02
Sunday October 2022
ദാസനും വിജയനും

ഭാരത് ജോഡോ യാത്ര എന്നാൽ മുന്നേറ്റം എന്നായി മാറി. പറഞ്ഞിട്ടെന്ത് കാര്യം ? രാഹുൽ ഗാന്ധി ഇടുന്ന ടി ഷർട്ടും ജെട്ടിയും മുതൽ കഴിക്കുന്ന പഴംപൊരിക്കും പരിപ്പുവടക്കും വരെ കുറ്റം പറയുന്ന ഒരു കൂട്ടം മണ്ടശിരോമണികളുണ്ട്. ചെറുപ്പക്കാരുടെ ഹരമായി മാറേണ്ടിയിരുന്ന ഈ ഭാരത് ജോഡോയെ കൂടുതൽ വൈറലാക്കേണ്ടിയിരുന്ന പാർട്ടിയും ജാഥക്കാരും ജാഡക്കാരും ഏറെ പിന്നിലാണ്. എന്തായാലും ബുദ്ധി ചിന്തൻ ശിബിരമായാലും പ്രശാന്ത് കിഷോർ ആയാലും ഒരു കാര്യം ഉറപ്പ് . രാഹുലിനെ ജനങ്ങൾക്ക് ഒട്ടേറെ ഇഷ്ടമാണ് – ദാസനും വിജയനും എഴുതുന്നു

ദാസനും വിജയനും
Friday, September 23, 2022

ഭാരത് ജോഡോ യാത്ര എന്നത് ആദ്യം കോൺഗ്രസ്സുകാരും, മുഖ്യ ശത്രു ആർഎസ്എസുകാരും എന്തും എതിർക്കുന്ന സിപിഎമ്മുകാരും അത്രക്ക് കാര്യമായി എടുത്തില്ല.  ഇന്നിപ്പോൾ കോൺഗ്രസ്സുകാർ തന്നെ അക്ഷരാർത്ഥത്തിൽ ഞെട്ടിത്തരിച്ചിരിക്കുകയാണ് .


ബുദ്ധി ചിന്തൻ ശിബിരമായാലും പ്രശാന്ത് കിഷോർ ആയാലും ഒരു കാര്യം ഉറപ്പ്. രാഹുലിനെ ജനങ്ങൾക്ക് ഒട്ടേറെ ഇഷ്ടമാണ് എന്ന വസ്തുത ഇനിയാർക്കും കണ്ടില്ലെന്ന് നടിക്കുവാനാകില്ല.


വയനാട്ടിൽ മത്സരിക്കുവാൻ വിമാനത്തിൽ പറന്നിറങ്ങിയ നാൾ മുതൽ രാഹുലും സ്വയമേ മനസിലാക്കിയിരുന്നു കേരളജനതയുടെ സ്‌നേഹവായ്പുകൾ.

കന്യാകുമാരിയിൽ നിന്നും കരുണാനിധിയായ പുത്രൻ സ്റ്റാലിൻ ഫ്ലാഗ് ഓഫ് ചെയ്യുമ്പോഴും നിലപാടുകളില്ലാത്ത പല കോൺഗ്രസ്സുകാരും നിസ്സാര കാരണങ്ങളാൽ കോൺഗ്രസ്സ് ഉപേക്ഷിച്ചവരും അവസരവാദ നയങ്ങളാൽ കോൺഗ്രസിൽ നിന്നും ചാടിയവരും പകൽ കോൺഗ്രസ്സും രാത്രി ആർഎസ്എസും എസ്‌ഡിപിഐയും ഒക്കെ ആയി നടക്കുന്നവരും പാർട്ടിയിൽ നിന്ന് സകലമാന സ്ഥാനമാനങ്ങളും പണവും സമ്പാദിച്ചുകൊണ്ട് പാർട്ടിയെ ചവുട്ടിയരച്ചുകൊണ്ട് ഇറങ്ങിപ്പോയ ചാക്കോമാരും തോമസുമാരും ഗുലാം നബിമാരും പാർട്ടിയുടെ ഔദാര്യത്തിൽ നല്ല ജോലികളിൽ പ്രവേശിച്ചുകൊണ്ട് പിന്നീട് പാർട്ടിയെ ബോധിക്കാതായ അനുഭാവികളും ഒക്കെ ആദ്യം കളിയാക്കി ചിരിച്ചു.


എങ്കിലും യാത്ര ചാലക്കുടിയിൽ എത്തിയപ്പോൾ ഞെട്ടലോടെയാണ് വാർത്തകൾ കാണുന്നത്. ഒന്നുറക്കെ വിളിച്ചാൽ തിരിച്ചു വരുമെന്നുള്ള മനസികാവസ്ഥയിലാണ് പലരും.


ഇത്രയും വലിയൊരു സാഹസിക യാത്ര നടത്തിയിട്ടും ദേശീയ മാധ്യമങ്ങളോ സോഷ്യൽ മീഡിയയോ ഒന്നും പ്രാധാന്യം കൊടുക്കാതെ മാറിനിൽക്കുന്നതിൽ പണാധിപത്യം നിഴലിക്കുന്നത് മനസിലാക്കാം .

എന്നാൽ കോൺഗ്രസ്സ് പാർട്ടിയുടെ സ്വന്തം ചാനലായ ജയ്‌ഹിന്ദ്‌ ഇത്രയും നല്ല ഒരു അവസരം കിട്ടിയിട്ടും മൂലക്കുരു ഡോക്ടറുടെ ഇന്റർവ്യൂവും മറ്റുള്ള സ്‌പോൺസേർഡ് കച്ചറ പരിപാടികളുമായി ചാനൽ ഉന്തിത്തള്ളി നീങ്ങുന്നത് കാണുമ്പോൾ ഒരു കാര്യം നമ്മുക്കുറപ്പിക്കാം. കേവലം ഒരു ചാനൽ നടത്തുവാൻ കെൽപ്പില്ലാത്തവർ എങ്ങനെ ഒരു രാഷ്ട്രീയ പാർട്ടിയെ നയിക്കുന്നു എന്ന് .

കേരളം കണ്ടതിൽ വെച്ചേറ്റവും മോശം സർക്കാരിനെയും മുഖ്യമന്ത്രിയെയും രണ്ടാംവട്ടം ഭരണം ഏൽപ്പിക്കുവാനും കാരണം ഈ ചാനൽ നടത്തിപ്പുകാരുടെ കെടുകാര്യസ്ഥത തന്നെ .


ചെറുപ്പക്കാരുടെ ഹരമായി മാറേണ്ടിയിരുന്ന ഈ യാത്രയെ കൂടുതൽ ചെറുപ്പക്കാരിൽ എത്തിക്കുന്നതിൽ പാർട്ടിയും ജാഥക്കാരും ജാഡക്കാരും ഏറെ പിന്നിലായിരിക്കുന്നു .


ജാഥയിൽ മുന്നിലെത്തുവാൻ ചുളിയാത്ത വെള്ളഷർട്ടും വെള്ളക്കളസവും ഇട്ടു നടക്കുന്നവന്മാർ നന്നായി പരിശ്രമിച്ചാൽ കൂടുതൽ ജനങ്ങളിൽ പ്രത്യേകിച്ച് ന്യു ജനറേഷൻ കുട്ടികളിൽ ഈ വാർത്തകൾ എത്തിക്കുവാൻ സാധിക്കും.

അപ്പുറത്ത് ഉള്ളവർ മൂത്രം ഒഴിക്കുന്നതുവരെ ക്യാമറയിൽ പകർത്തി ജനങ്ങളിൽ ഇൻഫ്ളുവൻസ് ചെയ്യിക്കുമ്പോൾ ഇത്രയും മഹത്തായ ഒരു യാത്രയെ കണ്ടില്ലെന്നു നടിക്കുന്ന ഓൺലൈൻ മാധ്യമങ്ങളും, സോഷ്യൽ മീഡിയ പടയാളികളും കുറച്ചെങ്കിലും രാജ്യസ്നേഹം കാണിക്കണം എന്നഭ്യർത്ഥിക്കുന്നു.

ഒരു വ്യക്തി അദ്ദേഹത്തിന്റെ ജീവിതത്തിലെ ഒരു മഹത്തായ അധ്യായം തുറക്കുമ്പോൾ അദ്ദേഹം ഇട്ടിരുന്ന ടി ഷർട്ടും ജെട്ടിയും മുതൽ അദ്ദേഹം കഴിക്കുന്ന പഴം പൊരിക്കും പരിപ്പുവടക്കും വരെ കണക്കുപറയുന്ന ഒരു കൂട്ടം മണ്ടശിരോമണികളുടെ ഈ നാട്ടിൽ ആരൊക്കെ എന്തൊക്കെ ചെയ്‌താലും അവരിങ്ങനെ പറഞ്ഞുകൊണ്ടിരിക്കും.

ആ വിമർശനങ്ങൾ യാത്രയെ അനുകൂലമായി മാത്രമേ ബാധിക്കുകയുള്ളൂ.
മധ്യകേരളത്തിലെ ഒരു എംപി , ഒന്നരലക്ഷത്തിലേറെ ഭൂരിപക്ഷം കിട്ടിയ അദ്ദേഹം ഒരു പഞ്ചായത്തിൽ നിന്നും ആകെ പ്രതീക്ഷിച്ചത് 100 പേരെ മാത്രം.

കാരണം അദ്ദേഹം എന്തൊക്കെ പരിപാടികൾ നടത്തിയാലും 100 പേരിൽ താഴെ മാത്രമേ ആളുകൾ എത്തിയിരുന്നുള്ളൂ. സംഭവിച്ചത് ആ പഞ്ചായത്തിൽ നിന്നും മാത്രം അയ്യായിരത്തോളം പേർ ജോഡോ യാത്രക്ക് അണിനിരന്നപ്പോൾ ജനസമ്മതി എന്നത് നിസ്സാര കാര്യമല്ല എന്നത് എംപിക്കും ബോധ്യപ്പെട്ടു.


കേവലം രണ്ടു സീറ്റിൽ ഉണ്ടായിരുന്ന ബിജെപിയെ 82 ൽ എത്തിച്ചത് ഒരു രഥയാത്ര ആയിരുന്നു . ആന്ധ്രയിൽ ചന്ദ്രബാബു നായിഡുവിന്റെ ഭരണം കശക്കിയെറിഞ്ഞത് വൈഎസ്ആറിന്റെ ഒരു കാൽനട യാത്ര ആയിരുന്നു . ചെന്നിത്തലയുടെ ഒരു കേരളയാത്രയാണ് നായനാർ സർക്കാറിന്റെ അടിവേര് തോണ്ടിയത് . പാലക്കാട്ടെ സിപിഎമ്മിന്റെ അഹങ്കാരം ഇല്ലാണ്ടാക്കിയത് വികെ ശ്രീകണ്ഠന്റെ ‘ജയ് ഹോ’ പദയാത്ര ആയിരുന്നു.


മഹാത്മജി തുടങ്ങിവെച്ച യാത്ര എന്ന ക്യാമ്പയിൻ പൊതുവെ ഇന്ത്യൻ ജനത രണ്ടുകയ്യും നീട്ടി സ്വീകരിച്ച ചരിത്രമേ ഇന്ത്യക്കുള്ളൂ . ഭരണക്കാർ യാത്രയുടെ ശോഭ മങ്ങുവാനായി ഇ ഡി റെയ്‌ഡ്‌ , ചോദ്യം ചെയ്യൽ പോലുള്ള കലാപരിപാടികളുമായി വരുംതോറും യാത്രയുടെ കടുപ്പം കൂട്ടുകയല്ലാതെ കുറയുമെന്ന് തോന്നുന്നില്ല .

ഇന്നിപ്പോൾ സകലമാന കോൺഗ്രസ്സ് യുഡിഎഫ് യുപിഎ അനുഭാവികൾ പരമാവധി പണമെറിഞ്ഞുതന്നെയാണ് യാത്രയെ സഹായിക്കുന്നത് . അതിന്റെ കാരണം ഇ ഡി യെ ഉപയോഗിച്ചുള്ള പകവീട്ടൽ രാഷ്ട്രീയം തന്നെ .

തുടക്കം ശരിയായാൽ എല്ലാം ശരിയാകും എന്ന പ്രതീക്ഷയിലാണ് കോൺഗ്രസ്സും സഖ്യ കക്ഷികളും അനുഭാവികളും ജനാധിപത്യ വിശ്വാസികളും . ഒട്ടനവധി നന്മയുള്ളവർ അവരുടെ സ്വകാര്യ പ്രാർത്ഥനകളിൽ രാജ്യത്തിനുവേണ്ടിയും പ്രാർത്ഥിക്കുന്നു .

നാടിന്റെ അവസ്ഥ മറ്റൊരു വഴിയിലേക്കാണ് പോയിക്കൊണ്ടിരിക്കുന്നത് . അതിനെ തടുത്തു നിർത്തേണ്ടത് യുവതലമുറക്കാണ് . തടുത്തു നിർത്തിയെ പറ്റൂ .

ഇന്ത്യക്കായുള്ള ഈ ജാഥയിൽ കന്യാകുമാരി മുതൽ ചെരുപ്പിടാതെ നടക്കുന്ന യാത്രി ദാസനും കണ്ടെയിനർ ട്രക്ക് ഓടിക്കുന്ന സഖാവ് വിജയനും

More News

കണ്ണൂർ: സിപിഎം പിബി അംഗമായിരുന്ന കോടിയേരി ബാലകൃഷ്ണന്റെ മരണവുമായി ബന്ധപ്പെട്ട് വാട്സ്ആപ്പിൽ അധിക്ഷേപകരമായ കുറിപ്പിട്ട പൊലീസുകാരനെതിരെ നടപടി ആവശ്യപ്പെട്ട് പ്രതിഷേധം. കോൺഗ്രസ് നേതാവായ മുല്ലപ്പള്ളി രാമചന്ദ്രന്റെ മുൻ ഗൺമാൻ ഉറൂബിനെതിരെ ഡിജിപിക്ക് പരാതി ലഭിച്ചതിന് പിന്നാലെയാണ് പ്രതിഷേധം. സിപിഎം ആനക്കോട് ബ്രാഞ്ച് സെക്രട്ടറിയാണ് പരാതി നൽകിയത്. സിപിഎമ്മിന്റെ നേതൃത്വത്തിലാണ് പൊലീസുകാരനെതിരെ നടപടി ആവശ്യപ്പെട്ട് പ്രതിഷേധം നടക്കുന്നത്. കുറ്റാരോപിതനായ പൊലീസുകാരൻ ഉറൂബിനെതിരെ തിരുവനന്തപുരം മെഡിക്കൽ കോളേജ് പൊലീസ് സ്റ്റേഷന് മുന്നിലാണ് ഇപ്പോൾ ഉപരോധ സമരം നടക്കുന്നത്. എൽവിഎച്ച്എസ് പിടിഎ […]

കോട്ടയം : ചങ്ങനാശ്ശേരിയിലെ ദൃശ്യം മോഡൽ കൊലപാതക കേസിൽ അറസ്റ്റിലായ പ്രതി മുത്തുകുമാറിനെ ചങ്ങനാശേരി പൊലീസിന് കൈമാറി. ആലപ്പുഴ നോർത്ത് സിഐ രാജേഷിന്റെ നേതൃത്വത്തിലുള്ള സംഘം ആണ് മുത്തുകുമാറിനെ പിടികൂടിയത് . പ്രതിയെ നാളെ കൊലപാതകം നടത്തിയ വീട്ടിലെത്തിച്ച് തെളിവെടുപ്പ് നടത്തും . ആര്യാട് സ്വദേശി ബിന്ദു കുമാറിനെ കൊലപ്പെടുത്തി വീടിനുള്ളിൽ കുഴിച്ചു കോൺക്രീറ്റ് ചെയ്ത് മൂടുകയായിരുന്നു മുത്തുകുമാർ . മുത്തുകുമാറിനെ കാണാനില്ലെന്ന പരാതി കിട്ടിയപ്പോൾ പൊലീസ് മൊബൈൽ ഫോണിൻറെ കാൾ റെക്കോർഡ് പരിശോധിച്ച് ബിന്ദു കുമാറിന് […]

കുവൈത്ത് : കുവൈത്ത് പ്രവാസിയും കുവൈത്തിലെ അമൃത ടെലിവിഷൻ പ്രതിനിധിയും കേരള പ്രസ്സ് ക്ലബ് ട്രഷററുമായ അനിൽ കെ നമ്പ്യാരുടെ അമ്മ കണ്ണൂർ ചിറ്റാരിപറമ്പിൽ വിമല കുമാരി (71) നിര്യാതയായി. മക്കൾ അനിൽ കെ നമ്പ്യാർ, ഷീജ. മരുമക്കൾ: രൂപ അനിൽ, പ്രേമരാജൻ. ശവസംസ്കാരം ചൊവ്വാഴ്ച നടക്കും.

തിരുവനന്തപുരം : പ്രായത്തിൽ വ്യത്യാസം ഉണ്ടെങ്കിലും സിപിഎമ്മിൽ ഏറ്റവും വലിയ ഒരു സൗഹൃദമായിരുന്നു പിണറായി – കോടിയേരി ബന്ധം. അതൊരിക്കലും ഉടയാത്തതായിരുന്നു, കോടിയേരിയുടെ മരണം വരെ. പിണറായിയുമായി ഇത്രയും സൗഹൃദം ഉള്ള മറ്റൊരു നേതാവും സിപിഎമ്മിൽ ഇല്ല. പലർക്കും പിണറായിയിലേക്കുള്ള മാർഗമായിരുന്നു കോടിയേരി . കോടിയേരിയുടെ വിയോഗത്തോടെ പാർട്ടിയിലെ വിശ്വസ്തനായ സഹപ്രവർത്തകനെയും ജീവിതത്തിലെ സഹോദര തുല്യനായ വ്യക്തിയേയും നഷ്ടപ്പെട്ട തീവ്ര വേദനയിലാണ് മുഖ്യമന്ത്രി പിണറായി വിജയൻ . കോടിയേരിയുടെ രാഷ്ട്രീയ ജീവിതത്തിന്റെ തുടക്കം മുതൽ ഇരുവർക്കുമിടയിൽ നിലനിന്നിരുന്നത് […]

മുംബൈ: സർക്കാർ സ്ഥാപനങ്ങളിൽ ജോലി ചെയ്യുന്ന എല്ലാ ജീവനക്കാരും പൗരന്മാരിൽ നിന്നോ സർക്കാർ ഉദ്യോഗസ്ഥരിൽ നിന്നോ ഫോൺ കോളുകൾ സ്വീകരിക്കുമ്പോൾ ‘ഹലോ’ എന്നതിന് പകരം ‘വന്ദേമാതരം’ എന്ന് അഭിവാദ്യം ചെയ്യണമെന്ന് മഹാരാഷ്ട്ര സർക്കാർ. ഇതു നിർബന്ധമാക്കി മഹാരാഷ്ട്ര പൊതുഭരണ വകുപ്പ് ശനിയാഴ്ച ഉത്തരവ് പുറത്തിറക്കി. സർക്കാർ ധനസഹായമുള്ള സ്ഥാപനങ്ങളിലും ഇതു പാലിക്കണം. ‘ഹലോ’ എന്ന വാക്ക് പാശ്ചാത്യ സംസ്‌കാരത്തിന്റെ അനുകരണമാണെന്നും അത് ഒഴിവാക്കി ‘വന്ദേമാതരം’ ഉപയോഗിച്ച് തുടങ്ങണമെന്നും ഉത്തരവിൽ പറയുന്നു. മന്ത്രി സുധീർ മുൻഗന്തിവാറാണ് ഈ നിർദേശം […]

കടയ്ക്കൽ: മൂന്നര വയസ്സുള്ള മകളെ അങ്കണവാടിയിൽ ആക്കിയ ശേഷം യുവാവിനൊപ്പം കടന്ന യുവതിയെ പൊലീസ് കണ്ടെത്തി. യുവതിയെയും കൂടെ ഉണ്ടായിരുന്ന കടയ്ക്കൽ ചരിപ്പറമ്പ് സുനിൽ വിലാസത്തിൽ അനിൽ കുമാറിനെയെും (36) പൊലീസ് അറസ്റ്റ് ചെയ്തു. ഇരുവരെയും കൊട്ടാരക്കര കോടതിയിൽ ഹാജരാക്കി റിമാൻഡ് ചെയ്തു. കഴിഞ്ഞ 22നാണ് യുവതിയെ കാണാതായത്. യുവതിക്ക് രണ്ടു കുട്ടികൾ ഉണ്ട്. മൂത്ത മകളെ ഉപേക്ഷിച്ച് ഇളയ കുട്ടിയുമായി അനിൽകുമാറിനൊപ്പം പോയതായി പൊലീസ് പറഞ്ഞു. മൊബൈൽ ഫോൺ നമ്പർ പ്രകാരം പൊലീസ് നടത്തിയ അന്വേഷണത്തിൽ […]

ജിദ്ദ: വിശുദ്ധിയുടെ നാട് പിന്നീട് വിനോദത്തിന്റെയും ഇപ്പോൾ വിദ്യാഭ്യാസത്തിന്റെയും കൂടി കേന്ദ്രമാവുന്നു. ടൂറിസം പരിപോഷിപ്പിക്കാനായി വിസ കാര്യങ്ങളിൽ ഒട്ടേറെ പരിഷ്കരണങ്ങളും പുതുമകളും നടപ്പാക്കിക്കൊണ്ടിരിക്കുന്ന സൗദി അറേബ്യ ഇപ്പോഴിതാ വിദ്യാഭ്യാസത്തിനും ഗവേഷണത്തിനും ഉത്തേജനം നൽകികൊണ്ട് ദീർഘകാല – ഹൃസ്വകാല “വിദ്യാഭ്യാസ വിസ” അവതരിപ്പിക്കുന്നു. 160 ഓളം രാജ്യങ്ങളിൽ നിന്നുള്ള പഠന – ഗവേഷണ കുതുകികൾക്ക് സൗദിയുടെ പുതിയ വിദ്യാഭ്യാസ വിസ ഉപയോഗപ്പെടുത്താനാകും. ഇന്ത്യയും ഈ ലിസ്റ്റിൽ ഉൾപ്പെടുന്നുവെന്ന വാർത്ത ഏറേ സഹർഷത്തോടെയാണ് സൗദിയിലെ മുപ്പത് ലക്ഷത്തോളം വരുന്ന ഇന്ത്യൻ […]

പൊന്നാനി: സാമൂഹ്യ സാംസ്കാരിക സംഘടനയായ എം എസ് എസ് (മുസ്ലിം സർവീസ് സൊസൈറ്റി) പൊന്നാനി ഘടകം അഖില കേരള ഖുർആൻ പാരായണ, മനഃപാഠ മത്സരങ്ങൾ സംഘടിപ്പിക്കുന്നു. മാനസിക വൈകല്യം അനുഭവിക്കുന്ന കുട്ടികൾക്കായി എം എസ് എസ് പൊന്നാനി ഘടകം നടത്തി വരുന്ന ഹോപ്പ് സ്പെഷ്യൽ സ്‌കൂൾ രജത ജൂബിലി ആഘോഷത്തിന്റെ ഭാഗമായാണ് “അഖില കേരള ഖുർആൻ പാരായണ, മനഃപാഠ മത്സരം 2022” അരങ്ങേറുക. ഡിസംബർ മൂന്ന്, നാല് തിയ്യതികളിലായിരിക്കും ഖുർആൻ മത്സരങ്ങൾ. ഒക്ടോബർ ആദ്യവാരത്തിൽ മത്സരത്തിൽ പങ്കെടുക്കുന്നതിനുള്ള […]

ബഹ്‌റൈന്‍: ബഹ്‌റൈനിലെ മലയാളികളുടെ വടം വലി അസോസിയേഷൻ രൂപീകരിച്ചു. ടഗ്ഗ് ഓഫ്‌ വാർ അസോസിയേഷൻ ബഹ്റൈൻ എന്ന പേരിലാണ് സംഘടന രൂപീകരിച്ചത്. സംഘടനയുടെ രക്ഷാധികാരിയായി ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്തിനെ തിരഞ്ഞെടുത്തു. ഷാജി ആന്റണി, അമൽദേവ് ഒ .കെ, ഷജിൽ ആലക്കൽ, ശരത് സുരേന്ദ്രൻ ,രതിൻ തിലക്, രഞ്ജിത്ത് എന്നിവരെ അസോസിയേഷൻ ഒഫീഷ്യൽസ് ആയും തിരഞ്ഞെടുത്തു. 21 അംഗങ്ങളുള്ള പാനലും, 100 മെമ്പർമാരുമുള്ള അസോസിയേഷനുമാണ് രൂപീകരിച്ചത്.

error: Content is protected !!