07
Sunday August 2022
ദാസനും വിജയനും

ആ ബിരിയാണിച്ചെമ്പിലെന്തുണ്ട് ? മാധ്യമത്തിനെതിരെ അയച്ച കത്തിനു പിന്നിലെന്തുണ്ട് ? വിനു വി ജോണ്‍ പറഞ്ഞ അല്‍പനെന്ന പദത്തിനെന്തര്‍ഥം ? – ദാസനും വിജയനും

ദാസനും വിജയനും
Monday, July 25, 2022

മിസ്റ്റർ അബ്ദുൽ ജലീൽ വളരെ നല്ലവനായ ഒരു രാജ്യസ്നേഹി തന്നെയെന്ന് വീണ്ടും വീണ്ടും തെളിയിക്കപ്പെട്ടുകൊണ്ടിരിക്കുകയാണ്. വിപ്ലവം തോക്കിൻകുഴലിലൂടെ എന്ന് മുദ്രാവാക്യം വിളിച്ച സിമിയിലൂടെ രാഷ്ട്രീയത്തിൽ പ്രവേശിച്ച ഈ രാജ്യസ്നേഹി. പിന്നീട് അവസരവാദ രാഷ്ട്രീയത്തിലൂടെ ജയിച്ചു ജയിച്ചു കയറി കേരളം പോലത്തെ ഒരു സംസ്ഥാനത്തിലെ ഉന്നത വിദ്യാഭ്യാസ മന്ത്രി പദത്തിൽ വരെ എത്തി.

പിന്നീട് വിപ്ലവം ബന്ധുനിയമനത്തിലൂടെയും അതുകഴിഞ്ഞുള്ള വിപ്ലവം ഖുർആനിനുള്ളിലെ സ്വർണ്ണക്കടത്തിലൂടെയും ഒക്കെ പരീക്ഷിച്ചു പരീക്ഷിച്ചാണെന്നു പറയുന്നു. ഇന്നിപ്പോൾ തന്നെ പാലൂട്ടി വളർത്തിയ പത്രത്തെ നിരോധിക്കണമെന്നാവശ്യപ്പെട്ടുകൊണ്ട് മറ്റുള്ള രാജ്യ തലവന്മാർക്ക് കത്തുകൾ അയക്കുന്ന തരത്തിൽ വരെ എത്തിച്ചേർന്നിരിക്കുന്നു .

”എന്റെ ജീവിതത്തിൽ ഇത്രയും അൽപ്പനായ ഒരു വ്യക്തിയെ കണ്ടിട്ടില്ല” എന്ന് ഏഷ്യാനെറ്റിന്റെ വിനു മുഖ്യ വാർത്തകൾക്കിടയിൽ പറയുമ്പോള്‍ പലരും വിനുവിനെ തെറ്റിദ്ധരിച്ചിരുന്നു.

സമപ്രായക്കാർ തമ്മിലുള്ള പ്രൊഫഷണൽ ഈഗോയുടെ ഭാഗമായാണ് ഇങ്ങനൊയൊക്കെ പറയുന്നത് എന്നും ഒരു ക്രിസ്ത്യാനിക്ക് ഒരു മുസ്ലിം മന്ത്രിയോടുള്ള വിദ്വേഷമാണ് എന്നൊക്കെ ഈ അൽപ്പന്റെ ഫേസ്‌ബുക്ക് പോസ്റ്ററിന്റെ കീഴെ അണികൾ കമന്റിട്ടത് ഇപ്പോഴും ഓർമ്മിക്കുന്നു.

അന്ന് ആ കമന്റുകൾ കണ്ടപ്പോൾ പലരും അതൊക്കെ ശരിയാകാമെന്ന് കരുതിയെങ്കിലും കാലം വീണ്ടും തെളിയിച്ചുകൊണ്ടിരിക്കുന്നത് ഒരു അൽപ്പന്റെ ജൽപ്പനങ്ങൾ തന്നെയാണ്.

ആര് ഫോൺ ചെയ്താലും “ഞാൻ ളുഹർ നമസ്കരിച്ചുകൊണ്ടിരിക്കുകയായിരുന്നു”. “ഞാൻ അസർ നമസ്കരിക്കുവാൻ കയറുകയാണ് ” “ഞാൻ മഗ്‌രിബ് നമസ്കരിച്ചുകൊണ്ട് ഇറങ്ങിയതേ ഉള്ളൂ” “അടുത്ത ആഴ്ച ഉംറക്ക് പോകുകയാണ് ” എന്നൊക്കെയുള്ള മറുപടികൾ കേൾക്കുമ്പോള്‍ ഇത്രേം നല്ല ഒരു വ്യക്തിയെയാണല്ലോ ഞാൻ പരിചയപ്പെട്ടത് അല്ലെങ്കിൽ ഫോണിൽ വിളിച്ചത് എന്ന് ഉള്ളിന്റെയുള്ളിൽ തോന്നിപ്പോകും.

ഇലക്ഷൻ പ്രചാരണ ജാഥക്കിടയിൽ റോഡുവക്കിൽ മാധ്യമം പത്രം വിരിച്ചുകൊണ്ട് നമസ്കരിച്ചത് കണ്ടപ്പോൾ നാമറിയുന്ന ഒരു ലീഗ് കുടുംബം പോലും ഇദ്ദേഹത്തിന് വോട്ടു നൽകുകയുണ്ടായി. ഇന്നിപ്പോൾ ആ കുടുംബം അക്കാര്യത്തിൽ വളരെയേറെ ദുഖിക്കുകയാണത്രെ.

കേന്ദ്രസർക്കാർ ഒന്നും കാണാതെ ഒരു വ്യക്തിയുടെ ഗ്രീൻ പാസ്‌പോർട്ട് അപേക്ഷ തിരസ്‌കരിക്കില്ല എന്നിപ്പോൾ മനസിലാക്കുന്നു. ആദ്യം കരുതി ഹിന്ദുസർക്കാർ ഭരിക്കുന്നതുകൊണ്ടാണ് ഒരു മുസ്ലിം മന്ത്രിക്ക് യാത്രാവിലക്കുകളും മറ്റും ഏർപ്പെടുത്തിയത് എന്നൊക്കെ.

കാലം പോകുന്തോറും ഓരോരോ കഥകൾ വെളിയിൽ വന്നുതുടങ്ങിയപ്പോൾ മിന്നുന്നതെല്ലാം പൊന്നല്ല എന്ന സത്യം തവനൂർക്കാർ വരെ മനസിലാക്കിയതിന്റെ തുടക്കമാണ് ഇത്തവണത്തെ ഭൂരിപക്ഷം.

തൊട്ടതിനും പിടിച്ചതിനുമൊക്കെ മതത്തെ ആയുധമാക്കി പാവപ്പെട്ട ജനത്തിന്റെ മുന്നിൽ ഒരു ധീര രക്തസാക്ഷിയായി മാറിയ ഈ മനുഷ്യൻ ഇ.ഡി ചോദ്യം ചെയാൻ വിളിച്ചപ്പോൾ സ്വന്തക്കാരെ മാത്രം കൂട്ടിനുവിളിച്ചാണ് തലയിൽ മുണ്ടിട്ട് ചോദ്യം ചെയ്യലിന് എത്തിയത് എന്നതും നാം കാണാതെ പോകരുത്.

എല്ലാ വെള്ളിയാഴ്ചകളിലും ഗൾഫിൽ നിന്നും വന്നിരുന്ന വിമാനത്തിൽ കുഴിമന്തിയും കോഴി ബിരിയാണിയും ഏറ്റുവാങ്ങിയിരുന്നതും ബിരിയാണി ചെമ്പ് പൊട്ടിച്ചിരുന്നതും അതിനുള്ളിൽ സ്വർണ്ണക്കട്ടികൾ ഉണ്ടായിരുന്നു എന്നതുമൊക്കെ ഇപ്പോൾ സ്വപ്ന സത്യമായി മാറുന്ന ഈ അവസ്ഥയിൽ ലോകത്ത് ഖുർആൻ അച്ചടിക്കുന്നതിൽ മുഖ്യപങ്കുവഹിക്കുന്ന കേരളത്തിലേക്ക് ഖുർആൻ കൊണ്ടുവന്നിരുന്നതും ഈന്തപ്പപ്പഴം കൊണ്ടുവന്നിരുന്നതും അത് പരിശോധിക്കാതെ സർക്കാർ വാഹനങ്ങളിൽ വേണ്ടപ്പെട്ട സ്ഥലങ്ങളിൽ എത്തിച്ചുകൊടുത്തിരുന്നതും ഒക്കെ
വിശ്വസിക്കാതിരിക്കുവാൻ വയ്യാതായിരിക്കുന്നു.

തിരഞ്ഞെടുപ്പുകൾ ജയിക്കുവാൻ പണമെറിയണം എന്ന അവസ്ഥ മുന്നിൽ നിൽക്കുന്നതുകൊണ്ട് പണം കണ്ടെത്തുവാൻ ഇക്കളികൾ കളിച്ചിട്ടില്ല എന്ന് പറയാനും പറ്റില്ല.

കുറച്ചു നന്നായി മലയാളം സംസാരിക്കുവാൻ അറിയാമെങ്കിൽ, കുറച്ചു നന്നായി ഫേസ്‌ബുക്ക് പോസ്റ്റുകൾ എഴുതുവാൻ അറിയാമെങ്കിൽ ഭൂമിയുടെ അച്ചുതണ്ട് തിരിയുന്നത് തന്റെ ചുമലിൽ ഇരുന്നാണ് എന്ന് ചിന്തിക്കുന്ന ഇത്തരക്കാരെ വളർത്തിയത് തന്നെ അവരുടെ എതിരാളികൾ തന്നെയാണ്.

അന്ന് 2006 തിരഞ്ഞെടുപ്പിൽ കുറ്റിപ്പുറം മണ്ഡലത്തിൽ മത്സരിച്ചപ്പോൾ ഗൾഫിലെ കുറെ കുഞ്ഞാപ്പുമാർ കൂടെ കൂടി അദ്ദേഹത്തെ ജയിപ്പിച്ചെടുത്തപ്പോൾ ഇവിടെ നഷ്ടമായത് ഒരു സംസ്‌കാരമാണ്.

എന്നെ മന്ത്രിയാക്കിയത് പാണക്കാട് തങ്ങളല്ല, എകെജി സെന്ററാണ് എന്ന് തൊണ്ടപൊട്ടി പ്രസംഗിച്ചപ്പോൾ കുറേപേർ കയ്യടിച്ചു എങ്കിലും വോട്ടുചെയ്ത് വിജയിപ്പിച്ച പലർക്കും അതൊരു വേദനയായിരുന്നു.

ഇന്നിപ്പോൾ ആ എകെജി സെന്റർ അങ്ങേരെ തള്ളിപ്പറയുമ്പോള്‍ വെള്ളാപ്പള്ളി നടേശൻ കാലം കാത്തിരുന്ന കാവ്യനീതി എന്ന് പറയുന്നത് പോലെയായി കാര്യങ്ങൾ. എകെജി സെന്ററിന് പടക്കമെറിഞ്ഞ സഖാവിനെ പിടിക്കാൻ പറ്റാതെ പാർട്ടി ഇരുട്ടിൽ തപ്പുമ്പോള്‍, അല്ലെങ്കിൽ കിട്ടിയവനെ ഒളിപ്പിക്കാൻ ചെയ്യിച്ചവർ പാട് പെടുമ്പോള്‍ അവർക്കെന്ത് ജലീൽ !!!

നമ്മുക്ക് നാമേ പണിവത് നാകം നരകവുമതുപോലെ എന്നത് ഒന്നുകൂടി ഓർമ്മിപ്പിച്ചുകൊണ്ട് :

ഇനിയെങ്കിലും ഇരട്ടമുഖംമൂടികൾ അഴിച്ചുമാറ്റണം എന്നഭ്യർത്ഥനയുമായി സഖാവ് വിജയനും
പാവപ്പെട്ട ജനങ്ങളെ പച്ചക്ക് പറ്റിക്കരുത് എന്നഭ്യർത്ഥനയുമായി ആട്ടിടയൻ ദാസനും

More News

തിരുവനന്തപുരം: കേശവദാസപുരത്ത് 60കാരിയെ മരിച്ച നിലയില്‍ കണ്ടെത്തി. മനോരമ എന്ന സ്ത്രീയാണ് മരിച്ചത്. സമീപത്തെ വീട്ടിലെ കിണറ്റില്‍ നിന്നാണ് മൃതദേഹം കണ്ടെത്തിയത്. ഇവരെ കാണാനില്ലെന്ന പരാതിയെ തുടർന്ന് നടത്തിയ തെരച്ചിലിനിടെയാണ് മൃതദേഹം കിട്ടിയത്. കാലുകൾ കെട്ടിയിട്ട നിലയിലായിരുന്നു മൃതദേഹം. ഇവരുടെ വീടിന് സമീപത്ത് താമസിച്ചിരുന്ന ഒരു ഇതരസംസ്ഥാന തൊഴിലാളിയെ കാണാതായിട്ടുണ്ട്. ഇയാൾക്ക് ഒപ്പം താമസിക്കുന്ന മൂന്ന് പേർ പൊലീസ് കസ്റ്റഡിയിലാണ്.

ഫ്‌ളോറിഡ: അഞ്ചാം ടി20യില്‍ വിന്‍ഡീസിനെ 88 റണ്‍സിന് തകര്‍ത്ത് ഇന്ത്യ 4-1ന് പരമ്പര സ്വന്തമാക്കി. ടോസ് നേടി ബാറ്റിങ് തിരഞ്ഞെടുത്ത ഇന്ത്യ 20 ഓവറില്‍ ഏഴ് വിക്കറ്റിന് 188 റണ്‍സെടുത്തു. വിന്‍ഡീസ് 15.4 ഓവറില്‍ 100 റണ്‍സിന് പുറത്തായി. 40 പന്തില്‍ 64 റണ്‍സെടുത്ത ശ്രേയസ് അയ്യരാണ് ഇന്ത്യയുടെ ടോപ് സ്‌കോറര്‍. ഇഷന്‍ കിഷന്‍-11, ദീപക് ഹൂഡ-38, സഞ്ജു സാംസണ്‍-15, ഹാര്‍ദ്ദിക് പാണ്ഡ്യ-28, ദിനേശ് കാര്‍ത്തിക്-12, അക്‌സര്‍ പട്ടേല്‍-9, ആവേശ് ഖാന്‍-1 നോട്ടൗട്ട് എന്നിങ്ങനെയാണ് മറ്റുള്ളവരുടെ പ്രകടനം. […]

പട്‌ന: എന്‍ഡിഎയുമായി പിണങ്ങി നില്‍ക്കുന്ന ബിഹാര്‍ മുഖ്യമന്ത്രിയും ജെഡിയു നേതാവുമായ നിതീഷ് കുമാര്‍ സോണിയാ ഗാന്ധി അടക്കമുള്ള പ്രതിപക്ഷ നേതാക്കളുമായി സംസാരിച്ചതായി റിപ്പോര്‍ട്ട്. ഇതിന് പിന്നാലെ ജെഡിയു എംപിമാരെ നിതീഷ് പട്‌നയിലേക്ക് വിളിപ്പിച്ചു. ബിഹാറിലെ രാഷ്ട്രീയ വിഷയങ്ങളെ ചൊല്ലി എന്‍ഡിഎയുമായി ഇടഞ്ഞു നില്‍ക്കുകയാണ് ജെഡിയു. ഇന്ന് പ്രധാനമന്ത്രിയുടെ അധ്യക്ഷതയിൽ വിളിച്ചു ചേർത്ത നിതി ആയോഗ് യോഗത്തിൽ നിന്നടക്കം അദ്ദേഹം വിട്ടു നിന്നിരുന്നു.

കുവൈറ്റ് സിറ്റി: വ്യാഴം, ശനി ഗ്രഹങ്ങളുടെ അപൂര്‍വ സംഗമത്തിന് ഇന്ന് കുവൈറ്റ് സാക്ഷിയാകും. രാത്രി 10 മുതല്‍ സൂര്യോദയം വരെയുള്ള സമയങ്ങളിലാണ് ഈ അപൂര്‍വ പ്രപഞ്ച വിസ്മയത്തിന് കുവൈറ്റിന്റെ ആകാശം സാക്ഷിയാവുകയെന്ന് അൽ ഉഐജീരി സയന്റിഫിക്‌ സെന്റർ അറിയിച്ചു. നഗ്ന നേത്രങ്ങൾ കൊണ്ട്‌ ഇത് കാണാം. കാഴ്ചയില്‍ ഇരു ഗ്രഹങ്ങളും ചേർന്ന് നിൽക്കുന്നതായി തോന്നാമെങ്കിലും ഏകദേശം 60 കോടി കിലോമീറ്ററുകൾ അകലെയാണു ഇവ തമ്മിലുള്ള ദൂരം എന്ന് കേന്ദ്രത്തിലെ പബ്ലിക് റിലേഷൻസ് ആൻഡ് മീഡിയ ഡയറക്ടർ ഖാലിദ് […]

കോഴിക്കോട്: പന്തിരിക്കരയില്‍ സ്വര്‍ണ്ണക്കടത്ത് സംഘം തട്ടിക്കൊണ്ടുപോയി കൊലപ്പെടുത്തിയ ഇര്‍ഷാദിന്‍റെ മൃതദേഹാവശിഷ്ടം ബന്ധുക്കൾ ഏറ്റുവാങ്ങി സംസ്ക്കരിച്ചു.  മേപ്പയൂർ സ്വദേശി ദീപക്കിന്‍റേതെന്ന് കരുതി ബന്ധുക്കൾ ഏറ്റുവാങ്ങി സംസ്കരിച്ച മൃതദേഹമാണ് ഇർഷാദിന്‍റേതാണെന്ന് തെളിഞ്ഞതിനെ തുടർന്ന് ബന്ധുക്കള്‍ക്ക് കൈമാറിയത്. കാണാതായ ദീപക്കിന്റേതെന്ന് കരുതി ഇർഷാദിന്റെ മൃതദേഹം ബന്ധുക്കൾ സംസ്കരിച്ചിരുന്നു. എന്നാൽ ഡി എൻ എ പരിശോധനയിൽ മൃതദേഹം ദീപക്കിന്റേതല്ലെന്നും ഇർഷാദിന്റേതാണെന്നും വ്യക്തമായി. പിന്നാലെയാണ് വടകര ആർ ഡി ഒയുടെ നേൃത്വത്തിൽ ഇർഷാദിന്റെ മൃതദേഹാവശിഷ്ടങ്ങൾ ബന്ധുക്കൾക്ക് കൈമാറിയത്.

കൽപറ്റ: വയനാട് ജില്ലയിൽ വിദ്യാഭ്യാസ സ്ഥാപനങ്ങൾക്ക് നാളെ ജില്ലാ കളക്ടർ അവധി പ്രഖ്യാപിച്ചു. ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് ജില്ലാ കലക്ടർ അറിയിച്ചു. ജില്ലയിൽ മഴ തുടരുന്ന സാഹചര്യത്തിലും ദുരിതാശ്വാസ ക്യാംപുകൾ പ്രവർത്തിക്കുന്ന സാഹചര്യത്തിലുമാണ് അവധി പ്രഖ്യാപിച്ചത്.

മനാമ : കേരള പ്രദേശ് കോൺഗ്രസ് കമ്മിറ്റിയുടെ നിർദ്ദേശ പ്രകാരം ലോകമെമ്പാടും ആരംഭിച്ച ഒഐസിസി മെമ്പർഷിപ്പ്‌ വിതരണം ബഹ്‌റൈനിലും ആരംഭിച്ചു. ഒഐസിസി ആക്ടിങ് പ്രസിഡന്റ്‌ രവി കണ്ണൂർ അധ്യക്ഷത വഹിച്ച യോഗത്തിൽ മെമ്പർഷിപ്പ്‌ വിതരണോദ്ഘാടനം ഒഐസിസി ഗ്ലോബൽ ജനറൽ സെക്രട്ടറിയും, മിഡിൽ ഈസ്റ്റ്‌ ജനറൽ കൺവീനറുമായ രാജു കല്ലുംപുറം മുതിർന്ന അംഗം സി.പി. വർഗീസിന് ആദ്യ മെമ്പർഷിപ് നൽകി നിർവഹിച്ചു. ഗ്ലോബൽ സെക്രട്ടറിയും, മിഡിൽ ഈസ്റ്റ്‌ കൺവീനർ റഷീദ് കുളത്തറ മെമ്പർഷിപ്പ് വിതരണം സംബന്ധിച്ച വിശദമായ വിവരങ്ങൾ […]

തൊടുപുഴ: ചിറ്റൂര്‍ പാലക്കാട്ട് മാണി ജോസഫ് (78) നിര്യാതനായി. സംസ്ക്കാരം നാളെ തിങ്കളാഴ്ച രാവിലെ 10.30 ന് ചിറ്റൂർ സെന്റ് ജോർജ് പള്ളിയിൽ. ഭാര്യ: ചിന്നമ്മ ആരക്കുഴ പൂക്കാട്ട് കുടുംബാംഗം. മക്കൾ: ബീന (മുംബൈ), ബിന്ദു (ഖത്തർ), ബിജോ (ദുബായ്). മരുമക്കൾ: ഗ്യാരി ജെയിംസ്, ചക്കാലപ്പാടത്ത് (മുംബൈ), ബെനോ ജെയിംസ്, മുട്ടത്ത് (കാഞ്ഞിരപ്പിള്ളി), നിഷ വടക്കേവീട്ടിൽ (മൈസൂർ).

തിരുവനന്തപുരം: വർക്കല അഞ്ചുതെങ്ങ് മുതലപ്പൊഴിയിൽ മത്സ്യബന്ധന വള്ളം മറിഞ്ഞ് അപകടം. അപകടത്തിൽ രണ്ട് മത്സ്യത്തൊഴിലാളികളെ കാണാതായി. പെരുമാതുറ ചേരമാൻ തുരുത്ത് സ്വദേശികളായ സബീർ (35( ഷമീർ (33) എന്നിവരെയാണ് അപകടത്തിൽപ്പെട്ട് കാണാതായത്. ഒപ്പമുണ്ടായിരുന്ന അൻസാരി (40) നീന്തി രക്ഷപ്പെട്ടു. കോസ്റ്റൽ പോലീസും മത്സ്യത്തൊഴിലാളികളും തിരച്ചിൽ തുടരുകയാണ്.

error: Content is protected !!