോഗത്തിൽ സെക്രട്ടറി ജിനു ഫിലിപ്പ് സ്വാഗതവും ട്രെഷറർ തോമസ് […]

error: Content is protected !!